Aisaya 48:20 - Uwumbɔr aagbaŋ

²⁰ Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Aisaya 48:20 ပူးပေါင်းရင်းမြစ်များ

2 Samuel 7:23

Litimbol libaa aa ki bi kitiŋ kee pu ke Israel aatimbol li aa nyan li tinaagbiir ni, ki di li ŋa aabaa aanib na. Saah tun lijinjiir, ni litusakpeln li tii bi na cha saayimbil yaa koo dulnyaa wee mɔmɔk ni. Saanib bi aa nyan ni bi Ijipt ni ke bi nan li ye saanib na, yaa paan cha kan, le aa jenn ŋitimbol ŋiken, ni ŋaawaa.

Esra 2:1

Binib bi nan nyan ni tinaagbiir ni ki gir ni na pam le nan nyan ni Babiloŋ aapepel ni, ki buen Jerusalem aatiŋ, ni Juda aatim muken ni, bi mɔmɔk cha bido aatim ni. Ubɔr Nebukadnesar aah nan chur bi tinaagbiir buen Babiloŋ buyoonn na, bi nan gur koo nima la.

Ilahn 126:1

Uwumbɔr aah nan di timi giin Jerusalem aatiŋ ni na, ni nan naahn tidaŋ la.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 12:4

Nwiin mubaa ga fuu ni le binib ga gaa nlahn ke, “Doon Uwumbɔr man. Yin u ke u ter nimi man. Tuk ŋitimbol mɔmɔk waah ŋa pu na man. Tuk bi waah kpa liyimbil pu na man.

Aisaya 24:14

Le binib bi ŋmar na ga gaa ilahn mpopiin pu. Binib bi bi liwilir wɔb na ga len Uwumbɔr aapɔɔn aah bi pu na,

Aisaya 26:1

Nwiin mubaa choo, le binib ga gaa nlahn mumina Juda aatiŋ pu: Timi aatisakpeŋ pɔɔ. Uwumbɔr ubaa le kii kaagon.

Aisaya 42:10

Gaa nlahnpɔɔn ki tii Uwumbɔr man; dulnyaa aanib mɔmɔk, gaa ki pak u man. Nimi bi bi iŋɔsakpiin ponn ni, nnyusakpem pu na, pak u man; nimi tiwanfuurkaan ni mɔmɔk bi nnyusakpem ni na, pak u man. Nimi bi mɔmɔk bi ntim mu bi dandar na, gaa ilahn ki pak u man.

Aisaya 43:1

Israel yaab, Uwumbɔr u naan nimi na bui ke, “Taa san ijawaan man, m ga gaa nimi lii. Min le yin nimi, nimi aayimbil, ni ye maanib la.

Aisaya 44:22

Israel yaab, m ŋar nimi aatunwanbir ŋŋaan ke ntaalangbam aah san jer pu na. Gir ni m chee man; min le ye u gaal nimi lir na.”

Aisaya 48:6

Tibɔr timɔk m nan puun len ke ti ga ŋa na mɔmɔk ŋa kina; kina pu na, ni ga kii ke maah nan len pu na ye ibamɔn. Dandana ma, m ga bui nimi tiwachann ni ga dan na la, tiwan ni maa nan kpiir mɔk nimi na.

Aisaya 49:13

Kitaapaak ni taab, li gaa mpopiin aalahn man. Cha ŋijoo li gaa ilahn man. Uwumbɔr ga sɔŋ waanib aasui; u ga san waanib bi bi falaa ni na kinimbaak.

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Aisaya 51:14

Binib bi ye biyom na, m ga gaa bi lii dandana; bi ga kan limɔfal li fɔk na, ki kan tijikaar timɔk bi ban na.

Aisaya 52:10

Uwumbɔr ga di waapɔɔn mu bi chain na gaa waanib lii, le dulnyaa aanib mɔmɔk kan.

Aisaya 52:11

Nimi bimɔk joo Uwumbɔr Aadichal ni aawan na, nya Babiloŋ ni man. Taa cha tijɔŋ aawan nibaa meeh nimi; li bi chain ki nya man.

Aisaya 52:9

Nimi Jerusalem aalangbenn, fii ki li tar mpopiin pu, Uwumbɔr gaa waatiŋ lii, ki sɔŋ waanib aasui.

Aisaya 62:11

Uwumbɔr bi mooni kitiŋ kee mɔmɔk pu ke: “Bui Jerusalem aanib ke Uwumbɔr choo u nan gaa nimi lii, ki joo ni binib bi u gaa bi lii na.”

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Jeremia 31:10

Uwumbɔr ki bui ke, “Ŋitimbol, li pel m chee man, ki di maabɔr moon nnyusakpem aagbaan ni daa na. M nan yaa maanib, le m ga ki kuun ni bi, ki li kpaa bi ke upihkpaal aah kpaa waapiih pu na.

Jeremia 31:11

M gaa Israel aanib lii a, ki nyan bi litimbol sakpeln aapɔɔn ni.

Jeremia 31:21

Ŋa tidaan ki daan nsan; ki gir ban saah nan dii nin chee buen na. Israel yaab, gir ni man, gir ni ntim mu ni nan nyan mu ponn ni na.

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Jeremia 50:28

Tɔ, bikusam nan san nyan ni Babiloŋ ki dan Jerusalem, ki nan len Tidindaan Uwumbɔr aah teen Babiloŋ yaab baah nan tun Waadichal pu pu na.

Jeremia 50:8

“Israel aanib, san nya Babiloŋ ni man. Nya kitiŋ ngbaan ni man. Li ye njan aanib bi ga puen nya na man.

Jeremia 51:45

“Babiloŋ aagon lir a. Israel aanib, san nya nima chee man. Li san ban nimi aamɔfal maaŋuusakpeln chee man.

Jeremia 51:48

Buyoonn Babiloŋ nan koo binib bi ban bi kuln ki na aaŋaal ni na, le taab ni kitaapaak aawan mɔmɔk ga di mpopiin teen mpɔɔn pu.

Jeremia 51:6

San nya Babiloŋ ni man. Li san ban nibaa man. Taa cha bi ku nimi Babiloŋ aanib aatunwanbir pu. M bi teeni le ki dar bitafal naah ŋeer bi pu na.

Sekaria 10:8

M ga yin maanib, ki kuun bi nan kpaan. M ga gaa bi lii, ki cha bi ki wiir ke baah nan bi pu na.

Sekaria 2:10

Uwumbɔr nan ki bui ke, “Jerusalem aanib, li gaa mpopiin aalahn. M choo m nan li koo ni chee la.”

Ikaal 30:4

Hali ni yaa yaa buen dulnyaa aanaanmɔk kan, Nidindaan Uwumbɔr ga kuun ni nimi tɔb chee ki giin ni nimi,

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.

Tibɔkpiirkaan 18:4

Le m ki ŋun nneel nyan ni paacham ki len ke, “Maanib, nyan ni kitiŋ ngbaan aanib chee, ki taa kpaan tun titunwanbir bi chee, ki taa ji falaa u bi ga ji u na;