Aisaya 40:4 - Uwumbɔr aagbaŋ

⁴ Bi ga di titan gbiin tifatann mɔmɔk, ki ber ŋijoo ni ŋigongon mɔmɔk lii taab, ki ŋa isan imɔk kaa joon na, i li joon tii u.

Aisaya 40:4 ပူးပေါင်းရင်းမြစ်များ

Ŋiyataŋak 2:15

ki ye binib bi unii aan ŋmaa puk kipupuk bi pu na.

Aisaya 40:3

Unii ubaa bi ki tar ke, “Toor Uwumbɔr aasan nteersakpiin ni man, ki ŋa waasan mu li tok ki tii u.

Aisaya 40:5

Uwumbɔr aah kpa kipak sakpen pu na ga nya mpaan pu aan unibɔn mɔmɔk kan waapak ngbaan. Uwumbɔr ubaa le puu kina.”

Aisaya 42:11

Cha nteersakpiin pu, ni ntim mu bi nima na aanib pak Uwumbɔr; cha Kedar aanib pak u. Cha binib bi koo Sela aatisakpeŋ ni na li tar ŋijoo paab ni mpopiin.

Aisaya 45:2

“Min mbaa le ga toor saasan tii si, m ga ber ŋijoo ni ŋigongon ŋi ŋa taar. M ga kool baah di tikur ŋa ibisamɔi i na mɔmɔk.

Aisaya 49:11

M ga naan nsan mu waa na ŋijoo paab, ki toor nsan tii maanib aan bi dii.

Aisaya 62:10

Jerusalem aanib, nya kitiŋ ngbaan ni man, ki naan nsan kiir nimi aanib bi gir choo kun ni na. Naan nsan mu waa na man; nyan ŋitakpal mɔmɔk man, ki siin limɔkl aan ŋitimbol mɔmɔk bee ke

Esekiel 17:24

Isui i mɔmɔk bi kitiŋ ngbaan pu na ga bee ke min le ye Uwumbɔr. Min le ga gaa geei isui i fɔk na, ki cha i kaa fɔk na muun ki li fɔk. Min le ga kuur isusoon ki cha isukuun fikr ki bunn. Min Uwumbɔr le len kina. M ga ŋa maah bui ke m ga ŋa pu na.”

Esekiel 21:26

Min, Aadindaan Uwumbɔr le len kina. Chuu chikr saabɔryikpupuk, ni likekeln li aa joo buu aayil na. Tiwan nibaa aan ki li bi naabimbin. Fiin bigiim ŋa mpɔɔn ni. Sunn binib bi joo kitiŋ dandana na taab.

Sekaria 4:7

Ŋimuk ŋi filk ke ŋijoo na ga san cha si. Aa ga ki gir maa Maadichal; aa yaa ti di kookoo aatakpal di paan kan, le binib ngbaan ga teen mpɔɔn pu ke, ‘Kinyaan, kinyaan.’”

Tibɔnyaan ti Luk ŋmee ti na 18:14

M tuk nimi la, Uwumbɔr len ke ulampoogaar ngbaan aabɔr le ŋan, waa len ke Farisii aanii ngbaan aabɔr ŋan; ba pu? unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 3:5

Bi ga di titan gbiin tifatann mɔmɔk, ki ber ŋijoo ni ŋigongon mɔmɔk lii taab, ki naar isan imɔk gɔr na, ki ŋa isan imɔk kaa joon na, i li joon tii u.

1 Samuel 2:8

U nyan ni bigiim titan ponn ni, ki nyan ni binib bi kaa kpa na baanimbaak ponn ni. U ŋani bi mbɔrbim aajɔtiib, ki joo bi kaani binikpaam aakakaa chee. Uwumbɔr le naan kitiŋ kee aatinyikl, le ki pɔɔ, litinyikl lee pu le u naan dulnyaa.