Aisaya 45:18 - Uwumbɔr aagbaŋ

¹⁸ Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Aisaya 45:18 ပူးပေါင်းရင်းမြစ်များ

Mpiin 1:1

Mpiin na Uwumbɔr nan naan kitiŋ,

Mpiin 1:2

le kitiŋ aa nan kpa liker. Nnyun, ni mbɔmbɔɔn ŋmeen le nan bi ni kookoo. Uwumbɔr Aafuur Nyaan mu le nan bi nnyun ngbaan aapaacham.

Mpiin 1:26

Uwumbɔr nan ki bui ke, “Cha ti naan binib, bi li bi ke timi na, ki li naahn timi. M ga tii bi mpɔɔn, bi li lik ijan, ni inyoon, ni ipeel, ni tiwakor, tisakpiin ni tiwaatiir mɔmɔk pu.”

Mpiin 1:28

le ki ŋa tinyoor ŋa bi pu, le ki bui ke, “Maa, ki pɔr, aan ki gbiin kitiŋ kee pu, ki li lik kitiŋ ngbaan. Li kpa mpɔɔn ijan, ni inyoon, ni tiwan nimɔk fu ki baar kitiŋ pu na.”

Mpiin 9:1

Le Uwumbɔr nan ŋa tinyoor ŋa Nowa ni ujapɔtiib pu, ki bui ke, “Ni maa ki too pɔr kpee, aan niyaabitiib ga pɔr gbiin dulnyaa wee ni.”

Ilahn 115:16

Uwumbɔr baanja le yeh paacham, le u tee di kitiŋ tii unibɔn.

Ŋiyataŋak 30:4

Ŋma kee bee paacham aalan mbamɔm? Ŋma kee chuu libuln ŋa uŋaal ni? Ŋma kee di nnyun poo likekeln ni? Ŋma kee siin kitiŋ aanaanmɔk? Aa yaa nyi kan, ŋma ye udaan, ŋma ye ujapɔɔn?

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 45:12

Min le naan kitiŋ kee, le ki naan unibɔn ke u li bi ki pu. Mbaa aapɔɔn pu le m di daa taln kitaapaak; min le mɔk nwiin, ni uŋmal, ni iŋmabi naah ga ŋa pu na.

Aisaya 48:13

Maaŋaal le nan naan taab aatinyikl, ki daa taln kitaapaak. M yaa yin kitiŋ ni kitaapaak kan, ni choo mala le ki nan sil nnimbiin ni.

Aisaya 51:13

Ni suln Uwumbɔr u naan nimi na bɔr aa? Uma le nan daa taln kitaapaak, ki baan kitiŋ aatinyikl. Ba ŋa ni san ijawaan n‑yoonn mɔmɔk binib bi muk nimi na aaŋuul pu, ki san binib bi ban bi ku doo nimi na? Baaŋuul aan ki pii nimi daalbaadaal.

Jeremia 10:12

Uwumbɔr di waapɔɔn le naan kitiŋ; waalan le u di naan dulnyaa wee, le ki taln paacham.

Jeremia 51:15

Uwumbɔr di waapɔɔn le naan kitiŋ kee, waalan le u di naan dulnyaa le ki daa taln kitaapaak.