Aisaya 43:9 - Uwumbɔr aagbaŋ

⁹ Kuun ŋitimbol mɔmɔk dan libɔjil ngbaan ni. Baawaal lilaliba ga ŋmaa mɔk tiwan ni ga ŋa n‑yoonn mu choo na? Lilawaal nan len tiwan ni bi ŋani na aabɔr? Cha ŋiwaa ngbaan li joo ni ŋaaseeraadam bi nan mɔk ke bi kpa mbamɔn, bi nan sil ke ŋaabɔr sil ye ibamɔn.

Aisaya 43:9 ပူးပေါင်းရင်းမြစ်များ

Ilahn 50:1

Tidindaan Uwumbɔr Mpɔɔnsakpiindaan le len na; u yin kitiŋ kee pu yaab mɔmɔk ki nyan liwipuul ki ti saa liwilir wɔb.

Aisaya 34:1

Ŋitimbol mɔmɔk aanib, dan man. Kuun man tɔb chee ki pel. Cha kitiŋ kee, ni binib bi mɔmɔk bi ki pu na dan aan ki nan pel man.

Aisaya 41:1

Uwumbɔr bui ke, “Nimi ntim mu bi dandar na aanib, ŋmin man aan ki li pelni m chee. Gor man nibaa ki di nimi aabɔr buen libɔjil ni; ni ga kan nsan ki len nimi aabamɔn. Cha ti kal ki kpokl ki lik man u kpa mbamɔn na.

Aisaya 43:26

Cha ti buen libɔjil man; li joo ni nimi aabɔr man. Li joo ni nimi aabɔr ti ga mɔk ke ni kpa mbamɔn na man.

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 46:10

Mpiin na le m nan len tiwan ni ga dan na; n‑yoonn mu jer na m nan len tiwan ni ga ŋa na. M nan len ke maalandak aan bee yɔli, ke m ga ŋa maah dak pu na mɔmɔk.

Aisaya 48:14

Ni mɔmɔk kuun ni man ki nan pel. Ŋiwaa ngbaan ponn ni libaa aa nan ŋmaa len ke uja u m lee u na ga nan tak Babiloŋ aatiŋ; u ga ŋa maah tuk u ke u ŋa pu na.

Aisaya 48:3

Uwumbɔr bui Israel yaab ke, “N‑yoonn mu jer na le m nan len tiwan ni ga ŋa na; le m kpaan cha ni ŋa.

Joel 3:11

Nimi ŋitimbol ŋimɔk mann goln na, ŋa mala ki dan man, ki kuun tɔb kifataŋ ni.’” Uwumbɔr, cha saajab sunn ni ki nan tak bi.