Aisaya 40:29 - Uwumbɔr aagbaŋ

²⁹ U pɔɔk binib bi bak aan biwon yɔl na aataakpab.

Aisaya 40:29 ပူးပေါင်းရင်းမြစ်များ

Mpiin 49:24

Saatɔm aa diŋni, le aaŋaal mu pɔɔ. Aate Jakob Aawumbɔr Mpɔɔnsakpiindaan, uma Uwumbɔr u lik Israel yaab na le tii si mpɔɔn.

Nehemia 6:9

Bi nan bi pɔɔni bibaa ke bi faan timi le ti di cha lituln ngbaan. Le m mee Uwumbɔr ke, “Tɔ, dandana wee, Uwumbɔr, moo tii mi mpɔɔn.”

Ilahn 29:11

Uwumbɔr le tii waanib mpɔɔn, ki ŋani tinyoor ŋani bi pu, ki tii bi nsuudoon.

Ilahn 68:10

le saanib maa baadichal nima chee; saaŋann sakpenn pu le aa tii bigiim baah ban pu na.

Ilahn 68:35

Uwumbɔr aah nyan waadichal ni ki choo pu na kpa ijawaan la. Uma le ye Israel yaab Aawumbɔr. U tii waanib mpɔɔn ni tiwon aapɔɔn. Pak Uwumbɔr man.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 50:4

Tidindaan Uwumbɔr mɔk mi maah ga len pu na aan ki pɔɔk binib bi aataakpab yɔl na aataakpab. U cha m jek ke m pel waah ban u mɔk mi pu na kichakpiik mɔmɔk ni.

Jeremia 31:25

M ga tii binib bi bak na lifuur, ki cha nkon aah joo bi na ji tijikaar ti bab.

Sekaria 10:12

M ga tii maanib mpɔɔn; bi ga kii maamɔb ki li dooni mi.” Uwumbɔr le len kina.

2 Korenti 4:16

Nima le cha tiwon aa yɔl. Tiwon timina bi diŋni iwiin mɔmɔk la. Timi aawiin aapɔɔn kpae iwiin mɔmɔk la.

Ikaal 33:25

Uwumbɔr li kii nimi aatim ke baah di tikur aajaaleŋ tiib le kiir mu na, aan ni li pɔɔ ki ti saa nimi aakundaal.”

Filipi 4:13

Kristo aah tii mi mpɔɔn mu na, m ga ŋmaa ŋa tiwan mɔmɔk.

Kolosiya 1:11

Ti mee u tii nimi ke waah kpa mpɔɔn sakpen pu na, u tii ni mu mpɔɔn, aan ni li kpa limɔr falaa ponn ni n‑yoonn mɔmɔk, ki li kpa mpopiin,

Hiibru Yaab 11:34

Bibaa mu aah nan gaa Uwumbɔr ki kii pu na, mmii sakpiin aa nan ŋmaa ŋa bi nibaa. Bibaa mu aah nan gaa Uwumbɔr ki kii pu na, le bi nan nyan kijuk aakun ni. Bibaa mu nan ye bidaburb, le baah gaa Uwumbɔr ki kii pu na, bi nan kan mpɔɔn. Bibaa mu aah nan gaa Uwumbɔr ki kii pu na, le bi kan mpɔɔn bi ti to butɔb ki nyaŋ baadim.

Bibɔjirb 15:19

Uwumbɔr nan piir libugeln libaa Lehi aatiŋ ni nima chee, le nnyun nyan ni li ni. Samsonn nan nyun mu, le uwon ki sɔŋ. Kina pu le bi nan yin uyayak aanyunbun ngbaan ke Enn Hakore; mu beenin bi nima, Lehi aatiŋ ni.

1 Samuel 2:4

Bijab bi pɔɔ na aatɔi kool la, le bi kaa kpa mpɔɔn na moo pɔɔk.