Aisaya 41:9 - Uwumbɔr aagbaŋ

⁹ M nyan ni nimi kitiŋ aanaanmɔk; M yin nimi ki nyan ni kitiŋ aalɔlɔnn mɔmɔk ti bi ni daa na ki bui nimi ke, ‘Ni ye maatutum la.’ Maa yii nimi, le ki lee nimi.

Aisaya 41:9 ပူးပေါင်းရင်းမြစ်များ

Ilahn 135:4

U nyan Jakob ke u li ye uyoo, u nyan Jakob aayaabitiib Israel yaab ke bi li ye waanib.

Ilahn 94:14

Uwumbɔr aan siir cha waanib; waan suln binib bi ye waanib na aabɔr.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 14:1

Uwumbɔr ga ki gir san waanib Israel yaab kinimbaak ki lee bi ke uyaab. U ga ki cha bi ki koo baatiŋ ponn ni, le biwɔwɔm ga dan nan li bi bi chee.

Aisaya 41:2

Ŋma nan joo ni ubɔrkpaan u nyan ni liwipuul wɔb ki cha u nyaŋ binib bimɔk u ni bi jan na? Ŋma cha u nyaŋni bibɔrb ni ŋitimbol? Waajaak aajuk nan bii binib ke naah ye kitangbaak le u per lir na. Waapiin nan cha bi san yaa tɔb chee ke libuln aah daar timoor yaani tɔb chee pu na.

Aisaya 41:8

Le nimi maatutum Israel yaab, ni ye binib bi m lee bi na la, njɔ Abraham aayaabitiib.

Aisaya 42:1

Uwumbɔr bui ke, “Maatutunn u m pɔɔk utaakpab na sɔ: Uma le m lee u, le u gbiin nnimbil. M di Maafuur Nyaan gbiin u, le u ga joo ni ibamɔn nan tii ŋinibol mɔmɔk.

Aisaya 44:1

Uwumbɔr bui ke, “Maatutunn Israel aanibol, Jakob aayaabitiib bi m lee bi na, li pel dandana man.

Aisaya 45:4

M lee si ke aa ter maatutunn Israel aanibol, binib bi m lee bi na. Saa nyi mi, le m lee si ki cha aa kan kipak ni nnyuŋ.

Malakai 1:2

Uwumbɔr bui waanib ke, “M gee nimi n‑yoonn mɔmɔk.” Le bi gar u ke, “Kinye aan aa mɔk timi saah gee timi pu na?” Le Uwumbɔr gar bi ke, “Esɔ ni Jakob nan ye naabitiib la, le m nan tee lee Jakob ni uyaabitiib,

Tibɔnyaan ti Luk ŋmee ti na 13:29

Binib ga nya liwipuul wɔb, ni liwilir wɔb, ni isikakl mɔk, ki ga li ka ki ji tijikaar Uwumbɔr aanaan ni.

Ikaal 14:2

Nidindaan Uwumbɔr le yeh nimi, uma le nyan nimi binib bimɔk bi dulnyaa wee ponn ni na, ke ni li ye waanib.

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

Tibɔkpiirkaan 5:9

Le bi gaa ilahnpɔɔn ki tii Upihbo ngbaan ke, “Si le ŋeer aa gaa kigbaŋ ngbaan ki dabr ki; ba pu? aa nan kpo ki di saasin daa binib tii Uwumbɔr; binib ngbaan nyan ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na,

1 Samuel 12:22

Uwumbɔr puu tipuukpaan, kaan suln ni pu. U puu ke nimi le ga li ye waanib.