Aisaya 42:23 - Uwumbɔr aagbaŋ

²³ Ni ponn ni, ŋma ga pel tibɔr tee? Ki nyan din ki joo cha, ni ga li gur pel mbamɔm aa?

Aisaya 42:23 ပူးပေါင်းရင်းမြစ်များ

Aisaya 42:22

Le dandana bi sun waanib aawan mpɔɔn; bi laŋ bi ibuu ni, ki di bi bɔr tiyondir ni. Bi sun bi nnaayupɔɔn, le ubaa aa bi u gaa bi lii.

Aisaya 42:24

Ŋma nan di Israel aanib tii binib bi gaa baawan mpɔɔn na? Uwumbɔr ubaa, u ti tun u titunwanbir na, le nan ŋa kina. Taa bi ke waah nan ban ke ti li bi pu na, kaa dii ikaal i u tii timi na.

Aisaya 48:18

Ni yaa nan ba pel maah tuk nimi pu na kan, le tinyoor ba ga li puu choo ni chee, ke nkpen mu aanyun aa foor na. Linyaŋ ba ga dan ni chee, ke nnyusakpem aanyunkpenn na la.

Jeremia 3:13

Kii ke ni tun taani, ke ni nyan Nidindaan Uwumbɔr aapuwɔb. Kpiir ke ni di nimi aageehn tii ŋiwaa, bususoom mɔmɔk taab, kaa kii maamɔb. Min Uwumbɔr le len kina.

Jeremia 9:12

Le m baa ke, “Uwumbɔr, ba ŋa kitiŋ bii ki kuur ke nteersakpiin na, le ubaa aa ki chuun nima chee? Ŋma kpa nlan ki ga ŋmaa bee nimina aatataa? Ŋma aan aa kpiir mɔk ke u di tuk biken na?”

Maika 6:9

Ni ye nlan aawan le ke ti li san Uwumbɔr. U yin kitiŋ ngbaan ni aanib ke, “Li pel man, nimi bi kuun kitiŋ ngbaan ni na.

Lituln 3:19

Nima pu na, kpeln nimi aabimbin man, ki dii Uwumbɔr aasan. Ni yaa ŋa kina kan, Uwumbɔr ga di cha pinn nimi aatunwanbir, ki tii nimi lifuur,

Ikaal 32:29

Baa bee tiwan ni bi ŋa aan baadim nyaŋ bi na, kaa bee tiwan ni pii bi na aatataa.