Aisaya 42:4 - Uwumbɔr aagbaŋ

⁴ Utaakpab aan yɔl le u ga li kpa limakl; uma le ga siin ibamɔn kitiŋ kee pu. Ŋitimbol ŋi bi dandar na ka ki kii waamɔkm.”

Aisaya 42:4 ပူးပေါင်းရင်းမြစ်များ

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

Ilahn 22:27

Ŋitimbol mɔmɔk ga teer Uwumbɔr bɔr. Bi ga nya ni dulnyaa aapepel mɔmɔk ni, ki dan u chee; Ŋinibol mɔmɔk ga doon u.

Aisaya 40:22

Uwumbɔr u ka waabɔrjal li bi paacham kitaapaak ni na le nan naan dulnyaa wee; binib bi bi taab na naahn inyann le u chee. U taln kitaapaak ke likekeln na la, ke baah ga ŋa likekeln aabool ki li koo li ponn ni pu na.

Aisaya 40:28

Naa nyi ii? Naa kee ŋun aa? Uwumbɔr le ye Tidindaan u ga li bi n‑yoonn mu kaa kpa ndoon na; uma le naan dulnyaa mɔmɔk. Waa bakr kpala. Ubaa aa nyi waalandak.

Aisaya 41:5

Binib bi bi ntim mu bi dandar ni na kan maah ŋa pu na, le ijawaan chuu bi, le biwon gbaa. Le bi mɔmɔk kuun tɔb chee.

Aisaya 42:10

Gaa nlahnpɔɔn ki tii Uwumbɔr man; dulnyaa aanib mɔmɔk, gaa ki pak u man. Nimi bi bi iŋɔsakpiin ponn ni, nnyusakpem pu na, pak u man; nimi tiwanfuurkaan ni mɔmɔk bi nnyusakpem ni na, pak u man. Nimi bi mɔmɔk bi ntim mu bi dandar na, gaa ilahn ki pak u man.

Aisaya 42:12

Cha binib bi koo ntim mu bi dandar na tii Uwumbɔr kipak ni kinyuŋ.

Aisaya 42:21

Uwumbɔr gee ke u gaal binib lir la, kina pu le u cha waakaal ni waamɔkm kpa kipak, ki nan ban ke waanib nyuŋ i.

Aisaya 49:1

Nimi ŋitimbol ŋi bi dandar na, li pel man, nimi binib bi koo dandar na, li pel man. Waahr aan bi nin ma mi na, le Uwumbɔr nan lee mi, ki di mi siin ke m li ye waatutunn.

Aisaya 51:4

Maanib, li pel man, li pel maah len pu na man: M joo maamɔkm tii ŋitimbol mɔmɔk; maakaal ga woln binimbil.

Aisaya 51:5

M ga dan mala ki nan gaa bi lii; n‑yoonn mu m ga di nyaŋ binib na ŋɔŋni a. Min mbaa le ga li joo ŋitimbol mɔmɔk. Ntim mu bi dandar na aanib ka kii mi ke m dan; bi ka kii mi, ki kpa limakl ke m ga nan gaa bi lii.

Aisaya 55:5

Dandana ni ga kuun biwɔwɔm aatimbol; n‑yoonn mubaa, baa nan nyi nimi, le dandana ma bi ga san ki nan kpaan ni chee. Min, Nidindaan Uwumbɔr, nimi Israel yaab Aawumbɔr u bi chain na ga cha nimina mɔmɔk ŋa kina; m ga nyuŋ nimi ki tii nimi liyimbil.”

Aisaya 60:9

Ni ye iŋɔi i nyan ni dandar na la, i joo ni Uwumbɔr aanib le choo kun ni. Bi joo ni salmaa ni tikunabr la, ke bi nan di nyuŋ timi Israel yaab Aadindaan Uwumbɔr u bi chain ki cha ŋitimbol pak timi waanib na aayimbil.

Aisaya 66:19

ki bee ke min le dar bitafal. “Le m ga gaa bi ponn ni bibaa lii ki tun bi ŋitimbol, ni ntim mu daa kaa kee ŋun maayimbil pu, ki mu aa kee kan maapɔɔn na: ki ye Speenn aatiŋ, ni Libia, ni Lidia aatim ni, nin chee kpa bijab bi ŋmaa too itɔi na, ni Tubal ni Griis aatim ni. Ŋitimbol ŋee ponn ni le bi ga moon maapɔɔn.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Sekaria 2:11

N‑yoonn ngbaan kan, ŋitimbol pam ga dan Uwumbɔr chee, ki nan kpaln waanib. U ga nan li koo ni chee, le ni ga bee ke uma le tun ni mi.

Matiu 12:21

U pu, le ŋinibol aanib mɔmɔk ga li kpa limakl.”

Tibɔnyaan ti Mak ŋmee ti na 3:3

Le Yesu bui uja u aaŋaal faan na ke, “Nan sil tikaasisik ni,”

Rom Yaab 16:26

Dandana wee, ti nyan mpaan pu. Uwumbɔr aabɔnabtiib nan ŋmee ti waagbaŋ ni. Uwumbɔr, u bi n‑yoonn mu kaa kpa ndoon na le siin ke ŋinibol mɔmɔk ŋun tibɔnyaan ngbaan, aan ki bee, ki tii u naadii, ki kii waamɔb.

1 Korenti 9:21

Binib bi kaa dii Moses aakaal na chee, m mu bi ke baah bi pu na, aan ki kan binib bi kaa dii Moses aakaal na, ki tii Kristo. Maa len ke maa dii Uwumbɔr aakaal. M dii Kristo aakaal la.