Aisaya 48:13 - Uwumbɔr aagbaŋ

¹³ Maaŋaal le nan naan taab aatinyikl, ki daa taln kitaapaak. M yaa yin kitiŋ ni kitaapaak kan, ni choo mala le ki nan sil nnimbiin ni.

Aisaya 48:13 ပူးပေါင်းရင်းမြစ်များ

Job Aagbaŋ 37:18

Aa ga ŋmaa ter Uwumbɔr aan u daa taln kitaapaak ki cha ki li pɔɔ ke tikur ti joon kpal kpal na aa?

Ilahn 102:25

n‑yoonn mu jer na le aa nan naan kitiŋ, ki di aabaa aaŋaal naan paacham.

Ilahn 147:4

U tii iŋmabi yaakahm, ki yin imɔk yaayimbil.

Nnyam 20:11

Iwiin iloob le min Uwumbɔr di naan dulnyaa, ni kitaapaak, ni nnyusakpem, ni tiwan ni mɔmɔk bi ni ponn ni na, ki di winlole daal fuur. Nima pu le min Uwumbɔr ŋa tinyoor ŋa winlole daal pu ki ŋa mu chain.

Aisaya 40:12

Ŋma ga ŋmaa di uŋaapɔtan ŋaŋ nnyusakpem aanyun ki ti bee mu aaŋaŋ, bee u di uŋaal ŋaŋ kitaapaak? Ubaa ga ŋmaa di kitiŋ kee aatan mɔmɔk ŋa kiyinyook kibaa ni ii? Ubaa mu ga ŋmaa di tiwan ni bi joo ŋaŋni tiwan aah nyuun pu na ki di ŋaŋ ŋijoo ni ŋigongon aanyunyuun aa?

Aisaya 40:21

Saa nyi ii? Baa nan tuk si n‑yoonn mu jer na aa? Saa kee ŋun dulnyaa wee aah nan piin pu na aa?

Aisaya 40:22

Uwumbɔr u ka waabɔrjal li bi paacham kitaapaak ni na le nan naan dulnyaa wee; binib bi bi taab na naahn inyann le u chee. U taln kitaapaak ke likekeln na la, ke baah ga ŋa likekeln aabool ki li koo li ponn ni pu na.

Aisaya 40:26

Waan lik kitaapaak man. Ŋma naan iŋmabi i ni waa i na? U lolni i pu nsan ke bijab bi cha butɔb na la, ki nyi yaa wiir pu na, ki yin i mɔmɔk ni yaayimbil la. Waapɔɔn aah nyaŋ sakpen pu na, i ponn ni ubaa aa wɔŋni.

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 45:12

Min le naan kitiŋ kee, le ki naan unibɔn ke u li bi ki pu. Mbaa aapɔɔn pu le m di daa taln kitaapaak; min le mɔk nwiin, ni uŋmal, ni iŋmabi naah ga ŋa pu na.

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Aisaya 51:13

Ni suln Uwumbɔr u naan nimi na bɔr aa? Uma le nan daa taln kitaapaak, ki baan kitiŋ aatinyikl. Ba ŋa ni san ijawaan n‑yoonn mɔmɔk binib bi muk nimi na aaŋuul pu, ki san binib bi ban bi ku doo nimi na? Baaŋuul aan ki pii nimi daalbaadaal.

Jeremia 51:15

Uwumbɔr di waapɔɔn le naan kitiŋ kee, waalan le u di naan dulnyaa le ki daa taln kitaapaak.

Rom Yaab 4:17

Ni ŋmee Uwumbɔr Aagbaŋ ponn ni ke Uwumbɔr bui Abraham, “M ŋa si ŋinibol pam aayaaja la.” Abraham le ye tite Uwumbɔr chee. U nan tii Uwumbɔr naadii. Uma Uwumbɔr le fikr binib bi kpo na nkun ni, le ki yin binib bi kaa kee bi na, ke baah bi le na.