Aisaya 42:3 - Uwumbɔr aagbaŋ

³ Waan koo lidabil li boo na, kaan junn karyaa u kaa wiin mbamɔm na mu. U ga joo ni ibamɔn i kaan doo na.

Aisaya 42:3 ပူးပေါင်းရင်းမြစ်များ

Ilahn 147:3

U sɔŋni binib bi aasui bii na aasui, ki poo biini baabuun pu.

Ilahn 54:5

Uwumbɔr di maadim aatunwanbir giin daa bitafal. U tun waah siin pu na, nima le u ga kuln bi.

Ilahn 94:15

Bi ga ki kan ibamɔn libɔjil ni, le binib bimɔk aabimbin ŋan na ga sil ibamɔn ngbaan aachaŋ ni.

Ilahn 98:9

ba pu? u choo ke u nan joo dulnyaa la; u ga di mbimbinyaan ni ibamɔn le joo dulnyaa aanib.

Aisaya 2:4

U ga len ŋinibokpaan aabɔr, le bi ga di baajaak aajum mɔɔ ŋikuu, ki di baakpaatunn mɔɔ gɔrk tiib. Ŋinibol aan ki to tɔb butɔb, kaan ki gor bibaa kiir butɔb daalbaadaal.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 42:2

Waan li tar, kaan li kaani, kaan li kpa kifuuk ntim ni.

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Aisaya 50:4

Tidindaan Uwumbɔr mɔk mi maah ga len pu na aan ki pɔɔk binib bi aataakpab yɔl na aataakpab. U cha m jek ke m pel waah ban u mɔk mi pu na kichakpiik mɔmɔk ni.

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Jeremia 31:25

M ga tii binib bi bak na lifuur, ki cha nkon aah joo bi na ji tijikaar ti bab.

Esekiel 34:16

“M ga ban ipiih i wɔŋ na, ki giin ni i yenn na, ki poo i kan titotonn na aabuun, ki cha i bun na pɔɔk; le ipiih i filk ki pɔɔ na, m ga kuln ima, ba pu? m ye upihdaan u tun tiwan ni ŋan na la.

Maika 7:9

Ti tun Uwumbɔr titunwanbir, kina pu na, ni ŋan ke ti ji falaa waaŋuul pu. Nee aapuwɔb na u ga sil tipuwɔb ki toor taani u bi ŋa timi na. U ga nyan ni timi dan nwiihn ni; ti ga li bi ki ti saa n‑yoonn mu u ga gaa timi lii na.

Matiu 11:28

“Nimi bimɔk tun lituln ki ti bak na, dan m chee man, le m ga tii nimi lifuur.

Matiu 12:20

kaan koo lidabil li boon na, kaan junn karyaa u kaa wiin mbamɔm na. U ga kan linyaŋ, ki tii binib mɔmɔk baabamɔn.

Jɔnn 20:27

le ki bui Tomas, “Di aaŋanbik baan ŋŋaal aabue ponn ni, ki di aaŋaal baan nsikakl aabuer mu ponn ni, aan ki gaa mi ki kii, aan ki taa ki beeni.”

Jɔnn 5:30

“Maa ŋmaa ŋa nibaa mbaa pu. M ji binib tibɔr, Uwumbɔr aah tuk mi pu na la. Maah ji bi tibɔr pu na, ni ŋan; ba pu? maa ban maageehn, m ban Uwumbɔr u tun ni mi na aageehn la.

Tibɔkpiirkaan 19:11

Le m kan kitaapaak chuu piir, ki kan utapiin. U dik u pu na aayimbil le ye ke, “Mbamɔndaanyaan.” U yaa ji binib tibɔr kan, u tii bi baabamɔn, ki mu dii nsanyaan ki ti to butɔb.