Aisaya 43:7 - Uwumbɔr aagbaŋ

⁷ Bi ye maanib la, le m naan bi ke bi tii mi kipak.”

Aisaya 43:7 ပူးပေါင်းရင်းမြစ်များ

Ilahn 100:3

Taa suln man ke Uwumbɔr ye Tidindaan la. Uma le nan ŋa timi ŋitimbol, le ti ye uyaab; ti ye waanib la, ti ye waapiih la.

Ilahn 50:23

Idoon le ye kitork ki ga nyuŋ mi na, le m ga sil gaa binib bimɔk kii maamɔb na lii.”

Aisaya 27:11

Isubon na mɔmɔk kuur ki kool lir a, le bipiib ti peei ti tuur mmii, ba pu? binib ngbaan aa bee nibaa, nima pu na, Uwumbɔr u naan bi na aan di cha pinn bi, kaan san bi kinimbaak mu.

Aisaya 29:23

Ni yaa nan kan mbim mu m ga tii nimi na kan, le ni ga tii naadii ke m sil ye nimi Israel yaab Aawumbɔr u bi chain na. Ni ga pak mi ki san mi ijawaan.

Aisaya 43:1

Israel yaab, Uwumbɔr u naan nimi na bui ke, “Taa san ijawaan man, m ga gaa nimi lii. Min le yin nimi, nimi aayimbil, ni ye maanib la.

Aisaya 43:21

Bima le ye binib bi m naan ki di tii mbaa na, le bi ga gaa ilahn ki pak mi.”

Aisaya 44:23

Nimi kitaapaak yaab, li tar ni mpopiin pu man. Nimi kitiŋ yaab, teen mpɔɔn pu man. Ŋijoo ni isui imɔk bi kichook ni na, di mpopiin teen mpɔɔn pu man. Uwumbɔr mɔk waapɔɔn ki gaa waanib Israel yaab lii.

Aisaya 46:13

M joo linyaŋ aawiin mar ni la, mu aa ki daa kpala. Maanyaŋ aan ki yunn kpala. M ga gaa Jerusalem aatiŋ lii, ki joo ni Israel yaab kipak nima.”

Aisaya 48:11

Maah ŋani tiwan nimɔk na, m ŋani mbaa pu la. Maa ban ke m bii maayimbil, kaa ban ke ubaa yakr m chee kipak; ki ga li ye min baanja aapak la.”

Aisaya 56:5

saayimbil ga yunn Maadichal ni, ni maanib ni, ki jer saah ba ga li kpa mbijabim ni mpiibim pu na. Baan suln aabɔr kpala.”

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 63:19

Aa ŋani timi ke sin le aah kaa nan joo timi n‑yoonn mubaa na, le ni naahn ke taah kaa nan ye saanib n‑yoonn mubaa le na.

Jeremia 14:9

Ba ŋa aa bi ke uja u tibɔr nan lir u na; ba ŋa aa bi ke uja u kaa ki kpa mpɔɔn ke u ter timi na? Uwumbɔr, ni sil ye mbamɔn ke aa bi ti chee. Ti ye saanib la, taa di timi lii.’”

Jeremia 33:16

Le Juda ni Jerusalem aanib ga ŋmar ki li bi nsuudoon ni. Bi ga li yin kitiŋ ngbaan ke, ‘Uwumbɔr u gaal timi lir na.’

Daniel 9:18

Uwumbɔr, pel ti chee, lik timi, ki kan taah bi tibɔr ti ponn ni na, ki lik kitiŋ ki bi di saayimbil yin ki na aamukl. Saah san unibɔn kinimbaak pu na, le ti mee si, naa ye ke ti tun ni ŋan na la.

Daniel 9:19

Tidindaan, ŋun timi aameel. Tidindaan, di cha pinn timi. Tidindaan, ŋun timi aameel, ki ter timi. Taa cha ni yunn, aan binib mɔmɔk bee ke sin le ye Uwumbɔr. Kitiŋ kimina ni binib bee ye sin yaan la.”

