Aisaya 41:15 - Uwumbɔr aagbaŋ

¹⁵ M ga ŋa nimi ke lidipoidabil li laa soon ki nyuun na la. Ni ga poi ŋijoo ki doo ŋi; ŋigongon ga wii ki kpaln kitangbaak.

Aisaya 41:15 ပူးပေါင်းရင်းမြစ်များ

Job Aagbaŋ 41:30

Tikakr ti bi upɔtiŋ taab na bi ke ncheen na la; ŋi geei tikpakpar aatiŋ ke likuul na la.

Ilahn 18:42

M nan bi, le bi kpaln kitangbaak ki libuln daar joo cha na. M taa bi pu kitiŋ ponn ni ke tikpakpar na la.

Aisaya 17:13

Ŋitimbol san ni ke tinyunkpenn na, le Uwumbɔr teen bi pu, le bi gir bipuwɔb mala ke kitangbaak aah san sunni ligongoln taab pu na, ki naahn kimook aah bi kinaakpaajabuŋ ponn ni pu na.

Aisaya 21:10

Maanib Israel yaab, bi poi nimi ke idi na la, le dandana m ban m moon ki bui nimi tibɔnyaan ti m ŋun Uwumbɔr Mpɔɔnsakpiindaan chee na; uma le ye nimi Israel yaab Aawumbɔr.

Aisaya 28:27

Waa joo likukul li filk na poi ŋibaabil ni ikonjubɔn aabil, u joo lidabil waatiir le poi.

Aisaya 29:5

Jerusalem aatiŋ, biwɔwɔm bi tak si na ga buen ke libuln aah daar titan joo cha pu na, le baajab bi kpa ijawaan na ga buen mala ke kimook aah dii libuln pu na.

Aisaya 42:15

M ga ber ŋigongon ni ŋijoo mɔmɔk ki cha timoor ni isui mu kuur. M ga di nnyun aafatann kpaln nteer ki cha tibɔr mu aanyun foor.

Aisaya 64:1

Uwumbɔr, aa yaa ba daa kar ntaalangbam ki sunn ni kan, m ba ga li gee kina. Ŋijoo ba ga kan si, le ijawaan chuu ŋi le ŋi dam.

Jeremia 51:20

Uwumbɔr len ke, “Babiloŋ, sin le ye maagagaar, sin le ye maajawan ti m joo to butɔb na. M joo sin le wiil ŋitimbol ni nnaan,

Jeremia 51:33

Naan yunn le baadim ga nyaŋ bi ki taa taa bi bil ke baah poi ŋikalmaan lipaal pu pu na. Min Uwumbɔr Mpɔɔnsakpiindaan, u ye Israel yaab Aawumbɔr na, le len kina.”

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Esekiel 33:28

M ga cha kitiŋ ngbaan kpaln kitikuun ki kaa kpa nibaa na, le mpɔɔn mu bi nan mak mu pu sakpen na ga doo. Israel aajoo pu ga li bir sakpen, le ubaa aan dii ŋi chee ki jer.

Daniel 2:35

Libuul ngbaan ni le tikur, ni tiyakr, ni tikumann, ni tikunabr, ni salmaa na mɔmɔk wur lir kitiŋ yak yak, ki nan bol bol ke lipeel aapaal pu aatan na. Le libuln daa ni mɔmɔk buen, kaa gur nibaa. Le litakpal na ma filk ki ti ŋa lijool ki biin kitiŋ kee mɔmɔk pu.

Maika 4:13

Uwumbɔr bui ke, “Jerusalem aanib, li cha ti daa nimi aadim aatafal man. M ga cha ni li pɔɔ ke unaaja u kpa tikur aayiin ni tikumann aataabuseen na. Ni ga ber ŋitimbol pam, le baah di mpɔɔn kan liwangol li na, ni ga joo ni li nan tii min, u ye dulnyaa mɔmɔk Aawumbɔr na.”

Maika 5:8

Binib bi gur ki ŋmal ŋitimbol ŋiken ni na ga li bi ke uchinn u bi ban tijikaar kichook ni, bee kipihkpaamook ni na la: u ga koo ipiih ni, le ki chur i, le ki daa par par i, le yaan kan nterm nibaa chee.

Habakuk 3:12

Aa nan di liŋuul bɔ dii kitiŋ kee pu; le saaŋuul ponn ni aa taa taa ŋitimbol pu.

Sekaria 4:7

Ŋimuk ŋi filk ke ŋijoo na ga san cha si. Aa ga ki gir maa Maadichal; aa yaa ti di kookoo aatakpal di paan kan, le binib ngbaan ga teen mpɔɔn pu ke, ‘Kinyaan, kinyaan.’”

Josua 17:18

Ŋigongon aatiŋ ngbaan ga li ye nimi yaan. Mbamɔn, ki ye kichook la, ni ga ŋmaa gaa ki, ki maa nima, ki di ki mɔmɔk ŋa nimi aatiŋ. Kanaann yaab ma kan, baah kpa tikur aatɔroku mam ki pɔɔ sakpen pu na, ni ga ŋmaa jenn nyan bi.”

Bibɔjirb 6:16

Uwumbɔr nan gar u ke, “Maah ga ter si pu na le ga cha aa ŋmaa ŋa kina. Aa ga kuln Midiann yaab ngbaan ke baah ye unibaan le na. Naan li pɔɔ kpala.”