Aisaya 42:11 - Uwumbɔr aagbaŋ

¹¹ Cha nteersakpiin pu, ni ntim mu bi nima na aanib pak Uwumbɔr; cha Kedar aanib pak u. Cha binib bi koo Sela aatisakpeŋ ni na li tar ŋijoo paab ni mpopiin.

Aisaya 42:11 ပူးပေါင်းရင်းမြစ်များ

Mpiin 25:23

Le Uwumbɔr nan bui u ke, “Ŋinibol ŋilee le bi aaponn ni; saah ga maa bijaam bi na ga li ye ŋinibol ŋilee aanib la, le ubaa ga li pɔɔ jer uken, upol le ga nan li tun tii uwaatiir.”

Ilahn 120:5

Ni chee aakookoon aa ŋan ke unii u koo Mesek ni, kaa ŋan ke unii u koo Kedar aanib chee na la.

Aisaya 12:5

Gaa ilahn tii Uwumbɔr, waah ŋa tiwankpaan ni tii nimi na pu. Cha dulnyaa mɔmɔk ŋun tibɔpɔnn ngbaan man.

Aisaya 16:1

Sela aatiŋ ki bi nteersakpiin pu na, le Moab aanib di upihbo tun tichandaan, uja u joo Jerusalem na chee.

Aisaya 21:16

Le Uwumbɔr bui mi ke, “Libiln libaa mɔk na, Kedar aanibol aapɔɔn mɔmɔk ga doo.

Aisaya 32:16

Le ibamɔn ni mbimbinyaan ga gbiin kitiŋ ngbaan ni;

Aisaya 35:1

Nteersakpiin pu ga li kpa mmɔɔn, le mmopuun ga ŋeen kipɔɔk ni.

Aisaya 35:6

Biwɔb ga yuk ki waa liwaal, le bibirb ga teen mpɔɔn pu ni mpopiin. Ibun ga puu nteer pu nin chee nnyun aa nan bi na;

Aisaya 40:3

Unii ubaa bi ki tar ke, “Toor Uwumbɔr aasan nteersakpiin ni man, ki ŋa waasan mu li tok ki tii u.

Aisaya 43:19

Li lik ban man tiwapɔnn ni m laa ban m ŋa na. Ni piin ki bi ŋani, ni ga ŋmaa kan ni dandana. M ga naan nsan nteersakpiin ni, ki tii nimi ibun i kpa nnyun na nima.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Aisaya 60:7

Bi ga joo ni Kedar ni Nebayof aapiih mɔmɔk nan tii Jerusalem yaab ke bi di toor ipiin aatork Uwumbɔr aabimbiln paab aan ni piir usui. Uwumbɔr ga moo nyuŋ Waadichal ki jer laah nan kan pu na.

Jeremia 21:13

Nimi Jerusalem yaab ka ŋibɔrjal paab, le tifatann bi ni taab, le ni bi ke litakpal li ŋub kitiŋ ki dɔ taar na aah bi pu na. Le m ga jan nimi kijaak. Ni bui ke ubaa aan ŋmaa tak nimi, kaan ŋmaa bɔ nimi aajab ni ki jer.

Jeremia 48:28

“Nimi binib bi koo Moab aatiŋ ponn ni na, nya nimi aatim ni man. Ti li koo ŋijoo aatakpasakpiin ponn ni man. Li bi man ke linanjel li ter laadir kifataŋ ki nyoo na aamɔgben pu na.

Jeremia 49:16

Saagaak le ŋmann si. Ubaa aa san si ke saah dak ke bi san si pu na. Aa bi ŋijootakpal paab la, ki bi ŋijoo aapaachapaacham; tɔ, aa koo paachapaacham ke likaagiil na la, Uwumbɔr mu tee ga sunn si taab. Uwumbɔr le len kina.”

Jeremia 49:31

‘Dan man. Ti ga tak binib bi dak ke bi ŋmar, nibaa aan ŋa bi na. Baatiŋ aa kpa ibisamɔi i laŋni na, le ubaa aa kii ki.’

Esekiel 27:21

Arabia yaab ni Kedar aajojoob nan di ipihbi ni ipiih, ni iŋoob pan saawan pu.

Obadia 1:3

Nimi aagaak le ŋmann nimi. Nimi aatiyil pɔɔ ke litakpal na la, le nido bi ŋijoo ŋi fɔk na pu, le ni bui nibaa ke, ‘Ŋma ga ŋmaa daa ker timi lii ni taab?’

Nahum 1:15

Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.