Aisaya 41:17 - Uwumbɔr aagbaŋ

¹⁷ Buyoonn bigiim bi kaa kpa nibaa na ban nnyun kaa kan na, aan nnyunyuu joo bi na, le bineen kuur, n‑yoonn ngbaan le min Uwumbɔr ga kii baameel; min, Israel yaab Aawumbɔr, aan san cha bi.

Aisaya 41:17 ပူးပေါင်းရင်းမြစ်များ

Mpiin 28:15

Taa suln, ki li teer n‑yoonn mɔmɔk ke m ga li bi aa chee, le ki ga li joo si saah ga buen nimɔk na, ki ga ki giin ni si kitiŋ kee pu. Maan di si lii see m ŋa maah puu ke m ga ŋa si pu na.”

1 Bibɔrb 17:8

Le Uwumbɔr nan bui Elaija ke,

2 Bibɔrb Aabɔr 6:17

Kina pu na, Israel yaab Aadindaan Uwumbɔr, cha saah nan puu pu tii saatutunn David na mɔmɔk gbiin kina.

Ilahn 22:15

Nneen ni kuur ke titan na la, le nlambil tam nlakpaŋ. Aa di cha mi titan ni, ki di mi tii nkun.

Ilahn 34:6

Binib bi kaa kpa biteterb na yin uma la, le u gar bi; u nyani bi baabɔr mɔmɔk ni.

Ilahn 37:25

Dandana m ye uninkpel la; m yunn pam, le maa kee kan ke Uwumbɔr siir cha bininyaam, ki mu aa kee kan ke baabim chuun mee tijiir.

Ilahn 42:2

Sin Uwumbɔr u bi n‑yoonn mɔmɔk na, m wii ban si la; bayoonn aan m ga ŋmaa buen aanimbiin ni ki ti doon si?

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 74:21

Taa cha baah muk binib bi na ji inimɔɔn; cha bigiim ni binib bi kaa kpa na pak si.

Ilahn 94:14

Uwumbɔr aan siir cha waanib; waan suln binib bi ye waanib na aabɔr.

Nnyam 17:3

Tɔ, nnyunyuu nan joo binib ngbaan pam, le bi nan ŋulni Moses pu. Bi nan bui ke, “Ba ŋa aa nyan ni timi Ijipt aatiŋ ni, ki cha nnyunyuu ban mu ku timi, ni timi aabim, ni timi aawakor?”

Nnyam 17:6

M ga loln nsan ki ti sil litakpasakpeln libaa pu, Sainai Aajool na chee. Faa litakpasakpeln ngbaan, le nnyun ga nyan ni li ponn ni aan binib ngbaan nyu.” Moses nan ŋa kina Israel yaab aaninkpiib ngbaan aanimbil ni.

Aisaya 30:19

Nimi binib bi koo Jerusalem ponn ni na aan ki wii iwiil. Uwumbɔr san nimi kinimbaak, le ni yaa wii ki yin u ki ban nterm kan, u ga kii nimi aayim.

Aisaya 42:16

M ga loln maanib bi jɔb na pu isan i ni baa kee dii i na. M ga cha baabɔmbɔɔn kpaln nwiihn ki cha ŋitingbaln ŋi kaa joon na jɔŋ aan bi dii jer. Maah puu tipuur ti na le bi na, le m ga li joo ti, kaan bii ti.

Aisaya 43:20

Hali tipeewanbir ga nyuŋ mi buyoonn m cha ŋimɔɔ puu nteer pu ke maanib bi m lee bi na kan nnyun ki nyu na, ikakal ni taataa tiib ga pak mi.

Aisaya 44:3

M ga tii kitiŋ ki kuun na nnyun, ki cha ibun puu kitiŋ ki kuur na pu. M ga di Maafuur Nyaan gbiin nimi aabim, ki ŋa mmɔɔnyunsɔm ŋa niyaabitiib pu.

Aisaya 48:21

Uwumbɔr aah nan di waanib dii nteersakpiin mu ton ki kuun na ni na, baa nan kan nnyunyuu aafalaa. U nan cha nnyun nyan ni litakpal ni ki tii bi; u nan gaa lar litakpal ngbaan le nnyun puu nyan ni.

