Aisaya 42:16 - Uwumbɔr aagbaŋ

¹⁶ M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Aisaya 42:16 ပူးပေါင်းရင်းမြစ်များ

Ilahn 94:14

Uwumbɔr aan siir cha waanib; waan suln binib bi ye waanib na aabɔr.

Ulandaan 1:15

Saan ŋmaa naar tiwan ni gɔr na. Saan ŋmaa kahn tiwan ni kaa bi na.

Ulandaan 7:13

Dakl lik Uwumbɔr aah tun pu na. Ubaa aan ŋmaa naar Uwumbɔr aah gɔr tiwan ni na.

Aisaya 26:7

Uwumbɔr, saa cha bininyaam aasan ponn ni kpa tibɔbir; baah chuun isan i pu na aa kpa ŋibugen.

Aisaya 29:18

Nwiin ngbaan daal yaa nan fuu ni kan, bitafakpaab ga ŋun baah karni kigbaŋ kibaa pu na, le bijoom bi nan bi mbɔmbɔɔn ni na ga likr binimbil ki li waa.

Aisaya 29:24

Bijɔrb ga bae nlan ki bee baah ga dii nsan mu na, le binib bi ŋulni n‑yoonn mɔmɔk na ga li gur kpa mpopiin ki gaa nsurm.”

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 30:21

Ni yaa yenn nsan ki fenn buen ŋŋangii wɔb, bee ŋŋangan wɔb kan, ni ga ŋun waaneel nipuwɔb len ke, “Nsan le na. Dii mu man.”

Aisaya 32:3

Binimbil ni bitafal ga li bi binib bi kaa kpa na ni.

Aisaya 35:5

Bijoom ga likr, le bitafakpaab na mu ga ŋun.

Aisaya 35:8

Nsanja ga naan nima chee, bi ga li yin mu ke, “Uwumbɔr aasan.” Titunwanbirdam aan chuun mu pu daalbaadaal; bijɔrb aan ŋmaa cha binib bi dii mu na yenn.

Aisaya 40:4

Bi ga di titan gbiin tifatann mɔmɔk, ki ber ŋijoo ni ŋigongon mɔmɔk lii taab, ki ŋa isan imɔk kaa joon na, i li joon tii u.

Aisaya 41:17

Buyoonn bigiim bi kaa kpa nibaa na ban nnyun kaa kan na, aan nnyunyuu joo bi na, le bineen kuur, n‑yoonn ngbaan le min Uwumbɔr ga kii baameel; min, Israel yaab Aawumbɔr, aan san cha bi.

Aisaya 41:3

U san dii bi, kaa kani tibɔbir tibaa; u nan san mala sakpen, le ni naahn ke waah fiir paacham le na.

Aisaya 45:2

“Min mbaa le ga toor saasan tii si, m ga ber ŋijoo ni ŋigongon ŋi ŋa taar. M ga kool baah di tikur ŋa ibisamɔi i na mɔmɔk.

Aisaya 45:7

Min le naan nwiihn ni mbɔmbɔɔn mu; min le joo ni tinyoor ni tibɔbir mu. Min Uwumbɔr le ŋani nimina mɔmɔk.

Aisaya 48:17

Nimi Israel yaab Aawumbɔr u bi chain na, Uwumbɔr u gaal nimi lir na bui ke; “Min le ye Nidindaan Uwumbɔr u ban ke u mɔk nimi mbimbinyaan, ki mɔk nimi nsan mu pu ni ga dii na.

Aisaya 52:12

N‑yoonn mumina ma kan, naan li ban mala ke ni nya; naan li ban ke ni san ŋmar. Nidindaan Uwumbɔr le ga cheen nimi aan ki li kii nimi ŋipepel mɔmɔk pu.

Aisaya 54:13

Min mbaa le ga mɔk saanib maasan, ki tii bi liwangol ni nsuudoon.

Aisaya 58:10

ki yaa tii nkon aah joo binib bi na tijiir, ki cha binib bi lann na mu kan kan, n‑yoonn ngbaan le mbɔmbɔɔn mu maln goln nimi na ga daa labr nwiihn mu wiin ke nwiin pu aawiin na.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Esekiel 14:23

le aa ga bee ke tiwan ni mɔmɔk m ŋa na nan kpa naatataa.” Aadindaan Uwumbɔr le len kina.

Hosea 2:14

Kina pu na, m ga ki giin u buen nteersakpiin ni, nima chee le m ga ti ki di tibɔmbɔr gaa u.

Hosea 2:6

Kina pu na, m ga di ikokon le gob u ki maa ligoln kiir waasan.

Amos 5:8

Uwumbɔr le naan iŋmabi, ni paacham aawan mɔmɔk. U kpeln mbɔmbɔɔn ki di ŋa nwiihn, ki di nwiin pu mu kpeln ŋa kinyeek. Uma le yin nnyusakpem aanyun, ki joo kpir kitiŋ pu. Waayimbil le ye Uwumbɔr.

Tibɔnyaan ti Luk ŋmee ti na 3:5

Bi ga di titan gbiin tifatann mɔmɔk, ki ber ŋijoo ni ŋigongon mɔmɔk lii taab, ki naar isan imɔk gɔr na, ki ŋa isan imɔk kaa joon na, i li joon tii u.

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Efesusi 5:8

N‑yoonn mbaa, ni mu nan bi mbɔmbɔɔn ni la. Dandana, naah kpaan Tidindaan ni na, ni bi nwiihn ni la. Naah bi nwiihn ni na, ni li bi mbamɔm, ke nwiihn ni aanib aah bi pu na.

Hiibru Yaab 13:5

Ni taa cha ninimbil li man ŋimombil pu. Cha ninimbil gbiin naah kpa ni na pu. Ba pu? Uwumbɔr ubaa le bui ke waan di cha si. Waan di si lii.

Josua 3:4

Naa nyi do kpala, nima pu na, bima le ga mɔk nimi nsan. Ubaa taa ŋɔŋ Uwumbɔr Aakaal Aadakaa ngbaan chee, ni li paa u pu, ki li daa u ki pii ŋitaa ŋichur ŋitaa.”

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.