Aisaya 48:10 - Uwumbɔr aagbaŋ

¹⁰ M tɔŋ nimi falaa aamii ni, ke baah pu tikunabr mmii ni pu na, le ki kan ke naa kpa tinyoor tibaa.

Aisaya 48:10 ပူးပေါင်းရင်းမြစ်များ

1 Bibɔrb 8:51

Bi ye aabaa aanib bi aa nyan ni bi mmii sakpiin mu ye Ijipt aatiŋ na ni la.

Job Aagbaŋ 23:10

Le Uwumbɔr tee nyi maah yoor litaal limɔk na; u yaa tɔŋ mi kan, u ga kan ke maa kpa tijɔŋ tibaa.

Job Aagbaŋ 28:1

Baah gbii tikunabr ibuu i ponn ni na bi; le baah toor nyani salmaa aajɔŋ nin chee na bi.

Ilahn 66:10

Uwumbɔr, aa tɔŋ timi; baah pu tikunabr mmii ni pu ki nyani tijɔŋ na, kina le aa tɔŋ timi.

Ŋiyataŋak 17:3

Mmii le bi joo tɔŋni salmaa ni tikunabr, Uwumbɔr mu le tɔŋni unibɔn aasui lik.

Aisaya 27:9

Israel yaab yaa nan baawaatakpal ke nfatan na, ki kuln nnyɔknii aabimbin ni liwaapii Asera aanaŋ kan, Uwumbɔr ga di baatunwanbir cha pinn bi.

Jeremia 11:4

Ti ye tipuur ti m nan puu tii biyaajatiib, buyoonn m nan nyan ni bi Ijipt aatiŋ ki nan bi ke mmii sakpiin ki tii bi na ni. M nan bui bi ke bi kii maamɔb ki li tun maah bui bi pu na mɔmɔk. M nan bui bi ke bi yaa keei maamɔb kan, bi ga li ye maanib, le m li ye Baawumbɔr.

Jeremia 9:7

Kina pu le Uwumbɔr Mpɔɔnsakpiindaan bui ke, “M ga pu maanib mmii ni ke tikur na, ki nyan baajɔŋ le ki tɔŋ bi ki lik. Maanib tun titunwanbir, m ni bima ki kpa bayaar?

Esekiel 20:38

M ga nyan binib bi bi ni ponn ni ki ye bimɔyiib ni titunwanbirdam na. M ga nyan bi baah koo ntim mu ponn ni dandana na, ki mu aan cha bi gir ni Israel aatiŋ pu; le ni ga bee ke min le ye Uwumbɔr.”

Ikaal 4:20

Nimi ma kan, uma le nyan nimi Ijipt yaab aamuk ni. U nyan ni nimi ke u di nimi ŋa waanib, ke naah ye waanib din wee pu na.

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.

1 Piita 4:12

Njɔtiib bi m gee bi na, ni ji falaa u wu sakpen na la. Ni taa dak ke ni ye tiwachann la. Uwumbɔr cha ni ji falaa ke u lik nimi aabimbin aah bi pu na la. Ni taa cha ni gar nimi.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.