Aisaya 49:10

nkon ni nnyunyuu aan ki chuu bi. Le nwiin, ni nteersakpiin pu aatotoŋ aan ki see bi, ba pu? u gee bi na le ga li joo bi. U ga mɔk bi uyayak aanyunbun chee.

Aisaya 55:1

Uwumbɔr bui ke, “Dan man, unii umɔk nnyunyuu joo u na, nnyun le na do. Nimi bimɔk aa kpa ŋimombil na, dan man, nan daa tijikaar ki ji man. Dan man, nan daa ndaan ni nnaabiin man, naan pa limombil libaa.

Aisaya 58:11

Le m ga li kii nimi n‑yoonn mɔmɔk ki tii nimi tiwan ni ŋan na. M ga cha ni li kpa laafee ki pɔɔ. Ni ga li bi ke tikpin aasaak ki kaa lann nnyun na la, ki naahn uyayak aanyunbun mu kaa foor na.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Aisaya 62:12

Bi ga li yin nimi ke, “Uwumbɔr aanib bi bi chain na,” ki ki yin nimi ke, “Binib bi Uwumbɔr gaa bi lii na.” Bi ga yin Jerusalem ke, “Kitiŋ ki Uwumbɔr gee ki na,” ki ki yin ki ke, “Kitiŋ ki Uwumbɔr aan suln ki bɔr na.”

Aisaya 65:13

le m ban m bui nimi ke binib bi dooni mi ki kii maamɔb na ga li kpa pam bi ji ki nyu, nimi ma kan, nkon ni nnyunyuu ga li joo nimi. Bi ga li kpa mpopiin, le nimi ga ji inimɔɔn.

Aisaya 65:24

Waahr aan bi nin mee mi doo na, m ga kii baameel.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Jeremia 31:25

M ga tii binib bi bak na lifuur, ki cha nkon aah joo bi na ji tijikaar ti bab.

Inandalahn 4:4

Bi cha baabim kpo nkon ni nnyunyuu la; mbim mee ban tijikaar ti ubaa aan tii bi na la.

Esekiel 47:8

U nan bui mi ke, “Nnyun mumina puu cha liwipuul wɔb, le ki ti lir Jɔɔdann Aafataŋ ni, ki nyan nima ti koo N‑yaan Aanyusakpem ni. Nima chee le mu ti gaa n‑yaan aanyun mu bi nnyusakpem ngbaan ni na, ki ye nnyunbamɔm.

Matiu 5:3

Binib bi nyi ke bi ye bigiim Uwumbɔr wɔb na, waanyoor bi bi pu. Bima le yeh Uwumbɔr aanaan.

Matiu 5:6

Binib bi aanimbil man ke bi li ye bininyaam na, Uwumbɔr aanyoor bi bi pu. Binimbil ga gbiin.

Tibɔnyaan ti Luk ŋmee ti na 16:24

Le u teen, ‘Nte Abraham, m ji falaa sakpen mmii mue ponn ni; san mi kinimbaak, ki tun Lasarus u ti di uŋanbik tu nnyun ki nan di meeh nlambil aan li sɔŋ.’

2 Korenti 12:9

Le waa kii, le ki bui mi ke waaterm le ga cha m nyaŋ limukl ngbaan; ba pu? unii u kaa kpa mpɔɔn na ga li kpa waapɔɔn mbamɔm. Le m kpa mpopiin ki kpa kipupuk maadabur aabɔr pu, aan ki li kpa Kristo aapɔɔn.

Tibɔkpiirkaan 21:6

Le u ki bui mi ke, “M ŋa tiwan ngbaan mɔmɔk doo. Min le ye Alfa ni Omega, mpiin ni ndoon ngbaan. Unii umɔk nnyunyuu chuu u na, m ga tii u limɔfal aanyun, le waan pa nibaa.

Tibɔkpiirkaan 22:17

Uwumbɔr Aafuur Nyaan ni Yesu aanib bui ke, “Dan.” Unii umɔk ŋun na, u mu bui ke, “Dan.” Unii umɔk nnyunyuu chuu u na, u mu dan. Unii umɔk ban na, u mu dan ki nan nyu limɔfal aanyun, ki taa pa nibaa.