Aisaya 48:14 - Uwumbɔr aagbaŋ

¹⁴ Ni mɔmɔk kuun ni man ki nan pel. Ŋiwaa ngbaan ponn ni libaa aa nan ŋmaa len ke uja u m lee u na ga nan tak Babiloŋ aatiŋ; u ga ŋa maah tuk u ke u ŋa pu na.

Aisaya 48:14 ပူးပေါင်းရင်းမြစ်များ

Mpiin 49:1

Jakob nan yin ujapɔtiib ki bui ke, “Tiŋ ni, ki mann goln mi man, aan m tuk nimi tiwan ni choo ni pu ki ga nan ŋa na.

Mpiin 49:2

Nimi Jakob aajapɔtiib, tiŋ ni tɔb ki nan pel man. Ni li pel nite Israel aah ga len pu na.

Aisaya 13:19

Babiloŋ aanaan le ŋan jer nnaan mɔmɔk; le mu aanib kpa kipupuk mu pu. Le min Uwumbɔr ga kuln Babiloŋ ke maah nan ŋa Sodom ni Gomora aatim pu na.

Aisaya 21:9

Libuul ngbaan ni, le bi nyan ni. Bijab jak itaan, ki dii tɔb bilelee. Ukikiir ngbaan tuk mi waah kan pu na, “Babiloŋ lir a. Baah nan dooni ŋiwaa ŋimɔk na lir kitiŋ ki wii a.”

Aisaya 41:22

Dan do ki nan buu tibɔɔr ki len budabu ga ŋa na, aan ni yaa nan ŋa kan, ti li nyi. Bui bibɔjirb tiwan ni nan ŋa n‑yoonn mu jer na man, ki tuk timi naatataa.

Aisaya 43:9

Kuun ŋitimbol mɔmɔk dan libɔjil ngbaan ni. Baawaal lilaliba ga ŋmaa mɔk tiwan ni ga ŋa n‑yoonn mu choo na? Lilawaal nan len tiwan ni bi ŋani na aabɔr? Cha ŋiwaa ngbaan li joo ni ŋaaseeraadam bi nan mɔk ke bi kpa mbamɔn, bi nan sil ke ŋaabɔr sil ye ibamɔn.

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Aisaya 44:7

Ŋma mu ki ga ŋmaa ŋa maah ŋa pu na? Ŋma ga ŋmaa bui binib tiwan ni ga ŋa na ki nyan mpiin ki ti saa ndoon aayoonn?

Aisaya 45:13

Min mbaa le pɔɔk ubɔrkpaan Sairus aataakpab ke u tun maatuln ki cha tiwan mɔmɔk sil chob. M ga naar isan imɔk u chuun i pu aan i gɔr na. U ga gir maa maatiŋ Jerusalem, ki gaa maanib lii. Ubaa aa tii u ipiin ke u di tun lituln limina.” Uwumbɔr Mpɔɔnsakpiindaan le len kina.

Jeremia 50:44

“Min Uwumbɔr ga dan ki nan cha Babiloŋ yaab san libuul ni, ki nyan baatiŋ ni, ke uchinn aah nyan ni kichook ni, ki di bɔ dii Jɔɔdann aagbaan pu, ki nan nya timosɔnn ni pu na la. Maah ga lee usaloln u na le ga li joo litimbol ngbaan. M ni ubaa aa ŋak. Ubaa aan kaa ke u kpak mi. Utinjoor ubaa aan ŋmaa kpak mi.

Tibɔnyaan ti Mak ŋmee ti na 10:21

Le Yesu lik u, ki gee u, le ki bui u ke, “Tiwan nibaa le gur. Buen ti kooh saah kpa tiwan nimɔk na, ki di ŋimombil ngbaan tii bigiim, aan ki li kpa liwangol paacham, aan ki dan nan li dii mi.”