Aisaya 49:1 - Uwumbɔr aagbaŋ

¹ Nimi ŋitimbol ŋi bi dandar na, li pel man, nimi binib bi koo dandar na, li pel man. Waahr aan bi nin ma mi na, le Uwumbɔr nan lee mi, ki di mi siin ke m li ye waatutunn.

Aisaya 49:1 ပူးပေါင်းရင်းမြစ်များ

Ilahn 22:10

Bundaal bi maa mi na le m nan di naadii tii si, le aa ye Maawumbɔr n‑yoonn mɔmɔk.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 24:15

le binib bi bi liwipuul wɔb na ga nyuŋ u. Binib bi bi nnyusakpem aagbaan na ga nyuŋ Uwumbɔr u ye Israel yaab Aadindaan na.

Aisaya 33:13

Cha bimɔk bi kɔnkɔni do na, ni bimɔk bi dandar na mu ŋun maah tun pu na, aan ki bee maapɔɔn aah bi pu na.”

Aisaya 41:1

Uwumbɔr bui ke, “Nimi ntim mu bi dandar na aanib, ŋmin man aan ki li pelni m chee. Gor man nibaa ki di nimi aabɔr buen libɔjil ni; ni ga kan nsan ki len nimi aabamɔn. Cha ti kal ki kpokl ki lik man u kpa mbamɔn na.

Aisaya 42:12

Cha binib bi koo ntim mu bi dandar na tii Uwumbɔr kipak ni kinyuŋ.

Aisaya 44:2

Min le ye Uwumbɔr u naan nimi na; ki nyan bundaal bi ma nimi na, le m nan piin ki ter nimi. Taa san ijawaan man, nimi le ye maatutum, maanib bi m lee bi ki gee bi na.

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 45:22

Nimi binib bi mɔmɔk bi dulnyaa wee ni na, fenn gir ni m chee dandana aan ki ŋmar man. Min baanja le ye Uwumbɔr u bi na.

Aisaya 45:3

M ga nyan ni liwangol mbɔmbɔɔn ni ki nan tii si, le aa bee ke min le sil ye Uwumbɔr, ki bee ke Israel yaab Aawumbɔr ngbaan le yin si ke Sairus.

Aisaya 46:3

“Jakob aayaabitiib, nimi Israel yaab ponn ni bimɔk ŋmar na, li pel m chee man. Buyoonn bi nan ma nimi na, min le nan joo nimi.

Aisaya 49:12

Maanib ga nyan ni dandar, bi ga nya ni ŋŋangan wɔb ni liwilir wɔb, ki nya ni Aswann aatiŋ ki bi ŋŋangii wɔb na.”

Aisaya 49:5

Waahr aan bi nin ma mi na, Uwumbɔr nan nyan mi siin; u nan ŋa mi waatutunn ke m giin ni waanib, ke m giin ni waanib Israel yaab bi yaa na. Uwumbɔr nyuŋni mi; uma le tii mi mpɔɔn.

Aisaya 51:5

M ga dan mala ki nan gaa bi lii; n‑yoonn mu m ga di nyaŋ binib na ŋɔŋni a. Min mbaa le ga li joo ŋitimbol mɔmɔk. Ntim mu bi dandar na aanib ka kii mi ke m dan; bi ka kii mi, ki kpa limakl ke m ga nan gaa bi lii.

Aisaya 52:13

Uwumbɔr bui ke, “Maatutunn ga nyaŋ waatuln; bi ga nyuŋ u sakpen.

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Aisaya 57:19

M tii binib bi duun na, ni binib bi dandar na mɔmɔk nsuudoon. M ga tii maanib laafee.

Aisaya 60:9

Ni ye iŋɔi i nyan ni dandar na la, i joo ni Uwumbɔr aanib le choo kun ni. Bi joo ni salmaa ni tikunabr la, ke bi nan di nyuŋ timi Israel yaab Aadindaan Uwumbɔr u bi chain ki cha ŋitimbol pak timi waanib na aayimbil.

Aisaya 66:19

ki bee ke min le dar bitafal. “Le m ga gaa bi ponn ni bibaa lii ki tun bi ŋitimbol, ni ntim mu daa kaa kee ŋun maayimbil pu, ki mu aa kee kan maapɔɔn na: ki ye Speenn aatiŋ, ni Libia, ni Lidia aatim ni, nin chee kpa bijab bi ŋmaa too itɔi na, ni Tubal ni Griis aatim ni. Ŋitimbol ŋee ponn ni le bi ga moon maapɔɔn.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Aisaya 9:6

Bi ma ubo tii timi. Bi tii timi ubijabo. Le u ga li ye timi aajojoor. Waayimbil ga li ye ke, “Lijinjiir Aasusur,” ni “Mpɔɔn mɔmɔk Aawumbɔr,” ni “N‑yoonn mu kaa kpa ndoon na Aate,” ni “Nsuudoon Aabɔrbo.”

Jeremia 1:5

“M nan nyan si waahr le ki nin tii si limɔfal, le waahr aan bi nin ma si na, m nan lee si ke aa li ye maabɔnabr tii ŋitimbol.”

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Tibɔnyaan ti Luk ŋmee ti na 1:15

U ga li ye uninyuun Uwumbɔr chee. Waan nyu ŋisubil aadaan, ki mu aan nyu ndaan mubaa. U ga li gbii Uwumbɔr Aafuur Nyaan buyoonn bi ga maa u na, ki li joo cha.

Tibɔnyaan ti Luk ŋmee ti na 1:31

Aa ga dek lipuul, ki maa ubijabo ki yin u ke Yesu.

Jɔnn 10:36

M ma kan, Uwumbɔr nyan mi ki tun ni mi dulnyaa wee ni, le maah len ke m ye Ujapɔɔn na, ni bui ke m sii u uu?

Galantiya 1:15

Uwumbɔr aanimbaasaln pu, le u lee mi buyoonn baa nan kee ma mi na, le ki yin mi ke m dii u.

Efesusi 2:17

Kristo nan dan ki nan tuk nimi bi nan daa Uwumbɔr chee na, ni Juu yaab bi duun u chee na, ke u ga ŋa nimi, ni Juu yaab, ni Uwumbɔr kijɔtiik.

Hiibru Yaab 12:25

Ni li nyi man, ki taa yii Uwumbɔr u len ni chee na. Buyoonn u nan sur Israel yaab dulnyaa wee ni na, le bi yii, le u daa bitafal. Ti yaa yii Yesu u nyan ni paacham ki nan sur timi na kan, u ga sil daa titafal.

1 Piita 1:20

Uwumbɔr aa nan kee naan dulnyaa le ki nyan Kristo ke u li ye kitork ngbaan. Naah nan ŋeer na, le u dan dulnyaa wee ni, nimi pu.