Aisaya 41:5 - Uwumbɔr aagbaŋ

⁵ Binib bi bi ntim mu bi dandar ni na kan maah ŋa pu na, le ijawaan chuu bi, le biwon gbaa. Le bi mɔmɔk kuun tɔb chee.

Aisaya 41:5 ပူးပေါင်းရင်းမြစ်များ

Mpiin 10:5

biyaabitiib nan bi ŋidik pu, ni nnyusakpem aagbaan la. Jafef aayaabitiib ngbaan nan bi baatim ni, le bi mɔmɔk aanibol bi, kaa kpaa iliin.

Ilahn 65:8

Saah tun ŋitun sakpiin ŋi na cha dulnyaa mɔmɔk san si la. Saabimbin joo ni mpopiin, le ki nyan ni kitiŋ kee mɔmɔk pu.

Ilahn 65:9

Saah gee kitiŋ pu na, le aa cha utaal nu; aa cha ki nyuun le ki kpa tijikaar. Aa cha nnyun gbiini ikpen; aa tii kitiŋ tijikaar. Saah ŋani ni pu na sɔ:

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Ilahn 67:7

Uwumbɔr ŋa waanyoor ŋa ti pu; Cha binib bi bi ni kookoo na nyuŋ u.

Nnyam 15:14

Ŋinibol mɔmɔk ŋun aa pu, le ijawaan chuu bi, le biwon gbaa, ijawaan nan chuu Filistia yaab.

Aisaya 41:1

Uwumbɔr bui ke, “Nimi ntim mu bi dandar na aanib, ŋmin man aan ki li pelni m chee. Gor man nibaa ki di nimi aabɔr buen libɔjil ni; ni ga kan nsan ki len nimi aabamɔn. Cha ti kal ki kpokl ki lik man u kpa mbamɔn na.

Aisaya 41:6

Biwanŋam ter tɔb ki pɔɔk tɔb aataakpab.

Esekiel 26:18

Tɔ, nwiin mundaal ki lir na, ŋidik aatim gii, le mu aanib aawon diib kina aabiil pu.”

Josua 2:10

Ti ŋun Uwumbɔr aah cha Limɔɔkal Aanyusakpem foor aan ni puur, buyoonn ni nan nyan ni Ijipt aatiŋ ni na, ki ki ŋun ke ni ku Amor yaab aabɔrb bilee, Sihonn ni Og, Jɔɔdann aawipuul wɔb.

Josua 5:1

Amor yaab aabɔrb bi mɔmɔk ka Jɔɔdann Aamɔɔl aawilir wɔb na, ni Kanaann aabɔrb bi mɔmɔk ka kpak Kaasisik ni Aanyusakpem na, nan ŋun Uwumbɔr aah cha Jɔɔdann Aamɔɔl aanyun foor pu aan Israel yaab chuun kitikuun pu ki puur pu na aabɔr. Le ijawaan chuu bi, le bitaakpab yɔl Israel yaab pu.