Aisaya 47:8 - Uwumbɔr aagbaŋ

⁸ Li pel nimina, sin u gee mmɔɔn sakpen na, sin u dak ke aa pɔɔ ki ŋmar na. Aa bui ke aa kpa mpɔɔn ke Uwumbɔr na, ke ubaa aa ki bi ke sin na. Aa nan dak ke saan ŋa ukpopii daalbaadaal, kaan lann mbim.

Aisaya 47:8 ပူးပေါင်းရင်းမြစ်များ

Aisaya 14:14

Aa nan bui ke aa jon ti kal ntaalangbam paab ki bi ke Mpɔɔndaan Uwumbɔr na.

Aisaya 32:11

Ni po bi nibaa pu la, kaa kpa ilandak ibaa; dandana ma kan, cha niwon li gbaa ijawaan pu. Gbabr nimi aakeken mee man, ki ban tiwankpir di gbin nichaŋ ni.

Aisaya 32:9

Nimi bipiib bi bi nibaa pu, kaa dak tiwan nibaa pu na, li pel man maah bi len pu na.

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Aisaya 45:5

Min le ye Uwumbɔr, uken aa ki bi. Saa nyi mi; m mu tee ga tii si mpɔɔn mu aa ban na.

Aisaya 45:6

M ga ŋa kina ki cha dulnyaa mɔmɔk aanib bee ke min le ye Uwumbɔr, ke uken aa ki bi.

Aisaya 47:10

Aa nan dak ke aa ŋmar saatunwanbir ni a; aa nan nyi ke ubaa aan kan si. Saalan ni saachiin le ŋmann si koon timoor ni, le aa bui aabaa ke, ‘M ye Uwumbɔr la, ubaa aa ki bi ke min na.’

Jeremia 49:31

‘Dan man. Ti ga tak binib bi dak ke bi ŋmar, nibaa aan ŋa bi na. Baatiŋ aa kpa ibisamɔi i laŋni na, le ubaa aa kii ki.’

Jeremia 50:11

Uwumbɔr len ke, “Babiloŋ aanib, ni nan gaa maatimbol aawangol butɔb ni. Ni kpa mpopiin le ki mɔɔni, le ki chuun ke unaa u bi taa gbaar ŋikalmaan, ni utaan u bi wii na,

Jeremia 51:53

Babiloŋ yaa ga ŋmaa jon kitaapaak ki ti maa tidir ti fɔk ki pɔɔ sakpen na kan, m ga sil tun binib bi ti bii ti nima. Min Uwumbɔr le len kina.”

Esekiel 16:49

Ki ni kibisatiib nan kpa kigaak baah kpa tijikaar sakpen bi ji pu na pu, aan ki bi nsuudoon, ni lifuur ni na pu; bitafal mu aa nan tee bi bigiim ni binib bi lann na ponn ni.

Esekiel 28:2

“Unibɔn, tuk Taya aatiŋ aajojoor min Dindaan Uwumbɔr aah tuk u pu na ke: Aa di kigaak puun aabaa kin kin, ki yin aabaa ke liwaal. Aa bui ke aa ka libɔrjal pu ke liwaal na la, le nnyusakpem mann goln si. Aa ga ŋmaa ŋmann ke aa ye liwaal la, tɔ, aa po ye unibɔn le kaa kpa tiwan ni kaa ye unibɔn na aabimbin.

Esekiel 30:9

“Nwiin ngbaan yaa fuu ni aan Ijipt aatiŋ kuln kan, m ga tun binib iŋɔi ni, le bi ti bui Kus yaab bi kaa nyi kina pu na, le ijawaan sakpiin ga chuu bi. Nwiin ngbaan choo.”

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Daniel 4:27

Kina pu na, mpɔɔndaan, li dii maasurm. Di cha titunwanbir aatuln, ŋa tiwan ni ŋan na, ki san bigiim kinimbaak. Le saawangol ga moo kpee.”

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Daniel 4:4

“M nan koo maabɔrdichal ni mpopiin ni, ki kani tinyoor ti wiir na aamɔɔn.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Daniel 5:30

Liyaadaal ngbaan aanyeek le bi ku Belsasar, u ye Babiloŋ aabɔr na;

Nahum 1:10

Nimi bidanyurb ga wu mmii ke ikokon i lɔk tɔb ni na, ni timokuun aah wu pu na la.

Nahum 3:4

Uwumbɔr daa pateer Ninefa aatiŋ aatafal la. Ki nan ŋan sakpen, le ki kpa ibɔnyɔk i bir na, ki nan ŋmal ŋitimbol ŋiken ibɔnyɔk, ki di mu ŋa tinaagbiir ni.

Habakuk 1:7

Bi ye binib bi biken san bi ijawaan sakpen na la, le ki kpa kigaak ki ŋani baah gee pu na.

Sefania 2:15

kina le u ga ŋa kitiŋ ki kpa kigaak sakpen kibaa aapɔɔn pu, ki dak ke nibaa aan ŋmaa ŋa ki na. Kaanib dak ke baatiŋ le pɔɔ jer ntim mɔmɔk dulnyaa wee ni. Ki ga kpaln tilangbenn la, le ipeel ga li doo nima chee ki fuur. Unii umɔk jer nima chee na ga sur upuwɔb ijawaan pu.

2 Tesalonika 2:4

U ga yii Uwumbɔr, ni ŋiwaa, ni tiwan nimɔk binib dii ni na. U ga nyuŋ ubaa ki jer ni mɔmɔk, ki ga kal Uwumbɔr Aadichal ni, ki len ke uma le ye Uwumbɔr.

Bibɔjirb 18:27

Dann aanibol aajab ngbaan nan yoor Maika aah nan naan tiwan ni na, ni waatotoor na, le ki buen ti tak Lais aatiŋ ki ye nsuudoon aatiŋ, aan kaanib ŋmin suuna ki mu bi Bef Rehob aafataŋ ni na. Bi nan ku kaanib, le ki see ki lii. Lais aatiŋ nan daa Saidonn aatiŋ, le kaanib ni bibaa aa nan kpa limaantɔl, kina pu na, ubaa aa nan bi ki gaa bi lii. Dann aanib aajab nan gir maa kitiŋ ngbaan le ki kal nima.

Bibɔjirb 18:7

Bijab biŋmu ngbaan nan nyan nima chee le ki buen Lais aatiŋ ni, ki nan kan binib ngbaan aah bi nsuudoon ni pu na. Bi nan bi nsuudoon ni ke Saidonn yaab na la. Bi nan ye nsuudoon aanib bi bi suuna na la, kaa kpa unii ubaa chee kijaak; bi nan kpa baah ban tiwan ni mɔmɔk na. Baah nan koo nin chee na nan daa Saidonn yaab sakpen, le bi ni binib biken aa kpa limaantɔl libaa.