Aisaya 43:4 - Uwumbɔr aagbaŋ

⁴ M ga di ŋitimbol mɔmɔk pa ki gaa nimi lii, ba pu? ni ye liwangol le m chee, le m gee nimi, ki nyuŋ nimi.

Aisaya 43:4 ပူးပေါင်းရင်းမြစ်များ

Mpiin 12:2

M ga cha aa maa ki pɔr pam, le saamaal ga ŋa linibokpaan. M ga ŋa tinyoor ŋa aa pu, le aa ga li kpa liyimbil, le aa pu, binib ga kan tinyoor m chee.

Ilahn 112:9

U tii binib bi kaa kpa na, ni usui mɔmɔk la, le waaŋann aa kpa ndoon; u ga li kpa mpɔɔn ni kipak.

Ilahn 135:4

U nyan Jakob ke u li ye uyoo, u nyan Jakob aayaabitiib Israel yaab ke bi li ye waanib.

Aisaya 49:5

Waahr aan bi nin ma mi na, Uwumbɔr nan nyan mi siin; u nan ŋa mi waatutunn ke m giin ni waanib, ke m giin ni waanib Israel yaab bi yaa na. Uwumbɔr nyuŋni mi; uma le tii mi mpɔɔn.

Aisaya 63:9

Kina pu le u nyan bi baafalaa ni. Naa nan ye waatuun, uma Uwumbɔr ubaa le nan gaa bi lii. Waageehm ni waanimbaasaln pu le u gaa bi lii. N‑yoonn mu jer na le u nan kii bi,

Jeremia 31:3

m nan nya dandar ki dan bi chee. Israel aanib, m gee nimi n‑yoonn mɔmɔk, le ki ga li mɔk nimi maageehm mu bi n‑yoonn mɔmɔk na.

Hosea 11:1

Uwumbɔr len ke, “Israel aah nan laa ye ubo pu na, m nan gee u, le ki nan yin u nyan ni Ijipt aatiŋ ni ke maabo na.

Malakai 1:2

Uwumbɔr bui waanib ke, “M gee nimi n‑yoonn mɔmɔk.” Le bi gar u ke, “Kinye aan aa mɔk timi saah gee timi pu na?” Le Uwumbɔr gar bi ke, “Esɔ ni Jakob nan ye naabitiib la, le m nan tee lee Jakob ni uyaabitiib,

Malakai 3:17

Uwumbɔr Mpɔɔnsakpiindaan ki bui ke, “Bi ga li ye maanib la. Nwiin mundaal m ga fii sil na, bi ga li ye min mbaa aanib la. M ga san bi kinimbaak ke te aah san ujapɔɔn u ter u na kinimbaak pu na la.

Jɔnn 16:27

uma ubaa le gee nimi; ba pu? ni gee mi, ki pak ke m nyan ni u chee.

Jɔnn 17:23

M bi bi ni, le aa mu bi m ni, ke bi kpaan unibaan mbamɔm, aan dulnyaa ni aanib bee ke aa tun ni mi, ki bee ke aa gee saanib ke saah gee mi pu na.

Jɔnn 17:26

M mɔk bi saah bi pu na, ki ga li beenin mɔk bi, ke bi mu li gee tɔb ke saah gee mi pu na, aan m mu li bi bi ni.”

Jɔnn 5:44

Ni nyuŋni tɔb la, kaa ban ke Uwumbɔr, u ye Uwumbɔr baan na, li nyuŋni nimi. Ni ga ŋa kinye aan ki gaa mi ki kii?

Ikaal 14:2

Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Ikaal 26:18

Din wee na, Uwumbɔr mu gaa nimi ki di ŋa ubaa aanib, ke waah nan puu tipuur pu na, ki bui ke ni li joo waakaal mɔmɔk mbamɔm.

Ikaal 4:37

Waah gee niyaajatiib pu na, le u lee nimi, ki di waapɔɔn sakpiin na nyan ni nimi Ijipt aatiŋ ni.

Taitus 2:14

U nan kpo ti pu ke u gaa timi lii ki nyan timi titunwanbir mɔmɔk ni, aan ti li bi chain, ki li ye waanib, ki li ye binib bi aanimbil man ke bi tun litunyaan na.

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.