Aisaya 42:5 - Uwumbɔr aagbaŋ

⁵ Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 42:5 ပူးပေါင်းရင်းမြစ်များ

Mpiin 1:1

Mpiin na Uwumbɔr nan naan kitiŋ,

Mpiin 2:7

Uwumbɔr nan di titan ki di naan uja, le ki fuur libuln ŋa umɔfal ni, le u kpaln unibɔn.

Job Aagbaŋ 12:10

Uwumbɔr le joo waawanaankaan aamɔfal; unibɔn mɔk aamɔfal bi uma le aapɔɔn ni.

Job Aagbaŋ 27:3

ke waah cha m bi limɔfal ni n‑yoonn mumɔk na,

Job Aagbaŋ 33:4

Uwumbɔr Aafuur Nyaan le naan mi ki tii mi limɔfal.

Job Aagbaŋ 34:14

Uwumbɔr yaa chuu gaa limɔfal aafuurk kan,

Ilahn 136:6

U maa kitiŋ tɔŋ nnyun mu nyoo na pu; waageehm aa kpa ndoon.

Ilahn 33:6

Uwumbɔr len, le paacham naan, le ki ki len, le nwiin, ni uŋmal, ni iŋmabi naan.

Ilahn 96:5

Ŋitimbol ŋiken na mɔmɔk aawaa po ye tiwan ni bi naan ni na la, le Uwumbɔr naan paacham.

Aisaya 37:16

“Uwumbɔr Mpɔɔnsakpiindaan, timi Israel yaab Aadindaan u ka waabɔrjal li bi tiwan ni kpa ifeen na aapaacham na, sin baanja le ye Uwumbɔr, ki joo dulnyaa aanaan mɔmɔk. Aa naan taab ni paacham.

Aisaya 40:12

Ŋma ga ŋmaa di uŋaapɔtan ŋaŋ nnyusakpem aanyun ki ti bee mu aaŋaŋ, bee u di uŋaal ŋaŋ kitaapaak? Ubaa ga ŋmaa di kitiŋ kee aatan mɔmɔk ŋa kiyinyook kibaa ni ii? Ubaa mu ga ŋmaa di tiwan ni bi joo ŋaŋni tiwan aah nyuun pu na ki di ŋaŋ ŋijoo ni ŋigongon aanyunyuun aa?

Aisaya 40:22

Uwumbɔr u ka waabɔrjal li bi paacham kitaapaak ni na le nan naan dulnyaa wee; binib bi bi taab na naahn inyann le u chee. U taln kitaapaak ke likekeln na la, ke baah ga ŋa likekeln aabool ki li koo li ponn ni pu na.

Aisaya 40:26

Waan lik kitaapaak man. Ŋma naan iŋmabi i ni waa i na? U lolni i pu nsan ke bijab bi cha butɔb na la, ki nyi yaa wiir pu na, ki yin i mɔmɔk ni yaayimbil la. Waapɔɔn aah nyaŋ sakpen pu na, i ponn ni ubaa aa wɔŋni.

Aisaya 40:28

Naa nyi ii? Naa kee ŋun aa? Uwumbɔr le ye Tidindaan u ga li bi n‑yoonn mu kaa kpa ndoon na; uma le naan dulnyaa mɔmɔk. Waa bakr kpala. Ubaa aa nyi waalandak.

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 45:12

Min le naan kitiŋ kee, le ki naan unibɔn ke u li bi ki pu. Mbaa aapɔɔn pu le m di daa taln kitaapaak; min le mɔk nwiin, ni uŋmal, ni iŋmabi naah ga ŋa pu na.

Aisaya 45:18

Uwumbɔr le naan kitaapaak, uma baanja le ye Uwumbɔr. Uma le ŋaŋ ki naan kitiŋ kee, u ŋa ki ki pɔɔ ki ga yunn pam. Waa nan ŋa ki kitiŋ ki bi yɔli kaa kpa nibaa na. U nan ŋa ki ke nin chee binib ga li koo na la. Uma le len ke, “Min le ye Uwumbɔr, uken aa ki bi ki kpee m pu.

Aisaya 48:13

Maaŋaal le nan naan taab aatinyikl, ki daa taln kitaapaak. M yaa yin kitiŋ ni kitaapaak kan, ni choo mala le ki nan sil nnimbiin ni.

Aisaya 57:16

M tii maanib limɔfal, kina pu na, maan ki galn bi ki gee liŋuul bi pu ki ti saa n‑yoonn mu kaa kpa ndoon na. M yaa ŋa kina kan, bi ga fik.

Jeremia 10:12

Uwumbɔr di waapɔɔn le naan kitiŋ; waalan le u di naan dulnyaa wee, le ki taln paacham.

Jeremia 27:5

“Maapɔɔnsakpiin pu le m naan dulnyaa wee, ni unibɔn, ni tiwakor ti mɔmɔk bi kitiŋ pu na; le ki joo ki tii unii umɔk m gee na.

Jeremia 32:17

“Ndindaan Uwumbɔr, aabaa aapɔɔn mu nyaŋ na le aa di naan taab ni kitaapaak; tiwan nibaa aa pɔɔ aa chee.

Jeremia 38:16

Le Ubɔr Sedekia nan loon ki puu tii mi ke, “M puu Uwumbɔr u bi, ki tii timi limɔfal na, ke maan ku si, kaan di si tii binib bi ban bi ku si na.”

Esekiel 18:4

Unii mɔmɔk aamɔfal ye min yaan la, min le yeh tetiib ni natiib, ni baabim aamɔfal. Unii u tun titunwanbir na, uma le ga kpo.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

Amos 9:6

Uwumbɔr maa waadichal paacham la, le ki cha kitaapaak bi kitiŋ aapaacham, le ki joo nnyusakpem aanyun kpir kitiŋ pu. Waayimbil le ye Uwumbɔr.

Sekaria 12:1

Uwumbɔr aah nan len Israel aabɔr ti na sɔ. Uma le ye Uwumbɔr u taln kitaapaak na. Uma le naan kitiŋ, le ki tii unibɔn limɔfal. U len ke,

Lituln 17:24

Uwumbɔr nan naan dulnyaa wee, ni tiwan nimɔk bi ni ponn ni na. Uma le ye paacham ni taab Aadindaan. Waa bi liwaal aadiik ni.

Lituln 17:25

Uma ubaa le tii binib mɔmɔk limɔfal, ni libuln li ti fuur na, ni tiwan mɔmɔk. Waah ban pu na, u kpa. Unii yaa tun lituln tii uma Uwumbɔr kan, naa kpae Uwumbɔr nibaa.

Hiibru Yaab 1:2

Kookoo aayoonn mue le u cha Ujapɔɔn tuk timi waabɔr. Uma le u nan cha u naan dulnyaa wee, ki len ke uma le ga li yeh tiwan mɔmɔk.