Aisaya 41:19 - Uwumbɔr aagbaŋ

¹⁹ M ga cha santina aasui punn nteersakpiin pu, ki cha isui i ŋan na, ni olif aakpan aasui muun nima. Kitiŋ kee pu nin chee aa nan kpa nibaa na ga kpaln kichook ki kpa isui sakpiin i ŋan ki pɔɔ na.

Aisaya 41:19 ပူးပေါင်းရင်းမြစ်များ

Aisaya 27:6

Iwiin i choo na ni, Jakob aamaal, Israel yaab, ga nyal sil ke busub na, ki ŋeen ki lu. Kitiŋ kee ga gbiin baah tun ki kani pu na.

Aisaya 32:15

Tɔ, Uwumbɔr ga ki gir tii ni timi Waafuur Nyaan. Ikpaakon i nan bii na ga ki gir ŋa ikpaakon i ŋan na, ki ga ŋa tijikaar sakpen.

Aisaya 35:1

Nteersakpiin pu ga li kpa mmɔɔn, le mmopuun ga ŋeen kipɔɔk ni.

Aisaya 43:19

Li lik ban man tiwapɔnn ni m laa ban m ŋa na. Ni piin ki bi ŋani, ni ga ŋmaa kan ni dandana. M ga naan nsan nteersakpiin ni, ki tii nimi ibun i kpa nnyun na nima.

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Aisaya 55:13

Lisalaasiil aasui le ga li gur bi ikokon aah nan bi nin chee na; le ikpasɔi muun nin chee ikokon nan si na. Limɔkl limina ga li bi n‑yoonn mu kaa kpa ndoon na, ki teer nimi, min Uwumbɔr aah ŋa pu na.”

Aisaya 60:13

Binib ga di bunaasub ni lisalaasiil ni isui imɔk bi Lebanonn aachook ni ki ŋan ki pɔɔ na giin maa sin Jerusalem, ki ŋa Maadichal kinyaan, ki moo nyuŋ maatiŋ.

Aisaya 60:21

Jerusalem aanib mɔmɔk ga li tun ŋitun ŋi tok chob na la, ki ga li yeh kitiŋ ngbaan mɔmɔk ki ti saa n‑yoonn mu kaa kpa ndoon na. Min le naan bi ki kaan bi ke bi kpiir maapɔɔn mɔk unibɔn mɔmɔk.

Aisaya 61:11

Njikaabim aah ŋani pu ki ti punn ki muuni na, kina le Tidindaan Uwumbɔr ga gaa waanib lii, le ŋitimbol mɔmɔk pak u.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Esekiel 47:12

Isui mɔmɔk aabɔŋ ga muun ŋimɔɔgban ŋilee ngbaan mɔmɔk pu ki tii tijikaar. Yaafar aan yɔl daalbaadaal, le yaasubil mu aan fir daalbaadaal. I ga li kpa uŋmal mɔk aasubipɔɔn, ba pu? nkpen mu puu nyan ni Uwumbɔr Aadichal ni na le tii i nnyun. Isui ngbaan ga li tii tijikaar, le bi ga li joo yaafar mu ki sɔŋ binib aaween.”

Hosea 14:8

Israel aanib aatafal aan ki li bi ŋiwaa ni; m ga kii baameel ki li joo bi. M ga li kii bi ke busub bu aafar aa gbaar na la; min le ye nin chee baanyoor mɔmɔk ga nya ni na.”

Sekaria 1:8

M nan kan Uwumbɔr aatuun dik utaman pu. U nan sil ikpasɔi aasui ibaa taab kifataŋ ni, le itaan i nan ye itaman, ni itachachal, ni itapiin na nan paa upuwɔb.