Aisaya 41:10 - Uwumbɔr aagbaŋ

¹⁰ Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 41:10 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Mpiin 26:24

Kinyeek ngbaan le Uwumbɔr nan bui u tidaŋ ponn ni ke, “Min le ye aate Abraham Aawumbɔr. Taa li san ijawaan; m bi aa chee. M ga ŋa tinyoor ŋa aa pu, ki cha aa maa pɔr, ki li kpa yaabitiib sakpen, ke maah nan puu tii maatutunn Abraham pu na.”

Mpiin 31:5

Baah fuu ni na le u bui bi ke, “M bee ke nite aa ki gee maabɔr ke waah nan gee mi njan pu na; tɔ, nte Aawumbɔr bi m chee.

Mpiin 49:24

Saatɔm aa diŋni, le aaŋaal mu pɔɔ. Aate Jakob Aawumbɔr Mpɔɔnsakpiindaan, uma Uwumbɔr u lik Israel yaab na le tii si mpɔɔn.

2 Samuel 22:19

Maah nan bi tibɔr ni na, le bi nan tak mi, le Uwumbɔr nan kiir mi.

1 Bibɔrb Aabɔr 12:18

Le Uwumbɔr Aafuur Nyaan gbiin bi ponn ni ubaa, u bi yin u ke Amasai na. U nan ŋa “Piitaa Na” aayidaan n‑yoonn mubaa, le u teen ke, “Jese aajapɔɔn David, ti si aachaŋ ni la. Linyaŋ ye sin ni binib bi ter si na yaan la. Uwumbɔr bi aa chee.” David nan gaa bi iŋaal ilee, le ki ŋa bi bininkpiib waajab ni.

2 Bibɔrb Aabɔr 20:17

Naa ye ke nimi le ga jan butɔb bue ni. Nima li cha ki ti lul sil ki li kii; ni ga kan ke Uwumbɔr tii nimi linyaŋ a. Juda ni Jerusalem aanib, taa joo beeni ki taa san ijawaan man. Nya buen butɔb ni man, le Uwumbɔr ga li bi ni chee.”

2 Bibɔrb Aabɔr 32:8

U kpa unibɔn aapɔɔn la, le tima kpa Tidindaan Uwumbɔr u ga ter timi aan ki to butɔb tii timi na.” Binib ngbaan nan kan ntaakpapɔɔn baabɔr aah len pu na chee.

Ilahn 144:11

Gaa mi maadim bi ye bibiindam na chee lii; nyan mi biwɔwɔm bi kaa len ibamɔn ki puur tipuur inyamɔn ni na aapɔɔn ni.

Ilahn 144:8

ki puur tipuur inyamɔn pu na aapɔɔn ni.

Ilahn 145:14

U ter binib bi bi tibɔr ni na; u fiini binib bi lir ki dɔ na.

Ilahn 147:12

Jerusalem, pak Uwumbɔr. Sionn, pak Saawumbɔr.

Ilahn 18:36

Saa cha maadim chuu mi, le maa kee lir.

Ilahn 27:1

Uwumbɔr le ye maawiihn, uma le gaal mi lir; Maan san ubaa ijawaan. Uwumbɔr kii mi le ki nyani mi linimaln mɔmɔk ni; maan li san ijawaan kpala.

Ilahn 29:11

Uwumbɔr le tii waanib mpɔɔn, ki ŋani tinyoor ŋani bi pu, ki tii bi nsuudoon.

Ilahn 33:12

Litimbol li dii Tidindaan Uwumbɔr na, lima le kpa mpopiin; waah lee binib bi ke bi ye uyaab na, bima le kpa mpopiin.

Ilahn 37:17

ba pu? Uwumbɔr ga gaa bibiindam aapɔɔn, le ki tee li kiir bininyaam.

Ilahn 37:24

Bi yaa lir kan, baan doon kitiŋ, ba pu? Uwumbɔr le ter bi.

Ilahn 41:12

Aa ga ter mi, ba pu? m ŋani ni ŋan na la; aa ga cha m li bi aanimbiin ni n‑yoonn mɔmɔk.

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 46:7

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 63:8

M bub joo si la, le aaŋaal tii mi ŋŋmarm.

Ilahn 65:5

Saah tii timi linyaŋ li na le ye ke aa keei timi aayim, le ki tun lijinjiir aawan ki gaal timi lir. Dulnyaa wee mɔmɔk ni aanib, ni binib bi bi nnyusakpem aapuwɔb na tii si naadii.

Ilahn 99:4

Ubɔrkpaan, aa gee ibamɔn aawan la; aa cha ibamɔn bi Israel aatiŋ pu; aa joo ni mbimbinyaan ni ibamɔn.

Nnyam 14:13

Moses nan giin bui bi ke, “Taa san ijawaan man. Sil chob man, ni ga kan Uwumbɔr aah ga ŋa pu ki gaa nimi lii din wee na. Naan ki kan Ijipt yaab bee daalbaadaal.

Nnyam 20:20

Moses nan giin bui bi ke, “Taa san ijawaan man, Uwumbɔr dan ke u nan tɔŋ nimi, le ki ban ke ni kii waamɔb, nima kan, naan tun titunwanbir.”

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 35:4

Bui umɔk aataakpab yɔl na ke, “Cha aataakpab pɔɔk ki taa san ijawaan. Uwumbɔr choo u nan gaa si lii, u choo u nan daa saadim aatafal.”

Aisaya 37:6

le u giin u ngarm mumina: “Uwumbɔr bui ke aa taa cha Asiria yaab faan si ke uma Uwumbɔr aan ŋmaa gaa si lii.

