Aisaya 40:1 - Uwumbɔr aagbaŋ

¹ Uwumbɔr bui ke, “Sɔŋ maanib aasui, sɔŋ bisui man.

Aisaya 40:1 ပူးပေါင်းရင်းမြစ်များ

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Ilahn 85:3

Aa di cha kaa ki gee bi pu liŋuul, ki chuu saaŋuusakpeln na.

Ilahn 85:8

M bi pel Ndindaan Uwumbɔr aah len pu na la; u puu ke u ga tii timi waanib nsuudoon; ti mu taa ki gir buen timi aajɔrk ponn ni.

Ulandaan 3:4

U siin mpombiin aayoonn, le mpopiin mu aayoonn bi, ikpowiil aayoonn bi, le liwaal aayoonn mu bi,

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 3:10

Binib bi aabimbin bi chain na ga li kpa mpopiin, le baawan mɔmɔk ga li dii nsan. Baah tun ki kan pu na, bi ga ji ni ni mpopiin.

Aisaya 41:27

Min Uwumbɔr le nan puen tuk Sionn yaab tibɔpɔnn ngbaan; M nan tun ntuun Jerusalem aatiŋ ni ke u ti len ke, ‘Saanib choo. Bi choo kun ni la.’

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Aisaya 51:12

Uwumbɔr bui ke, “Min le pɔɔk nitaakpab. Ba ŋa ni san unibɔn u ga kpo na ijawaan? Ba ŋa ni san unibɔn u ga kpo mala ke timoor na?

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Aisaya 52:9

Nimi Jerusalem aalangbenn, fii ki li tar mpopiin pu, Uwumbɔr gaa waatiŋ lii, ki sɔŋ waanib aasui.

Aisaya 60:1

Jerusalem, fii sil, ki li wiin ke nwiin na; Uwumbɔr aanyuŋ aah wiin chain pu na bi wolni aa pu.

Aisaya 61:2

U tun ni mi ke m nan moon ke n‑yoonn fuu ni, buyoonn Uwumbɔr ga gaa waanib lii ki nyaŋ waadim na. U tun ni mi ke m nan sɔŋ binib bi wii na aasui,

Esekiel 16:42

N‑yoonn ngbaan le maaŋuul ga jer, le nsui sɔŋ. Maaŋuul aan ki fii aa pu, le maapiipoln mu ga doo.

Sekaria 1:13

Le Uwumbɔr di nsuudoon aabɔr ti ŋan na gar ntuun mu len m chee na.

Sekaria 1:17

Ntuun ngbaan nan ki tuk mi ke m moon ke: “Uwumbɔr Mpɔɔnsakpiindaan bui ke waatim ga ki kan nkam, ke u ga ki ter Jerusalem ki di ki ŋa ubaa aatiŋ.”

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

2 Korenti 1:4

Timi aafalaa mɔmɔk ponn ni u sɔŋni tisui, ke ti mu ga ŋmaa sɔŋ binib bi bi falaa mɔmɔk aabɔŋ ni na aasui. Ti mu ga sɔŋ bisui ke Uwumbɔr aah sɔŋ tisui pu na.

1 Tesalonika 4:18

Nima pu na, ni li tuk tɔb kina, aan ki sɔŋ tɔb aasui.