Aisaya 45:5 - Uwumbɔr aagbaŋ

⁵ Min le ye Uwumbɔr, uken aa ki bi. Saa nyi mi; m mu tee ga tii si mpɔɔn mu aa ban na.

Aisaya 45:5 ပူးပေါင်းရင်းမြစ်များ

1 Bibɔrb 8:60

aan dulnyaa aatimbol mɔmɔk ga bee ke Uwumbɔr baanja le ye Uwumbɔr, ubaa aa ki bi.

Esra 1:2

“Pesia aanaan aabɔr Sairus le siin nkaal mue. Uwumbɔr u ye Paacham Aadindaan na le ŋa mi dulnyaa wee mɔmɔk aajojoor, le ki tii mi lituln ke m maa lidichal Jerusalem aatiŋ ki bi Juda aatiŋ ni na tii u.

Job Aagbaŋ 12:18

U nyani bibɔrb nnaan ni ki joo bi ŋani tiyondir ni;

Job Aagbaŋ 12:21

U jinni binib bi bi mpɔɔn ni na inimɔɔn, le ki cha bitinjoob aapɔɔn door.

Ilahn 18:31

Uwumbɔr baanja le ye Uwumbɔr; Uwumbɔr baanja le ye u kii timi na.

Ilahn 18:32

Uma le ye Uwumbɔr u tii mi mpɔɔn na, uma le nyani tibɔbir maasan ponn ni.

Ilahn 18:33

U cha m san mala mala ke upeeman na; u nyani mi linimaln ni, ŋijoo paab.

Ilahn 18:39

Aa tii mi butɔb aapɔɔn ki tii mi linyaŋ maadim pu.

Ilahn 86:10

Saapɔɔn nyaŋ, le aa tun ŋitukpaan; sin baanja le ye Uwumbɔr.

Nnyam 9:14

N‑yoonn mue kan, maan ki daa saaninkpiib ni saanib ŋmeen aatafal, m ga daa aa mu aatafal kpee, nima kan aa ga bee ke ubaa aa ki bi dulnyaa wee ni ki kpa mpɔɔn ke min na.

Aisaya 22:21

M ga nan di saaninkpir aabɔkul ni saagbapapaln tii u, ki di mpɔɔn mu aa nan kpa na tii u. U ga li ye Jerusalem ni Juda yaab aate la.

Aisaya 37:20

Kina pu na, Tidindaan Uwumbɔr, gaa timi Asiria yaab ngbaan chee, aan ŋitimbol mɔmɔk bee ke sin baanja le ye Uwumbɔr.”

Aisaya 43:10

Israel aanib, nimi le ye maaseeraadam; m nan lee nimi ke ni li ye maatutum, aan ni li nyi mi ki gaa mi ki kii, ki bee ke min baanja le ye Uwumbɔr. Uwumbɔr ubaa aa ki bi ki kpee m pu, ubaa aa nan bi, ki mu aan ki li bi.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 44:8

Maanib, taa san ijawaan man; ki nyan n‑yaajayoonn ki nan saa dandana wee na, m nan puun len tiwan ni ga ŋa na, le nimi le ye maaseeraadam. Uwumbɔr uken ki bi ii? Uwumbɔr uken ki bi ki pɔɔ sakpen aan maa kee ŋun u pu uu?”

Aisaya 45:1

Uwumbɔr lee Sairus ke u ŋa u ubɔrkpaan. U lee u ke u to butɔb ki nyaŋ ŋitimbol; u tun u ke u ti nyan bibɔrb baanaan ni; Uwumbɔr le ga piir ntisakpem aabisamɔi tii u. Uma Uwumbɔr bui Sairus ke,

Aisaya 45:6

M ga ŋa kina ki cha dulnyaa mɔmɔk aanib bee ke min le ye Uwumbɔr, ke uken aa ki bi.

Aisaya 46:9

Teer man tibɔr ti nan ŋa n‑yoonn na; tii naadii man ke min baanja le ye Uwumbɔr, ke ubaa aa ki bi ke min na.

Aisaya 47:8

Li pel nimina, sin u gee mmɔɔn sakpen na, sin u dak ke aa pɔɔ ki ŋmar na. Aa bui ke aa kpa mpɔɔn ke Uwumbɔr na, ke ubaa aa ki bi ke sin na. Aa nan dak ke saan ŋa ukpopii daalbaadaal, kaan lann mbim.

Esekiel 30:24

N‑yoonn ngbaan le m ga cha Babiloŋ aabɔr aaŋaal pɔɔk, le m di kijaak aajuk ŋum u. Tɔ, m ga koo Ijipt aabɔr ma aaŋaal, le u ga li du iween pu ki ti kpo waadin aanimbiin ni.

Joel 2:27

N‑yaayoonn ngbaan, le nimi Israel yaab ga bee ke m bi nikaasisik ni, ki bee ke min Uwumbɔr le ye Nidindaan, ubaa aa ki bi ki kpee m pu. Ubaa aan ki lik seen maanib.

Jɔnn 1:1

Uwumbɔr aah kaa nan kee naan dulnyaa na, ubaa nan bi, bi yin u ke Limɔboln. U nan bi Uwumbɔr chee, ki bi ke Uwumbɔr aah bi pu na.

Ikaal 32:39

Min baanja le ye Uwumbɔr, ubaa aa ki bi; ŋiwaa ye nnyamɔn aawan la. Min le ga ku unii, min le ga tii unii limɔfal, min le tii unii iween, min le sɔŋni unii aaween, le ubaa aan ŋmaa kpak mi maatuln ni.

Ikaal 4:35

Uwumbɔr ubaa le mɔk nimi kina, ke u kpiir mɔk nimi ke uma Uwumbɔr baan baanja le bi, ubaa aa ki bi ki kpee u pu.

Ikaal 4:39

Nima pu na, teer din wee man, ki taa suln kpala ke Uwumbɔr le ye Uwumbɔr u joo paacham ni kitiŋ kee na. Uwumbɔr uken aa ki bi.