Aisaya 42:13 - Uwumbɔr aagbaŋ

¹³ Uwumbɔr ga jan ke upobidaan na; u gor ki jek ban butɔb la. U faa nkuun, nkuun mu ye butɔb aakuun na, u mɔk waadim waapɔɔn.

Aisaya 42:13 ပူးပေါင်းရင်းမြစ်များ

Ilahn 78:65

Nee aapuwɔb le Uwumbɔr nan fii ke waah finn ngeen pu le na; u nan bi ke unachipɔɔn u nyun ndaan aan ni mɔɔr u na.

Sefania 3:8

Uwumbɔr nan ki bui ke, “Ni li kii man. Li ŋmin man ki li kii bundaal aan m ga fii sil ki galn ŋitimbol na. M ŋa nlandak ke m kuun ŋitimbol ni nnaan, ki cha ŋi bee maaŋuul aah pɔɔ pu na. M ga di maaŋuusakpeln li wu ke mmii na le di kuln kitiŋ kee mɔmɔk.

Amos 1:2

Le Amos len ke, “Uwumbɔr ŋuun ni Sionn Aajool paab ke uchinn na; uneel tar mpɔɔn pu ke utaal le aah gbeer na, ki nyan ni Jerusalem aatiŋ ni. Inaa aah ŋmɔ timoor nin chee na mɔmɔk kuur a, le Kamel Aajool paab kuur ki mann ke lipeel aamoor na.”

Sefania 1:18

Nwiin mundaal Uwumbɔr ga mɔk waaŋuul na kan, hali baakunabr ni salmaa aan ŋmaa gaa bi lii. Waaŋuul li wu ke mmii na le ga kuln kitiŋ kee mɔmɔk. U ga kuln unii umɔk bi kitiŋ kee pu na aamɔfal mala.

Nahum 1:2

Tidindaan Uwumbɔr aa kii ke unii doon liwaal libaa; u dar binib bi kpak u na aatafal. Waaŋuul ponn ni le u teeni bi baah tun pu na.

Hosea 11:10

“M yaa nan ŋuun baadim pu ke uchinn na kan, maanib ga dii mi. Bi ga nya liwilir wɔb ki dan m chee mala.

Jeremia 25:30

“Sin Jeremia, di maah len pu na mɔmɔk moon. Aa bui binib bee ke, ‘Uwumbɔr ga ŋuun ni paacham, ki teen ke utaal na paachapaacham. U ga ŋuun waanib pu; u ga li tar ke uja u bi tai ŋisubil, aan nnyun nya pu na la. Unii umɔk bi kitiŋ do na ga ŋun u pu,

Aisaya 31:4

Uwumbɔr bui mi ke, “Uchinn yaa chuu kiwakork, aan bipihkpaab po gee bi li tar mpɔɔn pu sakpen pu na, waan san cha ki; ni mu ga li bi kina le Uwumbɔr Mpɔɔnsakpiindaan chee, nibaa aan ŋmaa kiir u, aan u taa li kii Sionn aajool.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 66:14

Ni yaa kan nimina ŋa kan, ni ga mɔɔr nimi ki tii nimi mpɔɔn ni laafee. Le ni bee ke min Uwumbɔr ter binib bi kii maamɔb na, ki mɔk maadim maaŋuul.”

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Ilahn 118:16

waapɔɔn joo ni timi linyaŋ; waapɔɔnsakpiin mu u joo to butɔb na le nyaŋ kina.”

Joel 3:16

Uwumbɔr tar ke uchinn na Sionn aajool pu; uneel nyan ni Jerusalem aatiŋ ni, ke utaal aah tar pu na; le kitiŋ ni kitaapaak jii. U mu tee ga li kii waanib.

Aisaya 37:32

Binib ga li bi Jerusalem aatiŋ ni, ni Sionn Aajool pu ki ŋmar, ba pu? Uwumbɔr Mpɔɔnsakpiindaan le puu ke ni ga ŋa kina.

Aisaya 63:15

Uwumbɔr, saah bi paacham nin chee ni bi chain ki kpa kipak na, san timi kinimbaak. Saalandak mu aa nan kpa ti pu na bi la chee? Saapɔɔn bi la chee? Saageehm ni saanimbaasaln bi la chee? Taa suln tibɔr.