Aisaya 40:18 - Uwumbɔr aagbaŋ

¹⁸ Ti ga di Uwumbɔr ŋaŋ ŋma? Aa ga ŋa kinye ki mɔk waah bi pu na?

Aisaya 40:18 ပူးပေါင်းရင်းမြစ်များ

Job Aagbaŋ 40:9

Aa kpa mpɔɔn ke min na aa? Aaneel ga li ŋmaa pɔɔ ke min yaan na aa?

Ilahn 113:5

Ubaa aa bi ke Tidindaan Uwumbɔr na. U koo paacham paacham la,

Ilahn 89:6

Uwumbɔr, ubaa aa bi paacham ki bi ke sin na; paacham yaab ubaa aaŋeen aatɔ aa ye si.

Ilahn 89:7

Saatuuntiib aakuun ni kan, bi mɔmɔk pak si la; le bi mɔmɔk san si ijawaan.

Ilahn 89:8

Tidindaan Uwumbɔr, Mpɔɔnsakpiindaan, ubaa aa bi ki kpa mpɔɔn ke sin na; Uwumbɔr, aa ŋani saah puu pu na mɔmɔk la.

Nnyam 15:11

Uwumbɔr, lilawaal bi ke si na? Ŋma bi ke si na, aan saabimbin bi chain kina? Ŋma ba tee bi ki tun lijinjiir, ni ŋitun sakpiin ke saah tun pu na?

Nnyam 20:4

“Ni taa naan tiwan nibaa ki di naŋ paacham aawan nibaa, bee kitiŋ aawan nibaa, bee nnyun ni aawan nibaa, ke ni doon ni.

Nnyam 8:10

Ubɔr ngbaan nan bui ke, “Ni yaa fe woln kichakpiik ni kan, aa mee Uwumbɔr.” Le Moses bui u ke, “M ga ŋa saah ban pu na, nima kan, aa ga sil bee ke Uwumbɔr ubaa aa ki bi ki kpee Tidindaan Uwumbɔr ngbaan pu.

Nnyam 9:14

N‑yoonn mue kan, maan ki daa saaninkpiib ni saanib ŋmeen aatafal, m ga daa aa mu aatafal kpee, nima kan aa ga bee ke ubaa aa ki bi dulnyaa wee ni ki kpa mpɔɔn ke min na.

Aisaya 40:25

Ti ga di Uwumbɔr u bi chain na ŋaŋ ŋma? Ubaa ki bi ke uma na aa?

Aisaya 44:6

Uwumbɔr u joo ki kii Israel yaab na, Uwumbɔr Mpɔɔnsakpiindaan kpa tibɔr tee u len ke: “Min le ye mpiin ngbaan ni ndoon ngbaan, min baanja le ye Uwumbɔr; Uwumbɔr uken aa ki bi ki kpee m pu.

Aisaya 46:5

Min Uwumbɔr bui ke, “Ŋma aan ni ga di mi ŋaŋ udaan? Ubaa ki bi ke min na aa?

Aisaya 46:9

Teer man tibɔr ti nan ŋa n‑yoonn na; tii naadii man ke min baanja le ye Uwumbɔr, ke ubaa aa ki bi ke min na.

Jeremia 10:1

Israel yaab, li pel man Uwumbɔr aah kpa tibɔr ti u tuk nimi na.

Jeremia 10:16

Uma Uwumbɔr u tiyaaja Jakob mu dii u na aa bi ke ŋima na; uma Uwumbɔr le naan tiwan mɔmɔk, le ki lee Israel yaab ke bi li ye uma ubaa aanib. Waayimbil le ye ke Uwumbɔr Mpɔɔnsakpiindaan.

Jeremia 10:6

Uwumbɔr, ubaa aa bi ke sin na; saapɔɔn nyaŋ sakpen a, le saayimbil nyuun ki kpa mpɔɔn.

Maika 7:18

Uwumbɔr, ubaa aa ki bi ke sin na; aa di cha pinn saanib bi ŋmar na aatunwanbir. Saa joo saaŋuul ni yunni, le ki tee gee ke aa mɔk timi ngeehm n‑yoonn mɔmɔk.

Lituln 17:29

Taah ye Uwumbɔr aabim na, taa cha ti li dak ke Uwumbɔr aabimbin bi ke ŋiwaa na. Ŋiwaa po ye ŋitakpal le bi kpii ŋi, bee salmaa, bee tikunabr le bi di mɔɔ ŋi.

Ikaal 33:26

Israel aanib, ubaa aa ki bi ke nimi Aawumbɔr na, uma le bi paacham, ntaalangbam ni, ki ter nimi.

Ikaal 4:15

“N‑yoonn mu Uwumbɔr nan len ni chee tibɔr, mmii ni, Sainai Aajool pu na, naa nan waa u. Ni yaa ban ke ni li ŋan tii nimi kan, ni chuu nibaa

Kolosiya 1:15

U ye Uwumbɔr u taa waa u na aanaŋ, ki ye tiwan nimɔk Uwumbɔr naan ni na Aayidaan;

Hiibru Yaab 1:3

U wiin chain ke Uwumbɔr aah wiin chain pu na, ki ye Uwumbɔr aanaŋ bamɔnn, ki di waabɔr ti kpa mpɔɔn na le joo tiwan mɔmɔk. U di ubaa toor kitork ki finn timi ki nyan timi aatunwanbir, le ki nin kal Uwumbɔr u yeh mpɔɔn mɔmɔk na aaŋangii wɔb paacham.

1 Samuel 2:2

Ubaa aa bi chain ke Uwumbɔr na; ubaa aa bi ke uma na, ukikiir ubaa aa bi ke timi Aawumbɔr na.