Aisaya 42:9 - Uwumbɔr aagbaŋ

⁹ Maah nan bui ke tiwan nimɔk ga ŋa na gbiin kina. Dandana m ga bui si tiwapɔnn ni ga ŋa na waahr aan ni nin piin ki bi ŋani.”

Aisaya 42:9 ပူးပေါင်းရင်းမြစ်များ

1 Bibɔrb 11:36

le ki ga tee cha Solomonn aajapɔɔn li joo linibol libaa, aan ki li kpa maatutunn David aayaabil ubaa n‑yoonn mɔmɔk u li joo Jerusalem aatiŋ, kitiŋ ki m lee ki ke bi li dooni mi nima chee na.

Aisaya 43:19

Li lik ban man tiwapɔnn ni m laa ban m ŋa na. Ni piin ki bi ŋani, ni ga ŋmaa kan ni dandana. M ga naan nsan nteersakpiin ni, ki tii nimi ibun i kpa nnyun na nima.

Aisaya 48:3

Uwumbɔr bui Israel yaab ke, “N‑yoonn mu jer na le m nan len tiwan ni ga ŋa na; le m kpaan cha ni ŋa.

Aisaya 48:5

Le m nan puun len nimi aabimbin aah bi pu na n‑yoonn mu jer na, ki mooni tibɔr aan ti nin ŋa, ke m kiir nimi aan ni taa bui ke nimi aawaa le ŋa ti.

Aisaya 48:6

Tibɔr timɔk m nan puun len ke ti ga ŋa na mɔmɔk ŋa kina; kina pu na, ni ga kii ke maah nan len pu na ye ibamɔn. Dandana ma, m ga bui nimi tiwachann ni ga dan na la, tiwan ni maa nan kpiir mɔk nimi na.

Jɔnn 13:19

M tuk nimi tiwan ni kaa kee ŋa na aabɔr dandana, ke ni yaa nan ŋa kan, ni ga pak ke m ye maah ye u na.

Lituln 15:18

Uwumbɔr le len kina. N‑yaayoonn na ki joo cha, u nan tuk binib tibɔr timina.’”

Josua 21:45

Uwumbɔr nan cha tipuur timɔk u nan puu tii Israel yaab na mɔmɔk gbiin.