Aisaya 40:26 - Uwumbɔr aagbaŋ

²⁶ Waan lik kitaapaak man. Ŋma naan iŋmabi i ni waa i na? U lolni i pu nsan ke bijab bi cha butɔb na la, ki nyi yaa wiir pu na, ki yin i mɔmɔk ni yaayimbil la. Waapɔɔn aah nyaŋ sakpen pu na, i ponn ni ubaa aa wɔŋni.

Aisaya 40:26 ပူးပေါင်းရင်းမြစ်များ

Mpiin 1:14

Uwumbɔr nan ki bui ke, “Iwiihn nya ki li bi kitaapaak aan ki yakr nwiin pu ni kinyeek. Cha i yakr n‑yoonn, kitaak ki ti saa kitaak, ni njim ki ti saa njim, ni libiln ki ti saa libiln.

Mpiin 1:16

Uwumbɔr nan naan iwiin sakpiin ilee la, nwiin li wiin nwiin pu, uŋmal li wiin kinyeek; u nan naan iŋmabi mu.

Ilahn 102:25

n‑yoonn mu jer na le aa nan naan kitiŋ, ki di aabaa aaŋaal naan paacham.

Ilahn 119:91

Saakaal pu le tiwan mɔmɔk beenin bi ki nan saa din wee, ba pu? ni mɔmɔk ye saatutum la;

Ilahn 121:1

M lik ŋijoo paab; la chee aan maaterm ga nya ni?

Ilahn 19:1

Kitaapaak kpiir Uwumbɔr aapak aah bi pu na ki mɔk chain. Ki mɔk waah tun pu na chain.

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Aisaya 34:16

Ban kan Uwumbɔr Aagbaŋ ni, tiwanfuurkaan aabɔr na, ki karn naah ŋmee pu na man. Tiwanfuurkaan nimina ponn ni nibaa aan wɔŋ, le ni mɔmɔk mu ga li kpa niŋeen aatɔ. Uwumbɔr le len ke ni li bi kina; uma ubaa le ga kuun ni mɔmɔk nan kpaan tɔb chee.

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Aisaya 45:12

Min le naan kitiŋ kee, le ki naan unibɔn ke u li bi ki pu. Mbaa aapɔɔn pu le m di daa taln kitaapaak; min le mɔk nwiin, ni uŋmal, ni iŋmabi naah ga ŋa pu na.

Aisaya 45:7

Min le naan nwiihn ni mbɔmbɔɔn mu; min le joo ni tinyoor ni tibɔbir mu. Min Uwumbɔr le ŋani nimina mɔmɔk.

Aisaya 48:12

Uwumbɔr bui ke, “Israel aanib, binib bi m yin bi na, li pel m chee, Min le ye Uwumbɔr u ye mpiin ngbaan, ni ndoon ngbaan na, Uwumbɔr baan ngbaan.

Aisaya 48:13

Maaŋaal le nan naan taab aatinyikl, ki daa taln kitaapaak. M yaa yin kitiŋ ni kitaapaak kan, ni choo mala le ki nan sil nnimbiin ni.

Aisaya 51:6

Waan lik kitaapaak ngbaan; lik taab mu, kitaapaak ngbaan ga wɔŋ ke iŋmanyuu na; le kitiŋ mu ga ji deer ki ti doo ke likekekpokl na, le kaanib ga kpoi ke tisibir na. Le maah ga joo ni ŋŋmarm mu na aan li kpa ndoon; maanyaŋ mu aan li kpa ndoon.

Aisaya 66:2

Min mbaa le nan naan dulnyaa wee mɔmɔk. Nsui piin binib bi sunn bibaa taab aan bisui bii baatunwanbir pu, ki san mi ki kii maamɔb na pu.

Ikaal 4:19

Ni taa cha nibaa tɔŋ nimi aan ni li dooni tiwan ni ni waa kitaapaak, ni ye nwiin, ni uŋmal, ni iŋmabi na. Nidindaan Uwumbɔr le di tiwan nimina mɔmɔk tii binib bi mɔmɔk bi dulnyaa wee ni na.