Aisaya 41:18 - Uwumbɔr aagbaŋ

¹⁸ M ga cha ŋimɔɔ puu ŋigongon ŋi pu aa nan kpa nibaa na, aan inyunbun mu puu ŋifatan ni. M ga cha nteersakpiin pu kpaln tibɔr ŋmeen, aan kitiŋ nin chee aa nan kpa nnyun na kpaln inyunbun i puu na.

Aisaya 41:18 ပူးပေါင်းရင်းမြစ်များ

Ilahn 104:10

Aa cha uyayak aanyunbun puu tifatann ni, le ŋimɔɔ puu ŋigongon aakaasisik ni.

Ilahn 105:41

U nan chuu piir litakpal, le nnyun chee nyan ni, ki puu nteersakpiin ni ke limɔɔl na.

Ilahn 107:35

U kpeln nteersakpiin ŋa tibɔr ti kpa nnyun na ki cha kitikuun kpaln inyunbun i puu na aatiŋ.

Ilahn 126:4

Uwumbɔr, giin timi buen timi aatiŋ pu, ke utaal aah joo ni nnyun nan tii imɔɔsan i kuur na pu na.

Ilahn 46:4

Limɔɔl libaa le bi, ki joo ni mpopiin nan tii Uwumbɔr u kaa kpa ŋeen aatɔ na aatiŋ ki ponn ni waadichal bi na.

Aisaya 12:3

Uwumbɔr yaa gaa waanib lii kan, bi kpa mpopiin ke nnyunsoom aah tii unii u nnyunyuu joo u na mpopiin pu na la.”

Aisaya 30:25

Nwiin mundaal ni ti nyaŋ nimi aadim, ki gaa baadifɔfɔŋ, ki ku baanib na, ibun ga puu nnyun ŋijoo, ni ŋigongon mɔmɔk pu.

Aisaya 32:2

Bi mɔmɔk ga li bi ke mbɔbɔryaan mu ga ŋmaa kiir unii libuln chee, ni nin chee unii ga bɔr ki ŋmar kitaabuŋ chee na la. Bi ga li naahn ibun i puu nteersakpiin pu nin chee nnyun aa bi na, ki ki naahn litakpasakpeln li tii mboon nin chee isui aa bi na.

Aisaya 33:21

Uwumbɔr ga mɔk timi waah kpa kipak sakpen pu na. Ti ga li bi ŋimɔɔ ni ikpen i waa na chee la, le iŋɔi i ye bidim aaŋɔi na aan koo ni nima chee.

Aisaya 35:1

Nteersakpiin pu ga li kpa mmɔɔn, le mmopuun ga ŋeen kipɔɔk ni.

Aisaya 44:3

M ga tii kitiŋ ki kuun na nnyun, ki cha ibun puu kitiŋ ki kuur na pu. M ga di Maafuur Nyaan gbiin nimi aabim, ki ŋa mmɔɔnyunsɔm ŋa niyaabitiib pu.

Aisaya 48:21

Uwumbɔr aah nan di waanib dii nteersakpiin mu ton ki kuun na ni na, baa nan kan nnyunyuu aafalaa. U nan cha nnyun nyan ni litakpal ni ki tii bi; u nan gaa lar litakpal ngbaan le nnyun puu nyan ni.

Aisaya 58:11

Le m ga li kii nimi n‑yoonn mɔmɔk ki tii nimi tiwan ni ŋan na. M ga cha ni li kpa laafee ki pɔɔ. Ni ga li bi ke tikpin aasaak ki kaa lann nnyun na la, ki naahn uyayak aanyunbun mu kaa foor na.

Aisaya 65:13

le m ban m bui nimi ke binib bi dooni mi ki kii maamɔb na ga li kpa pam bi ji ki nyu, nimi ma kan, nkon ni nnyunyuu ga li joo nimi. Bi ga li kpa mpopiin, le nimi ga ji inimɔɔn.

Joel 3:18

N‑yoonn ngbaan kan, ŋijoo mɔmɔk pu ga li ye ikpaakon la; le inaa ga li bi ŋigongon mɔmɔk pu; le Juda aakpen mɔmɔk ponn ni ga li kpa nnyun pam. Nnyun ga li puu nyan ni Uwumbɔr Aadichal ni, ki sɔŋ Sitim Aafataŋ.

Sekaria 14:8

Nwiin ngbaan daal yaa nan fuu ni kan, nnyunpɔm ga li puu nya ni Jerusalem ni. Ligetekr libaa ga li puu cha N‑yaan Aanyusakpem ni, le liken puu cha Kaasisik ni Aanyusakpem ni. Mu ga li puu n‑yoonn mɔmɔk libiln ni la. Mu ga li puu lipeel ni kiseek ni la.

Tibɔkpiirkaan 22:1

Uwumbɔr aatuun ngbaan nan mɔk mi limɔɔl li ye limɔfal aanyun ki wiin chain na. Mu nyan ni Uwumbɔr ni Upihbo ngbaan aabɔrjal chee, ki puu dii kitiŋ ngbaan aasan aakaasisik ni.

Tibɔkpiirkaan 7:17

ba pu? Upihbo u bi Uwumbɔr aabɔrjal aakaasisik ni na le ga kpiin bi, ki ga mɔk bi uyayak aanyun mu ga tii bi limɔfal na chee. Uwumbɔr ga per binimbil tinyunyunn mɔmɔk.”

Bibɔjirb 15:19

Uwumbɔr nan piir libugeln libaa Lehi aatiŋ ni nima chee, le nnyun nyan ni li ni. Samsonn nan nyun mu, le uwon ki sɔŋ. Kina pu le bi nan yin uyayak aanyunbun ngbaan ke Enn Hakore; mu beenin bi nima, Lehi aatiŋ ni.