Aisaya 40:9 - Uwumbɔr aagbaŋ

⁹ Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Aisaya 40:9 ပူးပေါင်းရင်းမြစ်များ

2 Bibɔrb Aabɔr 13:4

Bijab ngbaan nan ti kan tɔb Efraim aajoo aatiŋ na ni la. Ubɔr Abija nan jon Semarayim Aajool paab le ki teen bui Jeroboam ni Israel yaab ke, “Li pel man.

Aisaya 1:1

Tibɔr ti bi kigbaŋ kee ponn ni na ye Juda ni Jerusalem aatim aabɔr le Uwumbɔr nan kpiir tuk Amos aajapɔɔn Aisaya. Ni nan ye buyoonn bibɔrb binaa bee nan jin jin nnaan Juda aatiŋ ni ki paan tɔb pu na la. Njan, ubɔr Usia le nan jin nnaan, le ubɔr Jotam nan paan u pu, le ubɔr Ahas mu nan paan Jotam pu, le Hesekia nan gbeln puwɔb.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 35:2

Nteersakpiin aatiŋ ngbaan ga li kpa mpopiin ki gaa ilahn ki li tar, ki ga li ŋan ke Lebanonn aajoo pu na la. Kitiŋ ngbaan ga li nyuun ke Kamel ni Saronn aakpaakon na. Binib mɔmɔk ga kan Uwumbɔr aah kpa kipak pu na, ki kan waah ye unikpaan ki kpa mpɔɔn pu na.

Aisaya 41:27

Min Uwumbɔr le nan puen tuk Sionn yaab tibɔpɔnn ngbaan; M nan tun ntuun Jerusalem aatiŋ ni ke u ti len ke, ‘Saanib choo. Bi choo kun ni la.’

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Aisaya 51:12

Uwumbɔr bui ke, “Min le pɔɔk nitaakpab. Ba ŋa ni san unibɔn u ga kpo na ijawaan? Ba ŋa ni san unibɔn u ga kpo mala ke timoor na?

Aisaya 51:7

Li pel man, nimi bi nyi tiwan ni ye mbamɔn na, binib bi di maamɔkm ŋa bisui ni na, li pel man. Binib yaa ŋani nimi mbɔnyun ki seei nimi kan, ni taa san ijawaan;

Aisaya 52:6

N‑yoonn choo le ni ga bee ke m sil ye Uwumbɔr ki bui nimi tibɔr tee.”

Aisaya 58:4

Nimi aamɔlul aayoonn le ni waar le ki kpak ki jaa. Ni dak ke kimɔlul kimina aaboln ga cha m pel nimi aameel aa?

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Jeremia 22:20

Jerusalem aanib, li cha Lebanonn aatiŋ pu, ki ti li tar man; li cha Basann aatiŋ pu ki li wii man; li bi Moab aajoo pu ki yin man, ba pu? bi nyaŋ nimaantɔtiib a.

Jeremia 29:11

Min baanja le nyi maah dak ni pu pu na, ilandak i ye ke m joo ni nimi nkam kaa ye tibɔbir na, ilandak i ye ke m joo ni nimi fen u ni mak u pu na. N‑yoonn mu choo na kpa limakl;

Nahum 1:15

Lik man, ntuun nyan ni ŋijoo pu ki joo ni tibɔnyaan. U choo u nan moon linyaŋ aabɔr la. Juda aanib, ji nimi aajim man, ki tii Uwumbɔr naah di nisui mɔmɔk puu ke ni ga tii u ni na. Bibiindam aan ki dan nan jenn gaa nimi aatiŋ daalbaadaal. Bi kuln doo kookoo a.

Tibɔnyaan ti Luk ŋmee ti na 24:47

Ni li mooni binib maayimbil pu, ke bi yaa kpeln baabimbin kan, Uwumbɔr ga di cha baatunwanbir pinn bi. Ni piin ki li mooni Jerusalem aatiŋ aanib ni, aan ki nin moon ŋinibol mɔmɔk mu ni.

Lituln 2:14

Le Piita ni Yesu aakpambalb kipiik ni ubaa na fii sil. Le Piita len mpɔɔn pu, ki tuk kinipaak ngbaan, “Nnaabitiib, Juu yaab, ni nimi bimɔk bi Jerusalem ni na, ni li pel mbamɔm, ki ŋun maah ga len pu na.

Lituln 4:13

Bininkpiib ngbaan nan bee ke Piita ni Jɔnn aa ye binib bi nyuun na, kaa bae mbaem, le ki kpa lipobil ki len. Baah kpa lipobil pu na, le ni gar bininkpiib ngbaan. Bi bee ke bi nan ye Yesu aajɔtiib la.

Lituln 4:29

Uwumbɔr, lik baah faani timi nfaan pu na. Ter timi saatutum, ki tii timi lipobil, aan ti di tuk binib saabɔr.

Rom Yaab 10:18

Le m baa ke, “Israel yaab aa nan ŋun aa?” Mbamɔn, bi ŋun. Ni ŋmee Uwumbɔr Aagbaŋ ni ke, “Bineel mu tee chaa dulnyaa wee mɔmɔk ni, le kitiŋ kee mɔmɔk pu ŋun.”

Efesusi 6:19

ki li mee u ki tii m mu, ke u mɔk mi maah ga len pu na, ki tii mi lipobil ke m waar mmɔb ki tuk binib tibɔnyaan tee aabɔbɔrkaan.

1 Timoti 3:16

Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

1 Piita 3:14

Ni mu yaa kan falaa lituln li ŋan na pu kan, Uwumbɔr aanyoor bi ni pu la. Ni taa san unii ubaa ijawaan, ki taa cha ilandak li joo nimi.

Bibɔjirb 9:7

Jotam aah ŋun kina na, le u buen ti tɔŋ Gerisim Aajool pu ki teen bui bi ke, “Nimi Sekem aatiŋ aajab, li pel man, aan Uwumbɔr mu pel ni chee.