Aisaya 48:17 - Uwumbɔr aagbaŋ

¹⁷ Nimi Israel yaab Aawumbɔr u bi chain na, Uwumbɔr u gaal nimi lir na bui ke; “Min le ye Nidindaan Uwumbɔr u ban ke u mɔk nimi mbimbinyaan, ki mɔk nimi nsan mu pu ni ga dii na.

Aisaya 48:17 ပူးပေါင်းရင်းမြစ်များ

Mpiin 24:48

le ki gbaan kitiŋ nima chee, ki pak Uwumbɔr u ye maaninkpel Abraham Aawumbɔr na, ba pu? uma le ter mi, le m di nan tuur waamaal aanib do, le ki kan bibisal tii ujapɔɔn.

1 Bibɔrb 8:36

saah bi paacham na, pel baameel. Di ubɔr ni Israel aanib aatunwanbir cha pinn bi. Uwumbɔr, mɔk bi ke bi tun tiwan ni ŋan na, ki cha utaal nu saatiŋ ki aa di tii saanib ke ki li ye biyaan n‑yoonn mɔmɔk na pu.

Job Aagbaŋ 36:22

Teer Uwumbɔr aapɔɔn aah nyaŋ pu na; uma le ye umɔmɔkr kpaan ki jer bimɔmɔkb mɔmɔk.

Ilahn 25:12

Binib bi keei Uwumbɔr aamɔb na, ga bee u chee nsan mu bi ga dii na.

Ilahn 32:8

Uwumbɔr bui ke, “M ga mɔk si nsan mu aa ga dii na; m ga mɔk si le ki lik si.

Ilahn 71:17

Maah nan laa ye ubo pu na, le aa mɔk mi saatun, le m beenin len saatun sakpiin ŋi aa tun na.

Ilahn 73:24

Aa di saamɔkm le mɔk mi nsan, le nimina aadoon na, aa ga nan di kinyuŋ le gaa mi.

Aisaya 2:3

le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Aisaya 28:9

Bi len tibɔr ti kaa ŋan na m pu. Bi len ke, “Ŋma aan uja wee dak ke u mɔk tiwan? Ŋma neen waabɔr ti u nabr na? Ti ŋan tii mbim mu laa lii libiil na la.

Aisaya 30:20

Uwumbɔr ga cha ni kan limukl; le uma ubaa ga li bi nima ki mɔk nimi waasan, kaan ki bɔr.

Aisaya 30:21

Ni yaa yenn nsan ki fenn buen ŋŋangii wɔb, bee ŋŋangan wɔb kan, ni ga ŋun waaneel nipuwɔb len ke, “Nsan le na. Dii mu man.”

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 43:14

Israel yaab Aadindaan Uwumbɔr u bi chain ki gaal nimi lir na bui ke, “Waahr aan m gaa nimi lii na, m ga tun bijab bi ti tak Babiloŋ aatiŋ; m ga gbaa wii kitiŋ ngbaan aabisamɔi aajaaleŋ tiib, le kaanib aafuuk ga kpaln iwiil.

Aisaya 43:16

N‑yoonn mu jer ki yunn na, Uwumbɔr nan naan nsan nnyusakpem ponn ni, u nan naan kisanbik nnyun mu puu mala mala na ni.

Aisaya 45:11

Uwumbɔr u ye Israel yaab Aadindaan u bi chain ki ŋani n‑yoonn mu laa choo na waah gee pu na bui ke: “Naa kpa nsan ke ni baa mi maabim aabɔr, bee ni tuk mi maah ga ŋa pu na.

Aisaya 48:20

Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Aisaya 54:13

Min mbaa le ga mɔk saanib maasan, ki tii bi liwangol ni nsuudoon.

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Aisaya 54:8

M nan di liŋuul le ki san cha si siib, le m ga di maageehm mɔk si ki ti saa n‑yoonn mu kaa kpa ndoon na.” Kina le Uwumbɔr u gaa si lii na len.

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Maika 4:2

le ŋaanib ga bui ke, “Cha ti jon Uwumbɔr aajool ki buen Israel yaab Aawumbɔr Aadichal ni; ba pu? u ga mɔk timi waah ban ti ŋa pu na, le ti ga chuun waah lee isan i na pu. Uwumbɔr aamɔkm nyan ni Jerusalem aatiŋ ni la; Sionn pu le u len ni waanib chee tibɔr.”

Jɔnn 6:45

Uwumbɔr aabɔnabtiib nan ŋmee ke Uwumbɔr ga mɔk bi mɔmɔk waasan. Unii umɔk ŋun Nte Uwumbɔr aah len pu na, ki bae waakaal na, u ga dan m chee.

Efesusi 4:21

M nyi ke ni ŋun waabɔr ki bae waaliin i ye mbamɔn na.

Josua 3:4

Naa nyi do kpala, nima pu na, bima le ga mɔk nimi nsan. Ubaa taa ŋɔŋ Uwumbɔr Aakaal Aadakaa ngbaan chee, ni li paa u pu, ki li daa u ki pii ŋitaa ŋichur ŋitaa.”