Aisaya 45:6 - Uwumbɔr aagbaŋ

⁶ M ga ŋa kina ki cha dulnyaa mɔmɔk aanib bee ke min le ye Uwumbɔr, ke uken aa ki bi.

Aisaya 45:6 ပူးပေါင်းရင်းမြစ်များ

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Aisaya 11:9

Uwumbɔr aagongoln Sionn li bi chain na paab nibaa aan li bi nima ki bir. Nnyusakpem ponn ni aah kpa nnyun sakpen pu na, kina le dulnyaa wee ga li nyi Uwumbɔr bɔr.

Aisaya 37:20

Kina pu na, Tidindaan Uwumbɔr, gaa timi Asiria yaab ngbaan chee, aan ŋitimbol mɔmɔk bee ke sin baanja le ye Uwumbɔr.”

Aisaya 43:10

Israel aanib, nimi le ye maaseeraadam; m nan lee nimi ke ni li ye maatutum, aan ni li nyi mi ki gaa mi ki kii, ki bee ke min baanja le ye Uwumbɔr. Uwumbɔr ubaa aa ki bi ki kpee m pu, ubaa aa nan bi, ki mu aan ki li bi.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 45:5

Min le ye Uwumbɔr, uken aa ki bi. Saa nyi mi; m mu tee ga tii si mpɔɔn mu aa ban na.

Aisaya 47:8

Li pel nimina, sin u gee mmɔɔn sakpen na, sin u dak ke aa pɔɔ ki ŋmar na. Aa bui ke aa kpa mpɔɔn ke Uwumbɔr na, ke ubaa aa ki bi ke sin na. Aa nan dak ke saan ŋa ukpopii daalbaadaal, kaan lann mbim.

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 59:19

Ki nya liwipuul ki ti saa liwilir wɔb, bi ga li san u ni waapɔɔn. U ga dan ke limɔɔl li puu mala mala na la, ki naahn libuln li pɔɔ na.

Esekiel 38:23

Kina le m ga mɔk ŋitimbol mɔmɔk ke maapɔɔn nyaŋ, le m ye chain. N‑yoonn ngbaan le ŋi ga bee ke min le ye Uwumbɔr.”

Esekiel 39:21

Uwumbɔr nan ki bui ke, “M ga cha ŋitimbol kan maanyuŋ, ki mɔk ŋi maah joo maapɔɔn tun maalandak nyaan aatun pu na.

Joel 2:27

N‑yaayoonn ngbaan, le nimi Israel yaab ga bee ke m bi nikaasisik ni, ki bee ke min Uwumbɔr le ye Nidindaan, ubaa aa ki bi ki kpee m pu. Ubaa aan ki lik seen maanib.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.