Amos 9:12

Le Israel yaab ga jan ki gaa Edom aatiŋ ki gur na, ni ntim mumɔk nan puun ye maatim na.” Uwumbɔr u ga cha nimina ŋa na le len kina.

Jɔnn 15:8

Ni yaa ŋani tinyoor sakpen tii Nte Uwumbɔr kan, nima le ga nyuŋ u, ki ga mɔk ke ni sil ye maadidiliib.

Lituln 11:26

le ki ti kan u, ki di u dan Antiok aatiŋ ni. Libimɔln le Banabas, ni Sɔɔl, ni Yesu aanib nan kuuni nima chee; le bi tuk binib pam Uwumbɔr aabɔr, Antiok aatiŋ ni, le bi naan Yesu aadidiliib liyimbil lee, ke Kristo Yaab.

Rom Yaab 9:23

U mu ban ke binib bee waah ŋan sakpen pu na, ki san timi kinimbaak, ki ŋa timi mpopiin pam. U nan naan timi ke u ŋa timi kina la,

2 Korenti 5:17

Nima pu na, unii umɔk kpaan Kristo chee na, u ye unipɔɔn la. Udaan aabimbikpok jer a, ki kpeln mbimbipɔɔn.

Galantiya 6:15

Unii yaa dii Yesu Kristo aasan kan, lichakpangeei aa ye tibɔkpaan, unii yaa kaa gii kan, ni mu aa ye tibɔkpaan. Mbimbipɔɔn le ye tibɔkpaan.

Efesusi 1:12

U nyan timi bi puen kpa limakl Kristo pu na, ke ti li mɔk binib waah ŋan sakpen pu na, aan bi pak u.

Efesusi 1:6

Waabogeehn pu le u ŋa tinyoor sakpen ŋa ti pu, nima le ti pak u ki nyuŋni u waabulchinn sakpenn pu.

Efesusi 2:10

Ti ye Uwumbɔr aawanaankaan la. Taah kpaan Yesu Kristo ni na, le Uwumbɔr ŋa timi binipɔm, ke ti li tun lituln li ŋan na. U nan di lituln ngbaan siin kiir timi, ke ti nan tun li.

Jemisi 2:7

Bima le seei Kristo u tii nimi waayimbinyaan na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

1 Piita 4:11

Uwumbɔr yaa tii unii ipiin ke u len Uwumbɔr aabɔr kan, u teer ke ni ye Uwumbɔr aabɔr le u len. Uwumbɔr yaa tii unii ipiin ke u ter biken kan, u li ter bi Uwumbɔr aah tii u mpɔɔn pu na. Ni li nyuŋni Uwumbɔr tiwan mɔmɔk ni, Yesu Kristo pu. Uma le yeh mpakm ni mpɔɔn n‑yoonn mu kaa kpa ndoon na. Amii.

1 Piita 4:14

Bi yaa sii nimi Kristo aayimbil pu kan, Uwumbɔr aanyoor bi ni pu la; ba pu? Uwumbɔr Aafuur Nyaan mu ŋan sakpen na bi ni ni. [Bima le seei Kristo, le nima pak u.]

Tibɔkpiirkaan 3:12

Unii umɔk nyaŋ na, m ga ŋa u jatɔlk Maawumbɔr Aadichal ni, le u ga li bi nima n‑yoonn mu kaa kpa ndoon na. M ga ŋmee Maawumbɔr aayimbil, ni waatiŋ ki ye Jerusalem pɔɔn ki ga nyan ni u chee paacham na aayimbil u pu. M ga ki ŋmee maayimbipɔln mu u pu.

1 Samuel 12:22

Uwumbɔr puu tipuukpaan, kaan suln ni pu. U puu ke nimi le ga li ye waanib.