Aisaya 45:11 - Uwumbɔr aagbaŋ

¹¹ Uwumbɔr u ye Israel yaab Aadindaan u bi chain ki ŋani n‑yoonn mu laa choo na waah gee pu na bui ke: “Naa kpa nsan ke ni baa mi maabim aabɔr, bee ni tuk mi maah ga ŋa pu na.

Aisaya 45:11 ပူးပေါင်းရင်းမြစ်များ

Mpiin 32:26

Le ntuun ngbaan bui u ke, “Ni ban ni woln la, di mi lii, aan m li cha.” Le Jakob bui u ke, “Maan cha aa buen, see aa ŋa tinyoor ŋa m pu.”

Aisaya 19:25

Uwumbɔr Mpɔɔnsakpiindaan ga ŋa waanyoor ŋa ŋi pu, ki bui ke, “M ga ŋa tinyoor ŋa nimi Ijipt yaab bi ye maanib na; ni nimi Asiria yaab bi m naan bi na, ni nimi Israel yaab bi ye maanib na pu.”

Aisaya 29:23

Ni yaa nan kan mbim mu m ga tii nimi na kan, le ni ga tii naadii ke m sil ye nimi Israel yaab Aawumbɔr u bi chain na. Ni ga pak mi ki san mi ijawaan.

Aisaya 43:1

Israel yaab, Uwumbɔr u naan nimi na bui ke, “Taa san ijawaan man, m ga gaa nimi lii. Min le yin nimi, nimi aayimbil, ni ye maanib la.

Aisaya 43:15

Min le ye Nidindaan Uwumbɔr u bi chain na. Min le naan nimi Israel yaab, ki ye nimi aabɔrkpaan.”

Aisaya 43:21

Bima le ye binib bi m naan ki di tii mbaa na, le bi ga gaa ilahn ki pak mi.”

Aisaya 43:3

ba pu? min le ye nimi Israel yaab Aadindaan Uwumbɔr u bi chain, ki gaal nimi lir na. M ga di Ijipt yaab pa ki gaa nimi lii. M ga di Kus ni Seba yaab pa ki gaa nimi lii.

Aisaya 43:7

Bi ye maanib la, le m naan bi ke bi tii mi kipak.”

Aisaya 44:2

Min le ye Uwumbɔr u naan nimi na; ki nyan bundaal bi ma nimi na, le m nan piin ki ter nimi. Taa san ijawaan man, nimi le ye maatutum, maanib bi m lee bi ki gee bi na.

Aisaya 45:10

Ŋma ga ŋmaa baa ute ni una ke, “Ba ŋa ni ŋa mi kina?”

Aisaya 48:17

Nimi Israel yaab Aawumbɔr u bi chain na, Uwumbɔr u gaal nimi lir na bui ke; “Min le ye Nidindaan Uwumbɔr u ban ke u mɔk nimi mbimbinyaan, ki mɔk nimi nsan mu pu ni ga dii na.

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 63:16

Sin le ye tite. Tiyaajatiib Abraham ni Jakob aa ki nyi timi, le sin Uwumbɔr ma le ye tite u gaal timi lir n‑yoonn mɔmɔk na.

Aisaya 64:8

Uwumbɔr, sin le ye tite. Timi le ye tiyakr, le aa ye uyakmaal. Sin le naahn timi,

Aisaya 8:19

Le binib ga bui nimi ke ni buen bibɔɔb, ni binyɔkdam, ni bipɔnijoob chee ki ti baa bi ke, “Ti ga ŋa kinye?” Bi ga len ke, “Ni ŋan ke binib li buu ibɔɔ ki baa lik bibaa pu.”

Jeremia 3:19

Uwumbɔr bui ke, “Israel yaab, m nan ban ke m gaa nimi ke njapɔɔn na la, ki tii nimi mpopiin aatiŋ, dulnyaa wee ni aatiŋ ki ŋan ntim mɔmɔk ni na. M nan ban ke ni li yin mi ke nite la, ki taa ki fenn nipuwɔb tii mi daalbaadaal.

Jeremia 31:1

Uwumbɔr len ke, “N‑yoonn choo le m ga li ye Israel aanibol mɔmɔk Aawumbɔr, le bi mu li ye maanib.

Jeremia 31:9

Maanib ga li wii le ki mee limeel, le m cheeni bi choo. M ga mɔk bi ikpen i kpa nnyun na chee, ki di bi chuun isan i pu joon aan baan gbeer nibaa na. M bi ke te na le Israel yaab chee, le Efraim ye maaboja.”

Jeremia 33:3

“Yin mi, le m ga kii si; m ga bui si tibɔkpaan ni iwaan aawan ni saan nyi naabɔr na.

Esekiel 36:37

Tidindaan Uwumbɔr nan ki len ke, “M ga cha Israel yaab ki gir ban m chee nterm, m ga cha bi moo pɔr ke kipihpaak na.

Esekiel 39:7

M ga cha maanib Israel yaab li nyi maayimbil li ye chain na, kaan ki cha maayimbil ji inimɔɔn daalbaadaal. Le ŋitimbol ga bee ke min Uwumbɔr le ye Israel yaab Aawumbɔr u bi chain na.”

Daniel 2:18

U nan bui bi ke bi mee Uwumbɔr u bi paacham na aan u san bi kinimbaak, ki mee u ke u kpiir tidaŋ ngbaan aatataa, aan bi taa ku bi ni Babiloŋ aasusurb biken na.

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Hosea 12:4

u ni Uwumbɔr aatuun nan mɔn le u nyaŋ mu. U nan wii ki mee ban tinyoor. Le Uwumbɔr dan tiyaaja Jakob chee Betel aatiŋ ni, ki nan len u chee tibɔr.

Tibɔnyaan ti Mak ŋmee ti na 11:24

M tuk nimi la, naah ga mee Uwumbɔr tiwan nimɔk na, ni tii u naadii ke ni kan ni, le ni ga sil kan.

2 Korenti 6:18

M ga li ye Nite; ni mu ga li ye njapɔtiib ni mbisatiib. Min Uwumbɔr u kpa mpɔɔn mɔmɔk na, le len kina.”

Efesusi 2:10

Ti ye Uwumbɔr aawanaankaan la. Taah kpaan Yesu Kristo ni na, le Uwumbɔr ŋa timi binipɔm, ke ti li tun lituln li ŋan na. U nan di lituln ngbaan siin kiir timi, ke ti nan tun li.

Josua 10:12

Nwiin mundaal Uwumbɔr nan di Amor yaab tii Israel yaab bi nyaŋ bi na, le Josua nan len Uwumbɔr chee, Israel yaab aanimbiin ni ke, “Nwiin, sil Gibeonn aapaacham. Uŋmal, sil Aijalonn aafataŋ aapaacham.”

Bibɔjirb 16:23

Filistia aabɔrb ngbaan nan kuun tɔb ke bi nan ji njim ki toor kitork tii baawaal Dagonn. Bi nan gaa nlahn ke, “Timi aawaal le tii timi linyaŋ timi aadin Samsonn pu.”