Aisaya 48:18 - Uwumbɔr aagbaŋ

¹⁸ Ni yaa nan ba pel maah tuk nimi pu na kan, le tinyoor ba ga li puu choo ni chee, ke nkpen mu aanyun aa foor na. Linyaŋ ba ga dan ni chee, ke nnyusakpem aanyunkpenn na la.

Aisaya 48:18 ပူးပေါင်းရင်းမြစ်များ

Ilahn 119:165

Binib bi gee saakaal na bi lifuur ni la, le nibaa aa bi ki ga nyaŋ bi.

Ilahn 36:8

Saah tii timi tijikaar sakpen ti na le kpiini timi; le ti nyu nnyun saaŋann aamɔɔ na ni.

Aisaya 33:21

Uwumbɔr ga mɔk timi waah kpa kipak sakpen pu na. Ti ga li bi ŋimɔɔ ni ikpen i waa na chee la, le iŋɔi i ye bidim aaŋɔi na aan koo ni nima chee.

Aisaya 42:24

Ŋma nan di Israel aanib tii binib bi gaa baawan mpɔɔn na? Uwumbɔr ubaa, u ti tun u titunwanbir na, le nan ŋa kina. Taa bi ke waah nan ban ke ti li bi pu na, kaa dii ikaal i u tii timi na.

Aisaya 45:8

M ga cha linyaŋ nyan ni kitaapaak ke ntaanyun na; le kitiŋ ga waar kimɔb ki gaa, le ki kpaln lifuur ni ibamɔn ŋmeen. Min Uwumbɔr ga cha nimina ŋa.”

Aisaya 54:13

Min mbaa le ga mɔk saanib maasan, ki tii bi liwangol ni nsuudoon.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Aisaya 61:11

Njikaabim aah ŋani pu ki ti punn ki muuni na, kina le Tidindaan Uwumbɔr ga gaa waanib lii, le ŋitimbol mɔmɔk pak u.

Aisaya 62:1

M ga len ki pɔɔk Jerusalem yaab aataakpab; maan di cha limeel ni pu see ni ŋmar, le nimi aaŋann li wiin ke kinyeek aamii aah wiin pu na.

Aisaya 66:12

Uwumbɔr ki len ke, “M ga joo ni nimi liwangol li kaan doo na; litimbol mɔmɔk aawangol ga li choo ni chee ke limɔɔl li kaa foor na la. Ni ga li naahn upii aah ŋaani waabo, ki joo u uŋaal ni, ni ngeehm pu na la.

Hosea 10:12

Le m bui ke, ‘Ko nkpaakopɔɔn tii nibaa man, di mbimbinyaan bu, ki nan chee naah di nibaa tii mi pu na aanyoor. Ni ŋeer ke ni fenn gir ni min Uwumbɔr chee, le m ga dan ki nan di tinyoor gbiin nimi.’

Amos 5:24

Naah ga ŋa pu ki piir nsui na sɔ: Cha ibamɔn ni mbimbinyaan li wiir ke limɔɔl aanyun aah wiir kaa door pu na.

Matiu 23:37

“Jerusalem aanib, nsui bii ni pu la. Ni ku Uwumbɔr aabɔnabtiib, ki yur waatutum ŋitakpal ki ku bi. N‑yoonn mɔmɔk le m nan ban m kuun nimi ki di kpaan mbaa chee ke ukɔla aah kuuni waakoobi pu ki ŋani ufeen ni na, le naa kii.

Rom Yaab 14:17

Uwumbɔr aanaan aa ye tijikaar ni tiwanyukaan. Mu ye mbimbinyaan, ni nsuudoon, ni mpopiin, Waafuur Nyaan aah tii timi pu na la.

Ikaal 32:29

Baa bee tiwan ni bi ŋa aan baadim nyaŋ bi na, kaa bee tiwan ni pii bi na aatataa.

Ikaal 5:29

Bima yaa kpa nlandak ngbaan aaboln kina n‑yoonn mɔmɔk kan, ki yaa ga pak mi ki kii tii maakaal mɔmɔk kan, tiwan mɔmɔk ga li ŋan tii bi, ni biyaabitiib, ki cha n‑yoonn mu kaa kpa ndoon na.