Aisaya 45:8 - Uwumbɔr aagbaŋ

⁸ M ga cha linyaŋ nyan ni kitaapaak ke ntaanyun na; le kitiŋ ga waar kimɔb ki gaa, le ki kpaln lifuur ni ibamɔn ŋmeen. Min Uwumbɔr ga cha nimina ŋa.”

Aisaya 45:8 ပူးပေါင်းရင်းမြစ်များ

2 Bibɔrb 19:25

“Saa kee ŋun ke min le kpokl kina n‑yoonn mu jer na, aan ki cha ni ŋa kina dandana aa? M nan tii si mpɔɔn ke aa di labr ntisakpem mu bi maa ŋigon kiir mu na di ŋa ŋilangbentanjal aakpuk.

Ilahn 68:8

kitiŋ nan dam, le utaal nyan ni kitaapaak ki lir ni, ba pu? Uwumbɔr u nan len Sainai Aajool pu na le nan choo, Israel yaab Aawumbɔr le nan choo.

Ilahn 72:3

Cha nwankam ni tiŋann li bi kitiŋ ngbaan pu;

Ilahn 72:6

Cha ubɔr li bi ke utaal aah nu ikpaakon i pu na, ki naahn titaapupur aah pui kitiŋ pu pu na.

Aisaya 11:1

Baah gaa busub lii aan ibonpɔɔn ki kpenn pu na, kina le ubɔrkpaan David aamaal ponn ni bi. Ubɔrkpaan pɔɔn ga ki nyan ni David aayaabitiib ni.

Aisaya 32:15

Tɔ, Uwumbɔr ga ki gir tii ni timi Waafuur Nyaan. Ikpaakon i nan bii na ga ki gir ŋa ikpaakon i ŋan na, ki ga ŋa tijikaar sakpen.

Aisaya 4:2

N‑yoonn choo, le Uwumbɔr ga cha timoor ni isui imɔk bi kitiŋ ngbaan pu na muun ki li ŋan. Tijikaar ti ga ŋa kitiŋ ngbaan pu na ga tii Israel yaab bimɔk ŋmar na mpopiin ni limakl.

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 44:3

M ga tii kitiŋ ki kuun na nnyun, ki cha ibun puu kitiŋ ki kuur na pu. M ga di Maafuur Nyaan gbiin nimi aabim, ki ŋa mmɔɔnyunsɔm ŋa niyaabitiib pu.

Aisaya 46:13

M joo linyaŋ aawiin mar ni la, mu aa ki daa kpala. Maanyaŋ aan ki yunn kpala. M ga gaa Jerusalem aatiŋ lii, ki joo ni Israel yaab kipak nima.”

Aisaya 48:18

Ni yaa nan ba pel maah tuk nimi pu na kan, le tinyoor ba ga li puu choo ni chee, ke nkpen mu aanyun aa foor na. Linyaŋ ba ga dan ni chee, ke nnyusakpem aanyunkpenn na la.

Aisaya 53:2

Ni nan ye Uwumbɔr aageehn ke waatutunn nyal sil ke busub bu si nteer pu ki kpa inyaan na. Waa kpa kinyaan ni bunyuŋ ni ga cha binib li neen u na. Nibaa aa nan bi u chee ki ŋan, nibaa aa bi, ki ga daa timi dan u chee.

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 61:11

Njikaabim aah ŋani pu ki ti punn ki muuni na, kina le Tidindaan Uwumbɔr ga gaa waanib lii, le ŋitimbol mɔmɔk pak u.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Aisaya 66:22

“Kitaapaapɔŋ ni kitipɔŋ aah ga yunn maapɔɔn pu pu na, kina le niyaabitiib ni nimi aayimbil ga yunn.

Jeremia 31:22

Nimi maa‑kpa‑gaakii‑dam, ni ga li joo beeni ki ti saa bayoonn? M ŋa tiwachann yayan nibaa, ni bi niyayan ke upii aah kiir uja pu na la.”

Esekiel 34:26

“M ga ŋa maanyoor ŋa i pu ki cha i li bi maagongoln li bi chain na pu. Nima chee, le i yaa ban utaal kan, m ga tii i yaah ban pu na.

Hosea 10:12

Le m bui ke, ‘Ko nkpaakopɔɔn tii nibaa man, di mbimbinyaan bu, ki nan chee naah di nibaa tii mi pu na aanyoor. Ni ŋeer ke ni fenn gir ni min Uwumbɔr chee, le m ga dan ki nan di tinyoor gbiin nimi.’

Joel 3:18

N‑yoonn ngbaan kan, ŋijoo mɔmɔk pu ga li ye ikpaakon la; le inaa ga li bi ŋigongon mɔmɔk pu; le Juda aakpen mɔmɔk ponn ni ga li kpa nnyun pam. Nnyun ga li puu nyan ni Uwumbɔr Aadichal ni, ki sɔŋ Sitim Aafataŋ.

Lituln 2:33

Uwumbɔr nyuŋ Yesu, ki di u kaan uŋangii wɔb. U gaa Nfuur Nyaan Ute Uwumbɔr chee, uma Uwumbɔr aah nan puu tipuur ti ke u ga tii u na. Naah kan pu na, ni naah ŋun pu dandana wee na, ye Uwumbɔr Aafuur Nyaan le u di ŋa ti ni.

Efesusi 2:10

Ti ye Uwumbɔr aawanaankaan la. Taah kpaan Yesu Kristo ni na, le Uwumbɔr ŋa timi binipɔm, ke ti li tun lituln li ŋan na. U nan di lituln ngbaan siin kiir timi, ke ti nan tun li.

Efesusi 4:24

ki yoor mbimbipɔm mu Uwumbɔr naan mu ki di tii nimi na. Mu ye mbimbinyaan, ki bi chain mbamɔm, ki naahn Uwumbɔr aabimbin la.