Aisaya 5:1 - Uwumbɔr aagbaŋ

¹ Le pel man nlahn mu m ban m gaa na. Mu ye njɔ ubaa ni waasaak aalahn la. Udichadaan ubaa le nan bi le ki naan kisaak lijool li aatiŋ ŋan na pu.

Aisaya 5:1 ပူးပေါင်းရင်းမြစ်များ

Ilahn 101:1

Uwumbɔr, maalahn ye ibamɔn ni ngeehm aalahn la, le m gaa mu tii si.

Ilahn 45:1

Ŋimɔbonyaan le gbii nsui ni, le m naan nlahn mue m tii ubɔr. Nlambil gor ke li di nlahn lii ke ugbaŋmeer nyaan aagbaŋmeemoon aah ga ŋmee pu na.

Ilahn 60:5

Ŋun timi aameel, di saapɔɔn gaa timi lii, aan saah gee binib bi na ŋmar.

Ilahn 80:8

Aa nan di ŋisubil aasub nyan ni Ijipt aatiŋ ni; aa nan jenn nyan ŋinibol le ki di bu ŋum baatiŋ ni.

Solomonn Aalahn 2:16

Mbɔɔn ye min yoo la, le m mu ye u yoo. U kpiini waawakor nsupuun ponn ni la,

Solomonn Aalahn 5:16

M yaa moor umɔb kan, ni mirk la; waawan mɔmɔk cha m moo neen u la. Jerusalem aapiib, mbɔɔn bi kina la.

Solomonn Aalahn 5:2

Maah nan dɔ geen na, nsui ma nan waa la. M nan daŋ tidaŋ ke mbɔɔn dan nan kpaar maajaaleŋ pu. Mbɔɔn, maabɔngeehn, ni maananjel, cha m koo ni. Limaln le sɔŋ n‑yil, le likpakpal mu sɔŋ n‑yikpir.

Solomonn Aalahn 6:3

Mbɔɔn ye mi yoo la, le m mu ye u yoo; u kpiini waawakor nsupuun ni la.

Jeremia 12:10

Biyidam bi ye biwɔwɔm na pam le bi maasubil aasaak ni; bi taa taa maajikaar bil kitiŋ; bi cha maatiŋ ki nan ŋan sakpen na kpaln nteersakpiin.

Jeremia 2:21

M nan bun nimi ke lisubinyaan li aasub ga li ŋan na la. Tɔ, lik naah tun pu na. Ni naahn ŋisubil aasub bu bur na la.

Esekiel 15:2

“Unibɔn, ndaan aasubil aasufabir ga ŋa kinye ki di tibaa di ŋaŋ busukpaam? Ndaan aasubil aasubon kpa ba aanyoor kichook ni aasukpaan chee?

Esekiel 19:10

Aana nan naahn ndaan aasubil aasub bu si gbɔk nkpen na la. Nnyun aah bi sakpen na, bu nan kpa tifar ni ŋisubil pam.

Hosea 10:1

Israel aanib nan bi ke ŋisubil aasub bu lun ŋisubil sakpen na la. Buyoonn bi moo kan liwangol na, le bi too maa ŋiwaa aatork aabimbin kpae. Buyoonn baatiŋ moo ŋani tijikaar na, le bi too toor ŋiwaa ŋi bi dooni na ke ŋi li ŋan.

Matiu 21:33

“Li pel man liyataŋakl liken. Udichadaan ubaa le nan bi le ki naan kisaak, le ki ŋum isui i lu ŋisubil na ki ponn ni, le ki di idɔ gob kisaak ngbaan, le ki gbii libuul li bi ga di ŋisubil ŋa li ponn ni na aan ki mueni nyani ŋaanyun na, le ki maa libimbifɔfɔŋ ke unii li ka li paab ki kiir kisaak ngbaan, le ki yin bikpaab bibaa, le ki di kisaak ngbaan ŋa biŋaal ni, ke bi li lik ki. Isui ngbaan yaa nan lun ŋisubil kan, bi ker ki tii u, aan ki ker bibaa mu. Waah ŋa kina na, le u siir ki buen kitiŋ ki daa na ni.

Tibɔnyaan ti Mak ŋmee ti na 12:1

Le Yesu ki ŋakl bi ŋiyataŋak ke, “Uja ubaa le nan naan kisaak, le ki ŋum isui i lu ŋisubil na ki ponn ni, le ki di idɔ gob kisaak ngbaan, le ki gbii libuul li bi ga di ŋisubil ŋa li ponn ni aan ki muen nyan ŋaanyun na, le ki maa libimbifɔfɔŋ ke unii li ka li paab ki kiir kisaak ngbaan, le ki yin bikpaab bibaa, ki di kisaak ngbaan ŋa biŋaal ni ke bi li lik ki. Isui ngbaan yaa nan lun ŋisubil kan, bi ker tii u, aan ki ker bibaa mu. Waah ŋa kina na, le u siir ki buen kitiŋ ki daa na ni.

Tibɔnyaan ti Luk ŋmee ti na 20:9

Le u ŋakl binib ngbaan liyataŋakl, “Uja ubaa nan naan kisaak, ki ŋum isui i lu ŋisubil na ki ponn ni, le ki yin bikpaab bibaa, ki di kisaak ngbaan ŋa biŋaal ni ke bi li lik ki. Isui ngbaan yaa nan lun ŋisubil kan, bi ker tii u, aan ki ker bibaa mu. Waah ŋa kina na, le u siir ki buen kitiŋ ki daa na ni, ki ti yunn nima.

Jɔnn 15:1

“Min le ye ndaan aasubil aasupuul bamɔnn na. Nte Uwumbɔr le ye ukpaal u lik busub ngbaan na.

Ikaal 8:10

Ni ga kan tijikaar mɔk aabɔŋ kitiŋ ngbaan ni ki ji bab; le ni ga doon Nidindaan Uwumbɔr kitinyaan ki u di tii nimi na pu.

Ikaal 8:7

Nidindaan Uwumbɔr le joo nimi cha kitiŋ ki nyuun na ponn ni, kitiŋ ki kpa ŋimɔɔ, ni inyunbun, ni nnyun mu nyeeni nya kitiŋ ki puu cha tifatann, ni ŋigongon ni na,