Aisaya 48:12 - Uwumbɔr aagbaŋ

¹² Uwumbɔr bui ke, “Israel aanib, binib bi m yin bi na, li pel m chee, Min le ye Uwumbɔr u ye mpiin ngbaan, ni ndoon ngbaan na, Uwumbɔr baan ngbaan.

Aisaya 48:12 ပူးပေါင်းရင်းမြစ်များ

Ŋiyataŋak 7:24

Tɔ, maabim, li pel man. Ŋun tii man maah len pu na.

Ŋiyataŋak 8:32

Tɔ, maabim, li pel m chee man. Ŋa maah len pu na man, ki li kpa mpopiin.

Aisaya 34:1

Ŋitimbol mɔmɔk aanib, dan man. Kuun man tɔb chee ki pel. Cha kitiŋ kee, ni binib bi mɔmɔk bi ki pu na dan aan ki nan pel man.

Aisaya 40:26

Waan lik kitaapaak man. Ŋma naan iŋmabi i ni waa i na? U lolni i pu nsan ke bijab bi cha butɔb na la, ki nyi yaa wiir pu na, ki yin i mɔmɔk ni yaayimbil la. Waapɔɔn aah nyaŋ sakpen pu na, i ponn ni ubaa aa wɔŋni.

Aisaya 41:4

Ŋma nan cha nimina ŋa? Ŋma mɔk tibɔkpokr ti nan ŋa na taah ga ŋa pu na? Min Uwumbɔr le nan ŋa kina. Min Uwumbɔr le nan bi mpiin ngbaan, ki ga nan ki li bi ndoon mu.

Aisaya 43:10

Israel aanib, nimi le ye maaseeraadam; m nan lee nimi ke ni li ye maatutum, aan ni li nyi mi ki gaa mi ki kii, ki bee ke min baanja le ye Uwumbɔr. Uwumbɔr ubaa aa ki bi ki kpee m pu, ubaa aa nan bi, ki mu aan ki li bi.

Aisaya 43:11

Min baanja le ye Uwumbɔr. Min baanja le ga ŋmaa gaa nimi lii.

Aisaya 44:1

Uwumbɔr bui ke, “Maatutunn Israel aanibol, Jakob aayaabitiib bi m lee bi na, li pel dandana man.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 46:3

“Jakob aayaabitiib, nimi Israel yaab ponn ni bimɔk ŋmar na, li pel m chee man. Buyoonn bi nan ma nimi na, min le nan joo nimi.

Aisaya 46:4

Min le ye nimi Aawumbɔr u joo nimi na ki ti saa buyoonn ni ga por aan niyil piir na. Min le naan nimi le ki ga li joo nimi, min le ga ter nimi ki gaa nimi lii.”

Aisaya 49:1

Nimi ŋitimbol ŋi bi dandar na, li pel man, nimi binib bi koo dandar na, li pel man. Waahr aan bi nin ma mi na, le Uwumbɔr nan lee mi, ki di mi siin ke m li ye waatutunn.

Aisaya 51:1

Uwumbɔr bui ke, “Li pel man, nimi bi ban ke ni ŋmar na, nimi bi choo m chee ki ban nterm na, li pel man. Dakl ki lik man litakpal li ponn ni ni nyan ni na, nin chee m nan gbii nyan nimi na.

Aisaya 51:4

Maanib, li pel man, li pel maah len pu na man: M joo maamɔkm tii ŋitimbol mɔmɔk; maakaal ga woln binimbil.

Aisaya 51:7

Li pel man, nimi bi nyi tiwan ni ye mbamɔn na, binib bi di maamɔkm ŋa bisui ni na, li pel man. Binib yaa ŋani nimi mbɔnyun ki seei nimi kan, ni taa san ijawaan;

Aisaya 55:3

Maanib, li pel dandana man, ki dan m chee man, dan man m chee ki nan kan limɔfal. M ga puu tipuur ti kaan doo na tii nimi, ki tii nimi tinyoor ti m nan puu Ubɔr David ke m ga tii u na.

Matiu 20:16

“Liyataŋakl limina aatataa le ye ke puwɔb yaab ga nan ŋa bisalolm. Bisalolm mu ga nan ŋa puwɔb yaab.”

Rom Yaab 1:6

Nimi bi bi Rom aatiŋ ni na, Uwumbɔr yin ni mu, ke ni li ye Yesu Kristo aanib.

Rom Yaab 8:28

Ti nyi ke tiwan nimɔk pii timi na, Uwumbɔr le cha ni mɔmɔk kpaln tiwan ni ŋan na ki tii binib bi gee u na. Waageehn pu le u nan yin bi.

1 Korenti 1:24

Tɔ, Kristo le ye Uwumbɔr aapɔɔn ni waalan ki tii binib bi u yin bi na, bi ye Juu yaab na, ni bi kaa ye Juu yaab na mu.

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Tibɔkpiirkaan 1:11

ki bui mi ke, “Ŋmee saah ga kan pu na kigbaŋ ni, ki di kigbaŋ ngbaan tun Yesu aanib bi bi Asia aatim mulole ni na chee, bi bi Efesus aatiŋ ni, ni Simina aatiŋ ni, ni Pegamum aatiŋ ni, ni Tiataira aatiŋ ni, ni Sadis aatiŋ ni, ni Filadelfia aatiŋ ni, ni Laodisea aatiŋ ni na.”

Tibɔkpiirkaan 1:8

Tidindaan Uwumbɔr, u yeh mpɔɔn mɔmɔk, ki nan bi, ki beenin bi, ki ga li bi n‑yoonn mu kaa kpa ndoon na le len ke uma le ye Alfa ni Omega, mpiin ngbaan ni ndoon ngbaan.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 2:8

“Ŋmee kigbaŋ tii maanib bi bi Simina aatiŋ ni na aatuun ke min Yesu u ye mpiin ngbaan ni ndoon ngbaan, ki nan kpo ki ki fikr na le len tibɔr timina:

Tibɔkpiirkaan 22:13

Min le ye Alfa ni Omega, njan yoo ni gbelngbeln yoo, mpiin ngbaan ni ndoon ngbaan.”