Aisaya 47:10 - Uwumbɔr aagbaŋ

¹⁰ Aa nan dak ke aa ŋmar saatunwanbir ni a; aa nan nyi ke ubaa aan kan si. Saalan ni saachiin le ŋmann si koon timoor ni, le aa bui aabaa ke, ‘M ye Uwumbɔr la, ubaa aa ki bi ke min na.’

Aisaya 47:10 ပူးပေါင်းရင်းမြစ်များ

Ilahn 10:11

Ubiindaan bui ubaa le ke, “Uwumbɔr aatafal aa bi maah ŋani pu na ni, u ŋumni unimbil la, kaan kan mi daalbaadaal.”

Ilahn 52:7

“Lik, uja u kaa nan di Uwumbɔr yin nibaa na sɔ, u nan lik waawangol pu la, ki dak ke mbiin le ga tii u lifuur ki gaa u lii.”

Ilahn 64:5

Bi pɔɔni tɔb aataakpab, baalandak i kaa ŋan na ponn ni, bi kpokl nin chee bi ga pen baagaawɔb mam na la. Bi len le ke, “Ubaa aan kan timi.”

Ulandaan 8:8

Ubaa aan ŋmaa ter ubaa ki taa kpo, bee u kpeln waakun aawiin. Baan kii ke uja san nya butɔb ni, kina le titunwanbir aan nya utunwanbirdaan nkun ni.

Aisaya 28:15

Ni bui ke nimi ni nkun ŋa tɔb kijɔtiik aan ni ni kitekpiitiŋ kpaan a. Ni dii inyamɔn ki dak ke ŋŋmann pu le ni ga ŋmar, ki tii naadii ke tibɔbir yaa fuu ni kan, ni ga nya ti ni.

Aisaya 29:15

Binib bi joo baalandak bɔrni Uwumbɔr na aamɔfal junn a. Bi bɔrni le ki ŋani baatunwanbir ki dak ke ubaa aan kan bi, ubaa mu aan li nyi baah ŋani pu na.

Aisaya 44:20

Nimina ni unii aah ga moo nfatan pu na ye tiwan nibaa la. Waajɔrk aalandak ngbaan ŋmann u sakpen le ubaa aan ki ŋmaa sur u. Waan kii ke liwaal li u joo uŋaal ponn ni na aa ye Uwumbɔr kpala.

Aisaya 47:8

Li pel nimina, sin u gee mmɔɔn sakpen na, sin u dak ke aa pɔɔ ki ŋmar na. Aa bui ke aa kpa mpɔɔn ke Uwumbɔr na, ke ubaa aa ki bi ke sin na. Aa nan dak ke saan ŋa ukpopii daalbaadaal, kaan lann mbim.

Aisaya 5:21

Nimi aadoon le na. Ni dak ke ni chi la, ke ni chi sakpen la.

Aisaya 59:4

Naa kpa ibamɔn, ki mu joo tibɔr chaa bibɔjirb chee. Ni si inyamɔn pu le ke ni di ji tibɔr ngbaan. Ni joo nimi aalandak ki ban ke ni di tun biken titotonn.

Jeremia 23:24

Ubaa aan ŋmaa bɔr mi m taa kan u. Naa nyi ke m bi paacham, ni kitiŋ ni, ni ni kookoo la aa?

Jeremia 9:23

Uwumbɔr ki bui ke, “Bilandam taa li kpa kipupuk baalan pu, binib bi pɔɔ na mu taa li kpa kipupuk baapɔɔn pu, biwankpadam mu taa li kpa kipupuk baawangol pu.

Esekiel 8:12

Uwumbɔr nan baa mi ke, “Unibɔn, aa kan Israel yaab aah looni ki tun ŋitun ŋi libɔɔl ni na aa? Bi mɔmɔk bi kidiik ki ponn ni ye ŋiwaa ŋmeen na, le ki dooni ŋi. Baah len pu na le ye ke, ‘Uwumbɔr aa waa timi. Waa ki bi timi aatiŋ pu.’”

Esekiel 9:9

Uwumbɔr nan gar ke, “Israel aanib ni Juda aanib aabɔr gbii titunwanbir ti bir sakpen na. Bi ku binib kitiŋ kee mɔmɔk pu, le ki di libiil gbiin Jerusalem aatiŋ ni. Bi bui ke min Uwumbɔr yii baatiŋ, kaa ki waa bi.

Daniel 4:27

Kina pu na, mpɔɔndaan, li dii maasurm. Di cha titunwanbir aatuln, ŋa tiwan ni ŋan na, ki san bigiim kinimbaak. Le saawangol ga moo kpee.”

Sefania 2:15

kina le u ga ŋa kitiŋ ki kpa kigaak sakpen kibaa aapɔɔn pu, ki dak ke nibaa aan ŋmaa ŋa ki na. Kaanib dak ke baatiŋ le pɔɔ jer ntim mɔmɔk dulnyaa wee ni. Ki ga kpaln tilangbenn la, le ipeel ga li doo nima chee ki fuur. Unii umɔk jer nima chee na ga sur upuwɔb ijawaan pu.

Rom Yaab 1:22

Bi len ke bi ye bilankpalb, le ki tee ye bijɔrb.

1 Korenti 3:19

Ba pu? dulnyaa wee ni aalan ye kijɔrk le Uwumbɔr chee. Ni ŋmee Uwumbɔr Aagbaŋ ni ke, “U chur bilankpalb baalan ni,”