Aisaya 47:14 - Uwumbɔr aagbaŋ

¹⁴ Bi ga li bi ke tigbengbir na la, le mmii ga wu ti. Baan ŋmaa gaa bibaa lii, imiigaal ngbaan ga li ton bi chee sakpen, naan li ye mmii mu ton pulpul aan bi wor mu na.

Aisaya 47:14 ပူးပေါင်းရင်းမြစ်များ

Nnyam 5:12

Nima pu na, binib ngbaan nan fii ki chuun Ijipt aatiŋ ni, ni kookoo, le ki ban ntɔm bi nan ŋa ŋitambil.

Aisaya 10:17

Uwumbɔr u ye Israel yaab aawiihn na ga kpaln mmii. Israel yaab Aawumbɔr u bi chain na ga kpaln mmiigaal mu ga di nwiin mubaa baanja ki di wu tiwan mɔmɔk doo na, hali ikokon ni ŋinaabukar mɔmɔk ga wu.

Aisaya 30:14

Ni wii yak yak ke tiyakr aabuul na la, ni wii yak yak sakpen le kisanjaŋ aan ki li bi, bi di moo mmii, bee bi di kab nnyun nkin ponn ni.”

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Aisaya 40:24

Bi naahn tiwan ni laa punn, kaa kee kpa inyaan na la. Uwumbɔr yaa tun ni libuln kan, bi kuur la, le libuln daa bi buen ke likakl na.

Aisaya 41:2

Ŋma nan joo ni ubɔrkpaan u nyan ni liwipuul wɔb ki cha u nyaŋ binib bimɔk u ni bi jan na? Ŋma cha u nyaŋni bibɔrb ni ŋitimbol? Waajaak aajuk nan bii binib ke naah ye kitangbaak le u per lir na. Waapiin nan cha bi san yaa tɔb chee ke libuln aah daar timoor yaani tɔb chee pu na.

Aisaya 44:16

U ga di ndɔ aageln di tuur mmii; u ga pu tinann mmii ngbaan pu, ki ŋmɔ ti, le ni mɔ u. U wor mmii ngbaan ki ga bui ke, “Mmii aah ton purr pu na, mmii aah mɔ pu na.”

Aisaya 5:24

Kina pu na, timokuun ni ikpakpaabi aah wu mmii ni pu na, kina le nimi aanyaan ga bur, le nimi aafar mu kuur aan libuln daa ti buen, ba pu? nimi Israel yaab, ni yii Nimi Aawumbɔr Mpɔɔnsakpiindaan u bi chain na aah mɔk timi pu na.

Jeremia 51:30

Babiloŋ aajab di cha kijaak le ki gaar baajawan aadir ni. Baa ki kpa lipobil, le ki gur bi ke bipiib na. Bidim gbaa wɔi kitiŋ ngbaan aabisamɔi aajaaleŋ mam, le ki see ŋidichal lii.

Jeremia 51:32

Bidim gaa mmɔɔsan a, ki seer tidir ti fɔk ki pɔɔ na mmii lii. Babiloŋ aajab aapobil yuk.

Jeremia 51:58

Babiloŋ, mpɔɔn aatiŋ na aagon lir kitiŋ a, le kaabisamɔi aajaaleŋ mam na gaa mmii. Ŋitimbol aatuln na ye fam la; ŋaapɔɔn mɔmɔk gaa mmii a. Min Uwumbɔr Mpɔɔnsakpiindaan na le len kina.”

Esekiel 15:7

ki daa bitafal. Bi nyan mmii mubaa ni, le mmii ga wu bi dandana wee. M yaa daa bitafal kan, aa ga bee ke min le ye Uwumbɔr.

Joel 2:5

Yaah bi yuk ŋijoo paab pu na naahn itaan aatɔroku tiib la; ki naahn timokuun aah gaal mmii ni pu na la. I chol tɔb pu ke butɔb aajab aah gor bibaa ki kii butɔb pu na la.

Obadia 1:18

Jakob ni Josef aanib ga li naahn mmii la; bi ga doo Esɔ aanib ke mmii aah wu kinaakook pu na la. Esɔ aanib ponn ni ubaa aan ŋmar. Min Uwumbɔr le len kina.

Nahum 1:10

Nimi bidanyurb ga wu mmii ke ikokon i lɔk tɔb ni na, ni timokuun aah wu pu na la.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Matiu 10:28

Ni taa san binib ijawaan man. Bi ga ŋmaa ku nimi aawon baanja la. Baan ŋmaa ku nimi aawiin. Ni li san Uwumbɔr u ga ŋmaa bii tiwon ni nwiin mɔmɔk mmii mu kaan junn na ponn ni na.

Matiu 16:26

Unii yaa kan dulnyaa wee ni aawan mɔmɔk ki lann waamɔfal kan, ba aanyoor le u kan? Unii tee ga di ba ki daa waamɔfal?

Tibɔkpiirkaan 18:21

Tɔ, le Uwumbɔr aatuun mpɔɔndaan yoor litakpal li naahn kinaak sakpeŋ na, ki di mee lii nnyusakpem ponn ni, le ki bui ke, “Kina le bi ga yoor kitisakpeŋ Babiloŋ ki di lii. Kaan ki li bi.