Aisaya 41:25 - Uwumbɔr aagbaŋ

²⁵ M lee uja u bi liwipuul wɔb na; m ga cha u nyan ni paacham wɔb ki nan tak nimi. U taar bitinjoob ŋmalni titan ni ke baah ye tikpakpar le na, ke uyakmaal aah nyani tiyakr pu na.

Aisaya 41:25 ပူးပေါင်းရင်းမြစ်များ

2 Samuel 22:43

M gbaa bi, le bi kpaln kitangbaak; m taa bi pu kitiŋ ponn ni ke tikpakpar na la.

Aisaya 10:6

M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 21:2

M kan libiil aabɔr tibɔkpiirkaan ni, libiil ni ŋŋmannim aabɔr. Elam aajab, ti tak bi man. Media aajab, buen ti gob man ntim ngbaan. Uwumbɔr ga kuln Babiloŋ yaab aah tii nimi falaa u na.

Aisaya 41:2

Ŋma nan joo ni ubɔrkpaan u nyan ni liwipuul wɔb ki cha u nyaŋ binib bimɔk u ni bi jan na? Ŋma cha u nyaŋni bibɔrb ni ŋitimbol? Waajaak aajuk nan bii binib ke naah ye kitangbaak le u per lir na. Waapiin nan cha bi san yaa tɔb chee ke libuln aah daar timoor yaani tɔb chee pu na.

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Aisaya 45:1

Uwumbɔr lee Sairus ke u ŋa u ubɔrkpaan. U lee u ke u to butɔb ki nyaŋ ŋitimbol; u tun u ke u ti nyan bibɔrb baanaan ni; Uwumbɔr le ga piir ntisakpem aabisamɔi tii u. Uma Uwumbɔr bui Sairus ke,

Aisaya 45:13

Min mbaa le pɔɔk ubɔrkpaan Sairus aataakpab ke u tun maatuln ki cha tiwan mɔmɔk sil chob. M ga naar isan imɔk u chuun i pu aan i gɔr na. U ga gir maa maatiŋ Jerusalem, ki gaa maanib lii. Ubaa aa tii u ipiin ke u di tun lituln limina.” Uwumbɔr Mpɔɔnsakpiindaan le len kina.

Jeremia 1:14

Le u nan bui mi ke, “Libiil le bi ŋŋangan wɔb ki kpinni kina choo binib bi mɔmɔk bi kitiŋ kee pu na,

Jeremia 50:3

“Litimbol li nyan ni ŋŋangan wɔb na dan ke li nan tak Babiloŋ, le ki ga ŋa ki nteersakpiin. Binib ni tiwakor ga san, le ubaa aan ki li koo nima.”

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Sekaria 10:5

Juda aanib ga kan linyaŋ ke bijab bi taa taa baadim ŋmal titan ni kitiŋ ponn ni na la. Uwumbɔr aah bi bi chee na, le bi ga jan, hali ki nyaŋ bidim aatandam.

Tibɔkpiirkaan 16:12

Le Uwumbɔr aatuun loloob mu di falaa u bi waasambil ni na kpir limɔɔsakpeln li bi yin li ke Yufrates na ni. Le laanyun foor, ki ŋa nsan ki tii bibɔrb bi nyan ni liwipuul wɔb na.