Aisaya 41:11 - Uwumbɔr aagbaŋ

¹¹ Binib bi gee ni pu liŋuul na ga ji inimɔɔn, baah ga lir pu na. Binib bi jaa nimi kijaak na ga kpo,

Aisaya 41:11 ပူးပေါင်းရင်းမြစ်များ

Nnyam 11:8

Moses aah ti ban u len tibɔr mɔmɔk doo na le u bui ke, “Saaninkpiib mɔmɔk ga dan m chee ki nan gbaan nnimbiin ni, ki ga gaŋ mi ke m di maanib mɔmɔk nya ki buen. Nee aapuwɔb le m ga nya.” Liŋuul nan joo Moses, le u siir ubɔr ngbaan chee.

Nnyam 12:29

Kinyetaasiik le Uwumbɔr ku njan aabim mɔmɔk Ijipt aatiŋ ponn ni, ubɔr aajapɔpol u ga nan ji nnaan na hali ki ti saa biyom bi bi tiyondir ni na aajan aabim, ki kpee tiwakor mu aajan aabim.

Nnyam 23:22

Tɔ, ni yaa kii waamɔbon ki ŋa maah ban pu na kan, m ga to nimi aadim butɔb tii nimi.

Aisaya 17:13

Ŋitimbol san ni ke tinyunkpenn na, le Uwumbɔr teen bi pu, le bi gir bipuwɔb mala ke kitangbaak aah san sunni ligongoln taab pu na, ki naahn kimook aah bi kinaakpaajabuŋ ponn ni pu na.

Aisaya 29:5

Jerusalem aatiŋ, biwɔwɔm bi tak si na ga buen ke libuln aah daar titan joo cha pu na, le baajab bi kpa ijawaan na ga buen mala ke kimook aah dii libuln pu na.

Aisaya 29:7

n‑yoonn ngbaan le ŋitimbol ngbaan aajab bi bi tak kitisakpeŋ ki ye Uwumbɔr aatork aabimbiln ngbaan na aajawan ga lir ke naah ye tidaŋ le na, ki naahn ke unii aah dɔ geen kinyeek ki dak ilandak pu na.

Aisaya 29:8

Ŋitimbol ŋi mɔmɔk kuun tɔb chee ke ŋi ti tak Jerusalem na ga li naahn uja u nkon ban mu ku u, u dɔ daŋni tidaŋ ke u bi ji tijikaar ki finn kaa jin nibaa na; ki ki naahn uja u nnyunyuu joo u, u dɔ daŋni tidaŋ ke u bi nyu nnyun ki finn ki kan ke nnyunyuu beenin joo u na.

Aisaya 34:12

Ubɔrkpaan aan li bi ki joo litingbaln ngbaan, le kaaninkpiib mɔmɔk ga doo.

Aisaya 40:17

Ŋitimbol ngbaan aa ye nibaa u chee.

Aisaya 40:2

Pɔɔk Jerusalem aanib aataakpab. Tuk bi ke bi jin falaa ni yunn sakpen a, le dandana m di baatunwanbir cha pinn bi, m daa bitafal ki ŋaŋ baatunwanbir.”

Aisaya 41:24

Nimi, ni naah ŋani nimɔk na ye fam la; binib bi dooni nimi na ye tijɔŋ ŋmeen la.

Aisaya 41:29

Ŋiwaa ŋimina mɔmɔk ye yɔli la; ŋaan ŋmaa ŋa nibaa kpala. Ŋiwaa ŋimina ye fam la, kaa kpa mpɔɔn mubaa.”

Aisaya 45:24

Bi ga len ke min baanja pu le unii ga ŋmaa kan linyaŋ ni mpɔɔn; le bimɔk gee m pu liŋuul na ga ji inimɔɔn.

Aisaya 49:25

Le Uwumbɔr giin kii ke, “Kina le sil ga ŋa. Bi ga gaa butɔb aaja chee biyom, ki gaa ubiindaan chee waah gaa tiwan ni kijaak ni na. Unii umɔk tak si na, m ni udaan ga jan, le m ga gaa saabim lii.

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 54:15

Unii yaa tak si kan, maa nyi udaan aabɔr; unii umɔk ban si kijaak na ga lir.

Aisaya 54:17

Le tijawan nibaa aan ŋmaa tii si titotonn; aa ga li kpa ngarm ki tii unii umɔk galn si na. M ga li si maatutum aapuwɔb ki tii bi linyaŋ.” Uwumbɔr le len kina.

Jeremia 12:17

Tɔ, litimbol li kaan kii maamɔb na kan, m ga ŋɔb li kookoo ki kuln li. Min Uwumbɔr le len kina.”

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Daniel 4:35

U lik binib bi bi taab na ke baa ye nibaa u chee. Waatuuntiib ni binib bi bi taab do na bi uŋaal ni la. Ubaa aan ŋmaa kpak waageehn bee u baa u waah ŋani tiwan ni na pu.

Sekaria 12:3

Tɔ, n‑yoonn ngbaan yaa nan fuu ni kan, m ga cha Jerusalem nyuŋ ke litakpal sakpeln na. Le litimbol li pɔɔn libaa ke li yoor li na kan, li kan titotonn. Dulnyaa aatimbol mɔmɔk ga kuun nan kpaan ke ŋi tak Jerusalem.

Lituln 16:39

Le bi buen Pɔɔl ni Sailas chee ki ti sɔŋ bisui, ki nyan bi kiyondiik ni, le ki gaŋ bi ke bi nya kitiŋ ngbaan ni.

Tibɔkpiirkaan 3:9

M ga cha kinimbɔŋ aanib bi mɔn nnyamɔn ke bi ye maanib, kaa ye na, dan ni chee ki nan gbaan kitiŋ ninimbiin ni, ki bee ke m gee nimi la.