Aisaya 43:3 - Uwumbɔr aagbaŋ

³ ba pu? min le ye nimi Israel yaab Aadindaan Uwumbɔr u bi chain, ki gaal nimi lir na. M ga di Ijipt yaab pa ki gaa nimi lii. M ga di Kus ni Seba yaab pa ki gaa nimi lii.

Aisaya 43:3 ပူးပေါင်းရင်းမြစ်များ

Mpiin 10:7

Kus aayaabitiib le ye Seba yaab, ni Hafila yaab, ni Sabata yaab, ni Raama yaab, ni Sabateka yaab. Raama aayaabitiib le ye Seba yaab, ni Dedann yaab.

Ilahn 72:10

Speenn aatiŋ, ni ŋidik pu aabɔrb ga tii u ipiin; Arabia ni Itiopia aatim aabɔrb ga joo ni ipiin.

Nnyam 10:7

Le ubɔr aaninkpiib ngbaan bui u ke, “N‑yoonn mulamu uja wee ga di cha ki taa ki daa titafal? Cha Israel yaab ngbaan li cha, nima kan, bi ga ŋmaa buen ti doon Bidindaan Uwumbɔr. Saa kan ke Ijipt bii doo oo?”

Nnyam 20:2

“Min le ye Nidindaan Uwumbɔr u nyan ni nimi Ijipt aatiŋ ni, nin chee ni nan ye binaagbiib na.

Ŋiyataŋak 11:8

Binib bi aabimbin ŋan na nya tibɔbir ni la; le ti tee choo bibiindam ma chee.

Ŋiyataŋak 21:18

Mbiin mu bibiindam joo ŋani bininyaam na gir choo bi chee la.

Aisaya 19:20

Libimbiln ni ligoln ngbaan ga li ye limɔkl ki mɔk ke Uwumbɔr Mpɔɔnsakpiindaan bi Ijipt aatiŋ ponn ni la. Limukl yaa pii nima chee aanib aan bi yin Uwumbɔr aayimbil ki ban nterm kan, u ga tun unii aan u ti gaa bi lii.

Aisaya 20:3

Buyoonn bi nan nyaŋ Asdod aatiŋ na, Uwumbɔr nan ki bui ke, “Maatutunn Aisaya nan chuun uŋmeen, kaa tak ŋinaatak mu, ŋibin ŋitaa. Nimina le ye limɔkl ki mɔk tiwan ni ga ŋa Ijipt ni Kus aatim na.

Aisaya 30:11

Siir cha timi nsan man. Taa ban ti ŋun Israel yaab Aawumbɔr u bi chain na aabɔr.”

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 42:8

Min baanja le ye Nidindaan Uwumbɔr. M ni liwaal libaa aan ŋmaa kpaan maapak; Maan yakr maah kpa kipak ki na tii liwaal libaa.

Aisaya 43:11

Min baanja le ye Uwumbɔr. Min baanja le ga ŋmaa gaa nimi lii.

Aisaya 45:14

Uwumbɔr bui Israel yaab ke, “Ijipt ni Kus aatim aawangol ga kpaln nimi yaan la, le Seba aatiŋ aajab bi fɔk sakpen na ga ŋa nimi aanaagbiib; ni ga di tikululn le di dar bi buen. Bi ga gbaan ninimbiin ni le ki gaŋ nimi ki bui ke, ‘Uwumbɔr bi ni chee, uma baanja le ye Uwumbɔr.

Aisaya 45:15

Israel yaab Aawumbɔr u gaal waanib lir na, u ye Uwumbɔr u bɔrni ubaa pu na la.

Aisaya 45:21

Dan man ki nan di nimi aabɔr bil bibɔjirb chee; ki cha binib bi si nipuwɔb na kpokl tɔb. Ŋma nan len n‑yaayoonn na tiwan ni ga ŋa na? Naa nan ye min Uwumbɔr aa? Min le ye Uwumbɔr u ŋan ki gaal waanib lir na. Uken aa ki bi.

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 60:16

Ŋitimbol ni bibɔrb le ga li tun tii si, ke ubo aana aah kpiini u pu aan u ti chikr na. Aa ga bee ke min Uwumbɔr le gaa si lii; min Israel yaab Aawumbɔr Mpɔɔnsakpiindaan na le gaa si lii kookoo.

Aisaya 63:8

Uwumbɔr bui ke, “Bi ye maanib la; baan ŋmann mi.”

Jeremia 14:8

Sin baanja pu le Israel yaab mak; sin le nan nyan timi tibɔbir ni. Ba ŋa aa gur bi timi aatiŋ pu ke uchaan na, ki bi ke usachuln u ban u doon timi aatiŋ ni kinyeek kibaa baanja na?

Jeremia 16:21

Le Uwumbɔr bui ke, “Kina pu na, m ga cha ŋitimbol bee maah kpa mpɔɔn ni liyimbikpaan pu na; bi ga bee ke min le ye Uwumbɔr.”

Esekiel 39:7

M ga cha maanib Israel yaab li nyi maayimbil li ye chain na, kaan ki cha maayimbil ji inimɔɔn daalbaadaal. Le ŋitimbol ga bee ke min Uwumbɔr le ye Israel yaab Aawumbɔr u bi chain na.”

Hosea 13:4

Uwumbɔr bui ke, “Min le ye Nidindaan Uwumbɔr u nan nyan ni nimi Ijipt aatiŋ ni na. Naa ki kpa Uwumbɔr uken ki kpee m pu. Min baanja le ye u gaal nimi lir na.

Liifai Yaab 11:44

Min le ye Nidindaan Uwumbɔr, le ni ŋan ke ni li joo nibaa chain, ba pu? m bi chain la.

Amos 9:7

Uwumbɔr len ke, “Israel aanib, m gee Kus aanib ke maah gee nimi pu na la. Maah nan nyan ni nimi Ijipt aatiŋ ni pu na, kina le m nan di Filistia yaab nyan ni Krete aatiŋ ni, ki nyan Siria yaab mu Kir aatiŋ ni.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Juud 1:25

Uwumbɔr baan baanja le bi. Tidindaan Yesu Kristo pu le u nyan timi ntafadaan ni, ki gaa timi lii. Uwumbɔr le yeh nnyuŋ, ni mpakm, ni mpɔɔn mɔmɔk, ni tiwan mɔmɔk, n‑yoonn mu jer na, ni dandana wee, ni n‑yoonn mu kaa kpa ndoon na. Amii.