Aisaya 42:8 - Uwumbɔr aagbaŋ

⁸ Min baanja le ye Nidindaan Uwumbɔr. M ni liwaal libaa aan ŋmaa kpaan maapak; Maan yakr maah kpa kipak ki na tii liwaal libaa.

Aisaya 42:8 ပူးပေါင်းရင်းမြစ်များ

Ilahn 66:2

Gaa ilahn ki nyuŋ waayimbil, ki tii u kinyuŋ aapak.

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Nnyam 34:14

“Ni taa doon liwaal libaa; ba pu? Min, Uwumbɔr aan kii ke Israel yaab li dooni tiwan nibaa ki kpee m pu.

Nnyam 4:5

Le Uwumbɔr bui u ke, “Ti ŋa kina ki mɔk Israel yaab ke Uwumbɔr, u ye niyaajatiib Abraham, ni Aisak, ni Jakob Aawumbɔr na le dan aa chee.”

Aisaya 43:11

Min baanja le ye Uwumbɔr. Min baanja le ga ŋmaa gaa nimi lii.

Aisaya 43:3

ba pu? min le ye nimi Israel yaab Aadindaan Uwumbɔr u bi chain, ki gaal nimi lir na. M ga di Ijipt yaab pa ki gaa nimi lii. M ga di Kus ni Seba yaab pa ki gaa nimi lii.

Aisaya 48:11

Maah ŋani tiwan nimɔk na, m ŋani mbaa pu la. Maa ban ke m bii maayimbil, kaa ban ke ubaa yakr m chee kipak; ki ga li ye min baanja aapak la.”

Aisaya 48:5

Le m nan puun len nimi aabimbin aah bi pu na n‑yoonn mu jer na, ki mooni tibɔr aan ti nin ŋa, ke m kiir nimi aan ni taa bui ke nimi aawaa le ŋa ti.

Aisaya 48:6

Tibɔr timɔk m nan puun len ke ti ga ŋa na mɔmɔk ŋa kina; kina pu na, ni ga kii ke maah nan len pu na ye ibamɔn. Dandana ma, m ga bui nimi tiwachann ni ga dan na la, tiwan ni maa nan kpiir mɔk nimi na.

Jeremia 33:2

Uma u aayimbil ye Uwumbɔr, aan u naan taab, ki toor, ki di ki siin na, nan len m chee tibɔr ke,

Daniel 5:4

le ki pak baah di salmaa naan ŋiwaa ŋi na, ni baah di tikunabr, ni tikumann, ni tikur, ni isui, ni ŋitakpal naan ŋi na.

Jɔnn 5:23

aan binib mɔmɔk nyuŋ min Ujapɔɔn ke baah nyuŋ Nte Uwumbɔr pu na. Unii umɔk kaa nyuŋ min Uwumbɔr Aajapɔɔn na, waa nyuŋ Uwumbɔr u tun ni mi na le na.

Jɔnn 8:58

Le u bui bi, “M tuk nimi mbamɔn la, baah kaa nan kee ma Abraham buyoonn na, m nan bi.”

Ikaal 28:58

“Ni yaa kaa joo mmɔkm mumɔk bi waagbaŋ ni na mbamɔm, ki yaa kaa pak Nidindaan Uwumbɔr aayimbil li kpa kipak ni ijawaan na kan,