Aisaya 40:12 - Uwumbɔr aagbaŋ

¹² Ŋma ga ŋmaa di uŋaapɔtan ŋaŋ nnyusakpem aanyun ki ti bee mu aaŋaŋ, bee u di uŋaal ŋaŋ kitaapaak? Ubaa ga ŋmaa di kitiŋ kee aatan mɔmɔk ŋa kiyinyook kibaa ni ii? Ubaa mu ga ŋmaa di tiwan ni bi joo ŋaŋni tiwan aah nyuun pu na ki di ŋaŋ ŋijoo ni ŋigongon aanyunyuun aa?

Aisaya 40:12 ပူးပေါင်းရင်းမြစ်များ

Job Aagbaŋ 28:25

N‑yoonn mu Uwumbɔr nan tii libuln laapɔɔn, ki siin nnyusakpem aawiwiir na;

Ŋiyataŋak 30:4

Ŋma kee bee paacham aalan mbamɔm? Ŋma kee chuu libuln ŋa uŋaal ni? Ŋma kee di nnyun poo likekeln ni? Ŋma kee siin kitiŋ aanaanmɔk? Aa yaa nyi kan, ŋma ye udaan, ŋma ye ujapɔɔn?

Aisaya 48:13

Maaŋaal le nan naan taab aatinyikl, ki daa taln kitaapaak. M yaa yin kitiŋ ni kitaapaak kan, ni choo mala le ki nan sil nnimbiin ni.

Jeremia 31:37

Bi yaa ga nan ŋmaa ŋaŋ kitaapaak, ki yaa ŋmaa koo kitiŋ aah baan nin chee na ki lik lik naah bi pu na daalbaadaal kan, le u ga yii Israel yaab baah tun pu mɔmɔk na pu. Uwumbɔr le len kina.

Amos 4:13

Uma Uwumbɔr le naan ŋijoo sakpiin, ki naan libuln mu. U joo waakaal kpiir tuk unibɔn; u kpeln nwiin pu ŋani kinyeek. U chuun dulnyaa wee ni, nin chee fɔk sakpen na. Waayimbil sɔ: Tidindaan Uwumbɔr Mpɔɔnsakpiindaan.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.