Aisaya 41:29 - Uwumbɔr aagbaŋ

²⁹ Ŋiwaa ŋimina mɔmɔk ye yɔli la; ŋaan ŋmaa ŋa nibaa kpala. Ŋiwaa ŋimina ye fam la, kaa kpa mpɔɔn mubaa.”

Aisaya 41:29 ပူးပေါင်းရင်းမြစ်များ

Ilahn 96:5

Ŋitimbol ŋiken na mɔmɔk aawaa po ye tiwan ni bi naan ni na la, le Uwumbɔr naan paacham.

Aisaya 17:8

Baan ki li lik ban baah nan di biŋaal maa ŋiwaabimbin ŋi na, kaan ki tii bibaa aaŋaal aah ŋa liwaapii Asera ni ŋiwaabimbin nin chee bi seer nnyɔknii na naadii.

Aisaya 2:8

Ŋiwaa le gbii baatiŋ ngbaan ni, le bi chuun toor tiwan ni bi di bibaa aaŋaal ŋa na.

Aisaya 37:19

ki see baawaa mmii, ŋi nan po ye unibɔn aah di uŋaal naan tiwan ni na la.

Aisaya 41:24

Nimi, ni naah ŋani nimɔk na ye fam la; binib bi dooni nimi na ye tijɔŋ ŋmeen la.

Aisaya 46:7

Bi ga yoor li ki di buŋ bibɔgbin pu, ki ti di li siin, le li si nima, kaan ŋmaa chuun buen nibaa chee. Unii yaa mee li kan, laan ŋmaa kii, kaan ŋmaa nyan u tibɔbir ni.

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Jeremia 5:13

Bi nan bui ke Uwumbɔr aabɔnabr na aa ye nibaa, bi po ye tiloor ti gbii libuln ŋmeen na, le kaa kpa Uwumbɔr aabɔr tibaa bi tuk bi. Le Tidindaan Uwumbɔr Mpɔɔnsakpiindaan bui mi ke, “Jeremia, binib bee aah len pu na pu, le m ga cha maabɔr li bi aamɔb ni ke mmii na. Le binib ngbaan ga li bi ke idɔ na, mmii ngbaan ga wu bi.”

Habakuk 2:18

Liwaal kpa ba aanyoor? Unibɔn le naan li, le li joo inyamɔn baanja tuk si. Unii u naan li na tii li naadii, le li mu aa tee ŋmaa len tibɔr.

Sekaria 10:2

Binib chaa bibɔɔb ni ŋiwaa chee ti buu tibɔɔr, ni mu aah tuk bi tibɔr ti na ye inyamɔn le kaa kpa ŋitaa. Bibaa mu bui ke bi nyi tidaŋ aatataa, le ki cha ni yenni. Bi mɔmɔk aah tii mpopiin mu na ye fam la. Kina pu le binib ngbaan chuun yiini ke ipiih i wɔŋ na. Baah kaa kpa usaloln na le cha bi bi tibɔr ni.

Bibɔjirb 18:17

Bipepekb biŋmu na nan koo lidichal ngbaan ponn ni, le ki ti yoor liwaal li bi di tikunabr boon li na, ni ŋiwaa ŋiken na, ni utotoor aabɔkugeŋ na, le utotoor ngbaan nan beenin si mbisamɔb, bijab ikui iloob bi joo tijawan na chee.

1 Samuel 12:21

Taa chuun dii ŋiwaa man, ŋi ye yɔli la. Ŋiwaa aan ŋmaa ter nimi, kaan ŋmaa gaa nimi lii mu, ba pu? ŋaa fu.