Aisaya 47:6 - Uwumbɔr aagbaŋ

⁶ M nan gee liŋuul maanib pu; ki ŋa bi ke baa kaa ye maanib le na: M nan di bi ŋa saapɔɔn ni, le saa san bi kinimbaak; hali aa nan muk binib bi por na.

Aisaya 47:6 ပူးပေါင်းရင်းမြစ်များ

2 Samuel 24:14

Le David bui ke, “M bi limukl aayoonn ni le na. Tɔ, maa gee ke unibɔn daa ntafal. Uwumbɔr le ye unimbaasaln daan, cha uma le daa timi aatafal.”

2 Bibɔrb Aabɔr 10:11

Bui bi ke, ‘Nte nan di ŋitun ŋi nyuun na le tun nimi, le m ma ga tun nimi ŋi nyuun jer kina na. U nan joo ibanbaan le gbaa nimi; le m ma ga loe nimi ŋinaalab.’”

2 Bibɔrb Aabɔr 28:9

Uja ubaa nan bi nima, bi nan yin u ke Oded, le u ye Uwumbɔr aabɔnabr. U nan koo Samaria aatiŋ ni la. U nan ti ton Israel aajab bi choo kun ni ki joo baah chur Juda yaab bi tinaagbiir na, nin chee bi ban bi koo kitiŋ ni na, le u bui ke, “Niyaajatiib Aadindaan Uwumbɔr le gee liŋuul Juda yaab pu ki cha ni nyaŋ bi; n‑yoonn mue na, u ki ŋun naah di mbiin ku bii bi pu na.

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

2 Bibɔrb Aabɔr 36:20

U nan di binib bi mɔmɔk aa kpoi na buen Babiloŋ ni, le bi ti bi nima ki tun linaagbiituln tii u ni uyaabitiib ki ti saa n‑yoonn mu Pesia Aanaan nyan paacham na.

Esra 5:12

Tɔ, tiyaajatiib nan cha Uwumbɔr u naan paacham ni taab na aaŋuul fii, le u nan cha Babiloŋ aatiŋ aabɔr Nebukadnesar, u nan ye Kaldii aanii na, nan nyaŋ bi ki chur bi tinaagbiir. Bi nan wii Uwumbɔr Aadichal, le ki di binib ngbaan buen tinaagbiir ni, Babiloŋ aatiŋ ni.

Ilahn 69:26

Bi ŋani saah daa binib bi aatafal na mbiin; le ki joo saah tii binib bi titotonn na aafalaa mooni.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 13:16

Bi ga li si lik kaa ŋmaa ŋa nibaa le bi chur baabim ti gbaa ku bi, le ki koo yoor baawan baadichal ponn ni, aan ki chur bipuutiib ki doon bi chee mpɔɔn.”

Aisaya 14:17

Uja wee le aa nan bii ntikpaam ki labr dulnyaa di ŋa nteersakpiin nin chee nibaa aan ŋmaa punn na aa? Naa ye uja umina le aa nan kii ke waanaagbiib kun bido na aa?

Aisaya 14:6

Bi nan joo liŋuul muk binib bi bi nan chur bi tinaagbiir na, ki ŋani bi falaa n‑yoonn mɔmɔk.

Aisaya 43:28

le binib bi joo nimi aatim na bii Maadichal. Kina pu le m bii nimi Israel yaab; ki cha bi seei nimi maanib ngbaan.”

Jeremia 50:42

Bi yoor baatɔi ni baajaak aajum; bi kpa mbiin, kaa san kinimbaak. Bi yaa jak baataan kan, yaafuuk naahn nnyusakpem aafuuk la. Bi gor ki ban bi to Babiloŋ butɔb la.

Inandalahn 1:14

U ŋmee maatunwanbir mɔmɔk bil le ki buu ti mɔmɔk kpaan tɔb ni. U nan di ti leen nneen ni, le taanyunyuun nyii mi bil kitiŋ. Uwumbɔr di mi tii maadim, le maa nan kpa mpɔɔn mubaa bi chee.

Inandalahn 1:21

Li pel maah ker idun pu na; ubaa aa bi ki sɔŋ nsui. Saah di tibɔbir tii ni mi na, le maadim aasui piir. Cha saah nan puu ke nwiin mu ga dan na fuu ni; cha maadim mu ji maah jin falaa u na.

Inandalahn 2:2

Uwumbɔr nan kuln Juda aatiwaatiir na mɔmɔk, kaa san mu kinimbaak. U nan tur tijawan aadichal ŋi nan kii Juda aatiŋ na lir kitiŋ. U nan cha nnaan ngbaan ni binib bi joo mu na jin inimɔɔn.

Inandalahn 4:16

Uwumbɔr aatafal aa nan ki bi bi ni; uma ubaa le nan yaa bi. Utafal aa nan bi timi aatotoorb ni biyidam ni.

Inandalahn 5:12

Bi chur timi aayidam buen le ki ti leen bi iŋmin; ubaa aa ki pak timi aaninkpiib.

Esekiel 24:21

Ni mak Uwumbɔr Aadichal pu la. Ni gee ke ni li lik li, ki li chaa ti manni li, le Uwumbɔr ga cha li kpaln wafam. Nimi aanib bi laa diin ki ye nimi aadichal ponn ni aanib, ki bi Jerusalem aatiŋ ni na ga bee butɔb ni.

Esekiel 28:16

Aa nan di liwandaal ni liwankooh le muk aabaa, le kina aatuln di si koon mbimbin mu pɔɔ na, ni titunwanbir aatuln ni. Kina pu le maatuun mu nan kii si na jenn nyan si ŋitakpanyaan ŋi moor lak lak na ni.

Obadia 1:10

“Naah ŋa pu ki sun ninaabitiib, bi ye Jakob aayaabitiib na aawan, ki ku bi na, kina le binib ga lik nimi fam ki kuln nimi.

Obadia 1:16

Maanib nan kan ntafadaan mu bir na maajool li bi chain na pu. Binib bimɔk bi ki mann goln na ga kan ntafadaan mu jer kina na. Bi ga kan ntafadaan, le ki lil, kaan ki gir ni.

Sekaria 1:12

Le ntuun ngbaan bui ke, “Uwumbɔr Mpɔɔnsakpiindaan, saaŋuul nan fii Jerusalem ni Juda aatim pu ki ti saa ŋibin imonko itaa ni kipiik le na. Bayoonn aan aa ga san mu kinimbaak?”

Sekaria 1:15

le maaŋuul fii ŋitimbol ŋi kpa kigaak ki bi nsuudoon ni lifuur ni na pu sakpen. Buyoonn m nan laa joo maaŋuul ke li taa pii maanib na, le ŋitimbol ngbaan nan cha maanib aafalaa moo nyaŋ.

Matiu 7:2

Naah galni binib pu na, Uwumbɔr mu ga galn nimi kina la. Naah tii binib pu na, Uwumbɔr mu ga giin kina le ki tii nimi.

Ikaal 28:50

Bi ga li kpa ni pu mbiin, le kaan li san nimi bi por na, ni bi ye biwaatiib na kinimbaak.

Jemisi 2:13

Unii u kaa san binib kinimbaak na, Uwumbɔr ga ji u tibɔr, kaan san u mu kinimbaak. Unii u san biken kinimbaak na, Uwumbɔr ga san u mu kinimbaak.