Aisaya 40:10 - Uwumbɔr aagbaŋ

¹⁰ Tidindaan Uwumbɔr choo ke u nan di mpɔɔn joo waanib, ki joo ni binib bi u gaa bi lii na.

Aisaya 40:10 ပူးပေါင်းရင်းမြစ်များ

Mpiin 15:1

Nimina aapuwɔb, le Uwumbɔr nan kpiir ubaa mɔk Abram ki bui u ke, “Abram, taa li san ijawaan. M ga kiir tibɔbir mɔmɔk ti ga dan aa pu na, ki tii si ipiin sakpiin.”

Ilahn 110:6

U ga ji ŋitimbol tibɔr, ki cha baah to butɔb nin chee na kpaln ŋinikpol ŋmeen; u ga nyaŋ bibɔrb, kitiŋ kee mɔmɔk pu.

Ilahn 66:3

Bui Uwumbɔr ke, “Saah ŋa tiwan ni na nyaŋ a. Saapɔɔn nyaŋ, le saadim san ijawaan ki gbaani aanimbiin ni.

Aisaya 28:2

Uwumbɔr kpa unii ubaa u kpa mpɔɔn sakpen ki gor ke u ti tak bi na. Udaan ga fuu ni ke kibuŋ ki joo ni ŋitaatakpal na, ni utaasakpiin, ki naahn nwam mu san mala mala ki kpa mpɔɔn na, le ki ga biin kitiŋ ngbaan pu.

Aisaya 33:2

Uwumbɔr, san timi kinimbaak. Ti di timi aamakl di ŋa aa ni. Li kii timi iwiin mɔmɔk ki gaa timi lii buyoonn ti bi limukl ni na.

Aisaya 49:4

Le m bui ke, “M tun pam, le naa kpa tinyoor. Maapɔɔn mɔmɔk doo a, le maa nyan tinyoor tibaa.” Le m tee kpa limakl ke Uwumbɔr ga sil mpuwɔb; u ga pa mi maah tun pu na pu.

Aisaya 51:5

M ga dan mala ki nan gaa bi lii; n‑yoonn mu m ga di nyaŋ binib na ŋɔŋni a. Min mbaa le ga li joo ŋitimbol mɔmɔk. Ntim mu bi dandar na aanib ka kii mi ke m dan; bi ka kii mi, ki kpa limakl ke m ga nan gaa bi lii.

Aisaya 53:12

Le m ga tii u nkakaa mu nyuun na lipepel li bi bininyuum, ni mpɔɔndam aakaasisik ni na. U di waamɔfal tii waageehn pu, ki yakr titunwanbirdam chee baapal. U gaa titunwanbirdam pam aasisiiyaan, ki mee Uwumbɔr ke u di cha pinn bi.”

Aisaya 59:15

Mbamɔn par sakpen, le unii umɔk di cha titunwanbir aaŋam na ga kan ke uma le titunwanbirdam muk.” Uwumbɔr kan nimina, le naa mɔɔr u, ibamɔn aah kaa bi pu na.

Aisaya 59:16

Ni gar u pam ke ubaa aa bi u ter baah muk binib bi na. Kina pu na, u ga di ubaa aapɔɔn le di gaa bi lii, ki ji linyaŋ ngbaan.

Aisaya 59:18

U ga daa waadim aatafal baah tun taani ki ŋeer pu na, ni binib bi bi dandar aatim ni na mu.

Aisaya 62:11

Uwumbɔr bi mooni kitiŋ kee mɔmɔk pu ke: “Bui Jerusalem aanib ke Uwumbɔr choo u nan gaa nimi lii, ki joo ni binib bi u gaa bi lii na.”

Aisaya 63:5

Maah nan lik kaa kan ubaa u ter mi na, ni nan ŋa mi iwaan pam. Le maaŋuul pɔɔk ntaakpab, le m nyaŋ maadim mbaa.

Jeremia 31:16

Di cha saawiil ngbaan ki pir saanyunyunn ngbaan. M ga teen saah ŋa pu tii saabim na mɔmɔk; bi ga nya bidim ngbaan aatiŋ ni ki gir ni.

Malakai 3:1

Tɔ, Uwumbɔr Mpɔɔnsakpiindaan gar ke, “M ga tun ni maatuun aan u nan toor nsan siin mi. Le Dindaan u ni ban na ga fuu ni libuul ngbaan ni, Waadichal ni. Ntuun mu ni neen sakpen ke ni kan mu na ga dan ki nan di maah puu tipuur ti na moon.”

Matiu 28:18

Le Yesu bui bi, “Uwumbɔr tii mi mpɔɔn mɔmɔk, paacham ni taab.

Jɔnn 12:13

Le bi yoor tibɔkpafar ki ti tooh u nsan ni, le ki tar, “Hosiana, Uwumbɔr ŋa tinyoor ŋa unii u choo waayimbil ni na pu. Uwumbɔr ŋa tinyoor ŋa Israel yaab Aabɔrkpaan pu.”

Jɔnn 12:15

“Sionn aatiŋ aanib, taa san ijawaan man. Lik man, nimi Aabɔrkpaan choo ki dik ubon u laa diin na pu.”

Hiibru Yaab 2:14

Tɔ, timi waabim aah ye binibɔm pu na, nima le uma Yesu mu kpaln unibɔn, ke u nan kpo ki ŋa kinimbɔŋ ki nan kpa nkun aapɔɔn na fam,

1 Jɔnn 3:8

Unii umɔk tun titunwanbir n‑yoonn mɔmɔk na, u ye kinimbɔŋ aanii la. Ba pu? kinimbɔŋ aah nan piin buyoonn na, ki po tun titunwanbir la. Uwumbɔr Aajapɔɔn aah nan dan dulnyaa wee ni na, u nan dan ke u nan ŋa kinimbɔŋ aatuln yɔli la.

Tibɔkpiirkaan 17:14

Bi ga faa Uwumbɔr Aapihbo butɔb. Le Upihbo ngbaan ga nyaŋ bi; ba pu? u ye dindatiib mɔmɔk Aadindaan, ki ye bibɔrb mɔmɔk Aabɔrkpaan la. Binib bi dii u na le ye waah nyan bi ki yin bi na, le bi si uchaŋ ni.”

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.

Tibɔkpiirkaan 22:12

Yesu len ke, “Li pel man, m ga gir ni mala, ki ga li joo ni ipiin ki nan tii unii mɔmɔk ipiin waatuln aah ŋeer pu na.