Aisaya 43:5

Taa san ijawaan man, m bi ni chee. Ki nya liwipuul ki ti saa liwilir li bi dandar na, m ga giin nimi aanib kun ni linampal.

Aisaya 44:2

Min le ye Uwumbɔr u naan nimi na; ki nyan bundaal bi ma nimi na, le m nan piin ki ter nimi. Taa san ijawaan man, nimi le ye maatutum, maanib bi m lee bi ki gee bi na.

Aisaya 49:8

Uwumbɔr bui waanib ke, “Ni yaa ŋeer ke m gaa nimi lii kan, le m ga san nimi kinimbaak, aan ki pel nimi aameel. M ga li kii nimi ki joo nimi le ki puu tipuur tii binib mɔmɔk, nimi pu. M ga cha ni ki gir kal nimi aatiŋ ki dɔ fam dandana na pu.

Aisaya 50:9

Tidindaan Uwumbɔr le si mpuwɔb. Ŋma ki bi ki ga mɔk ke maabɔr aa ŋan? Bi mɔmɔk ga wɔŋ doo; bi ga wɔŋ ke ŋikpandakur aah ŋman likekeln li na aah ga char char pu na la.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Aisaya 60:19

Nwiin aan ki li ye nimi aawiihn nwiin pu, le uŋmal mu aan ki li ye nimi aawiihn kinyeek; min Uwumbɔr le ga li ye nimi aawiihn mu kaan junn na, maanyuŋ aawiihn le ga li wiin ni pu.

Inandalahn 3:57

Aa nan ŋun le ki bui mi ke m taa san ijawaan.

Daniel 10:12

Le u ki bui mi ke, “Daniel, taa san ijawaan. Njan aawiin mundaal aa nan sunn aabaa taab ki piin ki bi mee u ke u tii si nlan na, le Uwumbɔr nan ŋun saameel. Saameel ngbaan pu le m dan.

Daniel 6:16

Kina pu le ubɔr nan tii nsan ke bi ti chuu Daniel ki di u mee ŋa ichinn aabuu mu ichinn gbii na ni, le ki bui Daniel ke, “Saawumbɔr, u aa di aasui ni saalandak mɔmɔk tii u na gaa si lii.”

Hosea 1:9

Uwumbɔr nan bui Hosea ke, “Yin u ke ‘Baa‑ye‑maanib,’ ba pu? Israel aanib aan ki li ye maanib, le m mu aan ki li ye Baawumbɔr.”

Hagai 1:13

Le Hagai u ye Uwumbɔr aatuun na bui binib ngbaan ke uma Uwumbɔr puu tipuur ke: “M bi ni chee la.”

Hagai 2:5

Naah nan nyan ni Ijipt aatiŋ ni na, m nan puu ke m ga li bi ni chee n‑yoonn mɔmɔk. M beenin bi ni chee, kina pu na, ni taa san ijawaan man.

Sekaria 10:12

M ga tii maanib mpɔɔn; bi ga kii maamɔb ki li dooni mi.” Uwumbɔr le len kina.

Sekaria 10:6

M ga tii Juda aanib mpɔɔn; m ga gaa Israel aanib lii. M ga san bi kinimbaak, ki giin ni bi mɔmɔk linampal. Bi ga li bi ke maah kaa kee yii bi daalbaadaal le na. Min le ye Bidindaan Uwumbɔr; m ga kii baameel.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Tibɔnyaan ti Luk ŋmee ti na 1:13

Le Uwumbɔr aatuun ngbaan bui u, “Sekaria, taa san ijawaan. Uwumbɔr ŋun saameen a. Aapuu Elisabef ga maa ubijabo, ki tii si. Le aa ga yin u ke Jɔnn.

Tibɔnyaan ti Luk ŋmee ti na 1:30

Le u ki bui u, “Mari, taa san ijawaan. Uwumbɔr ŋa si tibulchinn la.

Rom Yaab 8:31

Uwumbɔr aah ŋa kina mɔmɔk na, ti ga len kinye? Uwumbɔr aah si tichaŋ ni na, ubaa aan ŋmaa ŋa timi nibaa.

2 Korenti 12:9

Le waa kii, le ki bui mi ke waaterm le ga cha m nyaŋ limukl ngbaan; ba pu? unii u kaa kpa mpɔɔn na ga li kpa waapɔɔn mbamɔm. Le m kpa mpopiin ki kpa kipupuk maadabur aabɔr pu, aan ki li kpa Kristo aapɔɔn.

Efesusi 3:16

Waah kpa mpɔɔn sakpen pu na, le m mee u ke u tii nimi mpɔɔn nisui ni, Waafuur Nyaan pu,

Ikaal 20:1

“Ni yaa buen ni ti faa nimi aadim butɔb aan ki kan ke bi kpa itaan ni yaatɔroku tiib, ni bijab ki wiir sakpen ki jer nimi kan, ni taa li san bi ijawaan. Nidindaan Uwumbɔr u nyan nimi Ijipt yaab aaŋaal ni na ga li bi ni chee.

Filipi 4:13

Kristo aah tii mi mpɔɔn mu na, m ga ŋmaa ŋa tiwan mɔmɔk.

Josua 1:9

Teer ke m tuk si ke aa pɔɔn aabaa ki li kpa lipobil. Taa san ijawaan, ki taa cha aawon yɔl. Min, Aadindaan Uwumbɔr ma kan, m ga li bi aa chee saah cha nin chee na mɔmɔk.”

Bibɔjirb 6:16

Uwumbɔr nan gar u ke, “Maah ga ter si pu na le ga cha aa ŋmaa ŋa kina. Aa ga kuln Midiann yaab ngbaan ke baah ye unibaan le na. Naan li pɔɔ kpala.”