Aisaya 48:8 - Uwumbɔr aagbaŋ

⁸ M nan nyi ke naa ye binib bi unii ga gaa nimi ki kii na, ke unii mɔk nyi ni pu, ke ni ye binib bi kaa kii tii biken na la. Kina pu le naa ŋun kina aabɔr, nima le cha nitafal aa cheen kina aabɔr daalbaadaal.

Aisaya 48:8 ပူးပေါင်းရင်းမြစ်များ

Ilahn 40:6

Saa ban tiwakor ni tijikaar aatork; saa ban ke m di tiwakor toor kitork ki di see mmii kitork aabimbiln paab tii si, kaa ban ke m toor kitork titunwanbir pu, aa tee tii mi ŋitafal ke m ŋun tii si,

Ilahn 51:5

N‑yoonn mu bi ma mi na, le m kpa titunwanbir, ki nyan nwiin mundaal bi ma mi na, le m ye titunwanbirdaan.

Ilahn 58:3

Titunwanbirdam tun tiwan ni kaa ŋan na le baamɔfal aayoonn mɔmɔk; bundaal bi ma bi na le bi piin ki geei inyamɔn.

Aisaya 21:2

M kan libiil aabɔr tibɔkpiirkaan ni, libiil ni ŋŋmannim aabɔr. Elam aajab, ti tak bi man. Media aajab, buen ti gob man ntim ngbaan. Uwumbɔr ga kuln Babiloŋ yaab aah tii nimi falaa u na.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Aisaya 42:25

Kina pu le u cha ti kan waaŋuul aah pɔɔ pu na, ki cha ti jin butɔb aafalaa. Waaŋuul wu ke mmii na le Israel aatim ni, le taa nan bee tiwan ni bi ŋani na; taa nan bae nibaa ni ponn ni.

Aisaya 46:8

Nimi titunwanbirdam, teer man tibɔr timina; dakl lik maah ŋa pu na man.

Aisaya 47:11

Tibɔbir ga dan aa pu, le saanyɔk ngbaan mubaa aan ŋmaa kiir ti. Nfum mubaa le tibɔbir ga lir ni aa pu, tibɔbir ti saa kee dakl ti pu daalbaadaal na le ga lir aa pu.

Aisaya 48:4

M nan nyi ke nitafal ga li pɔɔ ke kikurk na, kaan li kool ke tikumann aakur na.

Aisaya 48:7

Dandana baanja le m bi cha ni ŋani; kina aawan aa kee ŋa. Ni yaa ba ŋa kan, ni ba ga bui ke ni puun nyi ni pu a.

Aisaya 50:5

Uwumbɔr tii mi ntafaŋum, le m kii kaa yii waamɔb, kaa fenn mpuwɔb tii u.

Aisaya 57:4

Ŋma aan ni ŋani u yaansara? Ŋma aan nimi binyamɔndam yuul?

Jeremia 3:20

Le ni bi ke upii u nyan uchal aapuwɔb na, le ni mu nyan mpuwɔb kina. Min Uwumbɔr le len kina.”

Jeremia 5:11

Israel ni Juda aanib nyan mpuwɔb la. Min Uwumbɔr le len kina.”

Jeremia 5:21

Li pel man, nimi bijɔrb ni bilatiirb bi kpa ŋinimbil kaa waa na, ki kpa ŋitafal kaa ŋun na.

Jeremia 6:10

Le m gar ke, “Ŋma ga pel m chee buyoonn m bi len bi chee tibɔr ki sur bi na? Bi kpa tafalaaŋun, kaan pel saabɔr ti m joo nabr bi na; bi laa saabɔr la.

Hosea 5:7

Bi nyan Uwumbɔr aapuwɔb; kina pu le baabim aa ye waabim. Kina pu le naan yunn le baatim ga kuln.

Hosea 6:7

“Tɔ, baah ti kpaan koo kitiŋ ngbaan ni na, le bi bii tipuur ti m ni bima nan puu tii tɔb na, ke Adam aah nan bii pu na.

Hosea 7:9

kaa nyi ke biniyayam aaterm ngbaan gaal baapɔɔn la. Baawiin aa ki daa, le baa kpaan nyi.

Malakai 2:11

Juda aanib bii tipuur ti bi nan puu tii Uwumbɔr na, ki tun titunwanbir kpaan Jerusalem aatiŋ ni, ni kitiŋ ngbaan mɔmɔk pu. Bi bii Uwumbɔr Aadichal li u gee na. Bijab yoor bipiib bi dooni ŋiwaa na.

Efesusi 2:3

Ti mɔmɔk mu nan bi bi ponn ni, ki mu dii taah ban tiwan ni kaa ŋan na pu na, ki ŋani tisui ni tiwon aah gee pu na. Taah nan bi pu na le nan cha Uwumbɔr gee liŋuul ti pu, ke waah gee liŋuul titunwanbirdam biken pu pu na.

Ikaal 31:16

Uwumbɔr nan bui Moses ke, “Naan yunn le aa ga kpo. Saakun aapuwɔb, binib ngbaan ga fenn cha mi, ki bii tipuur ti m nan puu tii bi na. Bi ga di mi lii, le ki buen ti doon baah ban bi koo kitiŋ ki ni na aanib ngbaan aawaa.

Ikaal 31:18

Le m ga yii, kaan ki ter bi, ba pu? baah yii ki tun titunwanbir ti ki dooni ŋiwaa na pu.